廣華產檢

2007/01/30

今日去廣華做產檢
臨近預產期, 產檢的次數就越頻密
今次磅重終於有增長啦...119磅
不過唔知同天氣凍左著多左件衫和早上吃了豐富早餐有無關係呢^O^
上次就115磅, 就算扣番少少都應該有重左D既
下星期媽咪就會開始放產假了
希望到時我係吃飽就訓, 訓飽就吃既情況下
能夠養到你肥肥白白, 健健康康出世啦

旺角產檢

2008/01/25

這天到旺角覆診
巫醫生也說寶寶很大機會提早出來
多數會在過年前後..

超聲波檢查寶寶估計約有 2.4KG
誤差大約是上下百份之十
就算寶寶提早出世，應該也有 5 磅
那還算合格
當然.. 是足月的寶寶好！
足月會較健康丫！

有些緊張..
不知道.. 寶寶會做米奇老鼠？還是麥嘜呢？

又見紅

2008/01/24

昨天我又因為見紅入左醫院
不過今次休息左一晚, 醫生就批准我出院了...
似乎bb都好大機會提早跑出來做小豬仔
同埋因為我已經35wk, 醫生話如果bb要提早出世都無太大問題
因為生長發育大致完成, 但就唔係太足磅囉 >.<
不過我始終都想bb起碼37wk足月先出世, 磅數都會重d
但爸b好似唔係咁想, 佢心急想快d見到小b仔丫...
我比佢激到都唔知好嬲定好笑^0^

寶寶八個月丫 ^_^

2008/01/20

寶寶八個月了
38寸多一點點，有進步了


這天是寶寶爸生日，讓寶寶媽睡至日上三竿，我們就去酒樓下午茶了
回到家後.. 試著學別人拍的那些大肚寫真..
雖然不是太滿意，也放上來吧

夕陽剪影 拍完這張還不到幾分鐘.. 太陽就下山了..




一家三口




早前還在想，寶寶會不會在我生日那天出世，讓我在生日親眼看著寶寶出來，結果是不會的...
那也好丫，寶寶足月會更健康
現在.. 寶寶會在立春前？還是立春後出來呢？
做豬寶寶？還是鼠寶寶呢？
其實.. 怎樣也好..
現在只希望寶寶健康足磅，不用一出來就要住氧氣箱
因為之前聽說如果出生不足五磅的嬰兒要在氧氣箱住至五磅以上呢..

很期待看到寶寶、抱著寶寶的時候..

旺角產檢

2008/01/11

這天去到旺角巫醫生那裏做檢查
量過體重，仍然沒有甚麼長進
不過醫生說寶寶在適當的size
胎盤、胎水、肚圍...
也屬於正常範圍
所以也不用太擔心
但如果仍然沒有增長
可能是胎盤老化、失去作用...
那便要考慮是否要早些讓寶寶降臨到這世界

其實媽媽現在每在也會喝一至兩包奶
希望寶寶可以多吸收吧..

廣華產檢

2008/01/09

今日去左廣華產檢
出奇地我既磅數都依然跟上個月一樣...115磅
我問醫生點解會咁樣呢??
醫生話我上次入院照超聲波BB既SIZE同週數係差不多
之於我體重無變應該唔係太大問題喎...
我都相信BB應該有長大
因為我量度自己既肚圍都係有增長架麻
我心諗唯一既解釋可能係BB肥左, 但我就瘦左...哈哈
通常最後兩個月會係BB吸收期, 會長大得特別快
希望我吃番多D有營養既東西比BB吸收多D
到時我既體重又有增長, BB出世又肥肥白白啦!!!

臨生的心情

2008/01/06

踏入新一年
仲有差不多四十幾日就到預產期了
今晚終於的起心肝執拾走佬袋
心情亦開始有點害怕和擔憂
因為日子真係越黎越近
BB快要出世了
但感覺上好似仲有好多野都未READY
即將為人父母既心情真係好複雜
真係又開心又擔心
開心自己懷胎十個月既寶貝終於誕生...
但又擔心自己唔識點樣去照顧和教育BB...
ANYWAY..我知道爸B會陪我一齊去面對就足夠了 ^_^