百物騰貴

2007/07/31

自從寶寶吃左米糊之後
爸爸話覺得寶寶肥左大隻仔左喎
但我就唔係太覺眼有乜分別
而家寶寶已經吃到一碗米糊代替一餐奶啦
我見寶寶吃healthy time都吃得ok
便便都去得幾暢順
而且都差不多吃左半盒
因為聽其他媽咪講healthy time係8月1日話會加價喎
所以今晚就特登去百佳買多盒做儲備
我去到百佳見到做緊特價$31.9一盒
師奶心態就緊係趁平掃多兩盒啦
點知埋單時竟然收我$43一盒 @_@
明明個價錢牌寫住$31.9架喎
原來百佳入左機但未轉價錢牌
好彩都係收番我$31.9一盒咋...
而家真係百物騰貴丫
尤其係d嬰兒食品和用品, 奶粉, 尿片..乜都輪住話會加價
簡直係禁住搶錢呀
唉..又唔見我份人工加完又加!!!

寶寶呢排好鍾意V咀笑

食碗邊

2008/07/30

媽咪 : 寶寶..你知唔知有句話語"食碗面反碗底"點解呀??
寶寶 : 唔知呀..我只知碗邊好好食咋!! 媽咪你食唔食呀??
媽咪 : @_@

登登登..登

2008/07/29

張震震椅要退役了
因為寶寶越大就越反斗
坐係度都無時停
就算扣好安全帶
都時常做出d危險動作
真係好容易發生反椅事件簿呢...
幸好之前有朋友比左張椅我地
呢張應該唔會咁容易反掛
不過就成日坐坐下sir左落黎
唔知道呢張又會坐到幾耐呢??
寶寶, 你可唔可以坐定定丫...

呢排寶寶的指定動作


寶寶和小表姊一起訓午覺...

爸爸又要返夜班

2008/07/29

由今日開始爸爸又要做替更返夜班了
今次仲要連續返三個星期呀
如果唔係睇在賺奶粉錢份上
我寧願爸爸唔返呢
其實邊有話我一句唔願意就可以唔返丫
遲些公司可能編排爸爸有幾個月返全夜班添
除非唔do姐…如果唔係邊有可能say no丫
呢三個星期好似比緊個適應期我和寶寶早d習慣下
而家寶寶中午會見到爸爸
晚上就會見到媽咪
唉…攪到我兩公婆好似XX咁
真無奈!!!!!!!!!!!!

寶寶越大就越識擺post比媽咪影相呀 ^_^

0802 Mama Meeting + BB Gathering

2008/07/27

今日係BK0802半歲Party既Mama工作人員會議
主要係傾番0810既Rundown和細節
順便帶埋BB出黎一齊Gathering
但因為有些爸爸今日有事做
所以有些媽咪都無帶埋BB出黎玩
費事忙著湊BB攪到傾唔到正經事呢..
大家都好認真地傾談各項細節
希望第一次攪個Party盡量做到最好吧..
因為BB有各位爸爸既照顧
所以媽咪們可以係不受騷擾的情況下傾完
真係辛苦晒各位爸爸喇..

今日寶寶, 希希和晴晴第一次見面
大家出奇地都好乖乖..無喊無扭計..
仲比各位EE任抱添呢^0^
其實我都係第一次帶寶寶去見其他同齡BB
希望大家一直Keep住聯絡做個好朋友啦 ^_^

寶寶第一次與晴晴見面就捉住人家隻玉手@_@


哦..原來想同晴晴一齊玩把扇仔咋..


*** 本故事純屬虛構, 如有雷同實屬巧合..hehe ***

寶寶 : [希希..你仲咩做我同晴晴既電燈瞻呀..]
希希 : [你唔夠我快..霸到唔好位置姐..]


寶寶 : [等我使出佛山無影手..等你知難而退..哈哈]
希希 : [我唔怕你架..]


寶寶 : [哎呀..仲未怕..等我比臭腳你嗅下...]
希希 : [哇..好臭..我投降啦...]


寶寶 : [晴晴..我地終於排除萬難拖到手仔啦..]
晴晴 : [但係你洗左手未架@_@]

下水禮

2008/07/26

其實上個月已經買定個cool頸水泡比寶寶
打算等待適合既時期就出動丫
今日天氣炎熱就最適合下水了
不過似乎寶寶還未識enjoy游水既樂趣
一落到水已經變臉where..where..where啦
後來婆婆捉住寶寶
寶寶個心就定d無咁怕咋
可能始終係第一次游水
寶寶唔算玩得太開心
所以玩左一陣就順便係浴缸洗埋白白就上水了
唉..我見其他同齡BB都玩得幾開心
所以先買個水泡比寶寶玩下
估唔到寶寶咁細膽呢..
男子漢麻..要訓練多d先得呀!!!

where..where..where..


等我捉住個水泡先...


下..咁快玩完架拿...


gogogo...我地去超市掃場...


e...唔知好唔好味架呢??


吃飽飽..咬住個蘋果睇電視..簡直係人生一大樂事呀...


媽咪..你拿著果件哈密瓜好似幾好味喎...

為食豬

2008/07/23

寶寶係一隻為食豬
所有野都可以放入口度咬
不論係...

飯碗


床柱


又或是舅父個膊頭都唔會放過


最後仲變左做口水豬添丫..

米糊大作戰

2008/07/20

寶寶五個月大了
應該要吃點固體食物吧
雖然健康院姑娘話六個月先吃會好一點
但寶寶見到我地食野就咀郁郁
好似好有興趣想食埋一份
所以都試下開些米糊吃下啦
經過我上網做個 reseach
大部份媽咪都會推介買Heathly Time呢隻牌子
貪呢隻含天然有機成份健康d麻

今天第一次開米糊比寶寶吃
用左40ml奶奶開兩茶匙米粉
初頭寶寶都有點反抗唔願吃
但吃下又吃得幾津津有味
一小碗米糊好快就食清光啦
如果寶寶吃左無敏感的話
可以每天逐少增加份量
慢慢就可以代替一餐奶奶啦
我仲見其他媽咪會整d果蓉比bb吃
等我遲d得閒都用新鮮生果嘗試整下
其實我已經買定"架餐"準備隨時開檔
我諗隻為食豬都會喜歡吃果蓉呢

寶寶向大家推介Healthy Time - Brown Rice


吃到'o'晒咀添


哎呀..婆婆餵咩比我吃呀...


嗯嗯..米糊又幾好味道喎...

開派對

2008/07/19

今日約左朋友仔上屋企開Party
主要都係吃喝玩樂…
打Wii和玩拉密牌遊戲
晚飯叫了Pizza和肯德雞做外賣
還有朋友特登買了美味雪糕做飯後甜品呢
我地都係第一次吃Godiva品牌雪糕
之前只知道Godiva朱古力出名
估唔到Godiva雪糕都咁美味
今次真係要多謝Carol和Joe啦!!!





寶寶可能暫時都未算太認人
所以就算哥哥姐姐輪住抱抱都唔會叫喊著
不過寶寶今日有點唔舒服
有點鼻塞塞和流鼻水
所以成日都顯得很疲倦想訓覺
又或者係嫌我地玩得太嘈吵
所以寧願訓覺都唔理我地吧…hehe

今日大家都玩得很開心
期望下次再上黎玩個痛快啦!!!

左擁右抱

寶寶五個月大丫

2008/07/18

寶寶五個月大丫

經常跟朋友用那個「養大一個小朋友要四百萬」的廣告來說笑
打算沒錢的時候
便會走到那間銀行
用寶寶來典當四百萬
就是怎麼算，十份一也有四十萬吧？
可以好好用上一陣子丫 ^_^

那也只是戲言吧了
看到寶寶慢慢長大
開始的時候不會笑
慢慢會自己發笑
現在還會對著別人笑
一步一步長大
雖然... 在其他人眼中
可能只是一個很普通的 BB
極其量也只是一個很可愛的 BB
但在父母心中
自己的兒女
一定是無價寶
不要說四百萬
就算是四千萬
甚至是四億
也換不到我們的無價寶


笑的時候會咬手指


哭的時候也會咬手指

P記送大禮

2008/07/17

之前成日都聽到其他媽咪話收到P記既送禮咭
例如 : 買5包尿片送1包, 玩具咭等
我就有收過送尿片張咭
但就從來無收過玩具咭
我都不知幾想收到呀
因為每次P記送既都係FISHER-PRICE品牌玩具
係外面買都要幾百蚊架
我之前都買左一盒遊戲墊比寶寶玩
不過正所謂慳得一蚊得一蚊麻
有得免費送就唔洗花錢買啦...
但係聽其他媽咪講係要random抽籤架
自問無乜抽獎運既我
即係機會都很微吧...

今晚收到P記封信
以為又係送尿片現金卷
點知打開一睇...
哇...我高興到不得了
今次終於輪到我啦...

今期P記送"3in1 Rockin' Gym", 適合0-3歲, 係最新產品呀!!!

真係好開心...

寶寶除了食腳指外, 遲些又多一樣新玩具玩了....

艾粒媽媽

2008/07/12

我最近愛上係網上購物
原來網上有很多靚靚衫賣架
雖然要冒著有機會被騙既風險
但都係忍唔住手訂購左
今期收穫有艾粒媽媽衫和靚靚口水肩
我見到有很多媽咪都有訂購呢件衫比BB著
我當然唔會例外啦
因為實在太正丫..haha
爸爸唔好呷醋呀
最多我遲d上網搵番件艾粒爸爸衫囉 ^0^

寶寶粒媽媽


趴地寶寶


媽咪粒寶寶


八卦豬又唔望鏡頭..其實已影了很多張 >"<


唔知有無艾粒婆婆衫呢 ^_^

站起來吧

2008/07/10

每次約會完後我都會返婆婆家親親寶寶才回家
今晚就約了幾位舊同事吃飯聚舊
我們吃了一頓豐富美味的日本料理
吃飽後回到婆婆家
爸爸跟我說了一個好消息
就是寶寶可以自己扶住床欄站著
我當然很高興...
馬上要求寶寶表演給我看
當然寶寶只可以支撐幾秒鐘
但已經是很好的開始了

最近寶寶發現了新玩具
就是他一對腳仔了
他時常都很好奇地玩弄腳仔
不知道對腳仔有多好玩呢??
寶寶真的很可愛啊...

寶寶 : [媽咪..睇下我站得幾穩定!]
媽咪 : [寶寶..你好叻仔呀..繼續努力呀!]


寶寶 : [好似幾好味咁喎...]


寶寶 : [等我試下味先...]

吽牙仔??

2008/07/08

最近寶寶成日都流口水
又成日都塞野落口咬
心情又好忟忟憎憎
有時一天內會柯兩次便便
原本夜晚可以一晚訓到天光
而家就半夜會醒一醒
這些都好似係吽牙仔既徵狀
睇黎寶寶第一隻牙仔就快面世啦

比個牙膠寶寶咬下止痕先


蘋果都可以做舒緩劑架..寶寶仲"梅"得很滋味添

Gentleman, Luk BB

2008/07/06

終於輪到我和爸爸接招了...
今早打算幫寶寶換尿片
點知寶寶原來柯左便便
細心一看竟然又弄到周身屎
Oh..點解又攪成咁架???
我和爸爸用濕紙巾抹乾淨後
便夾手夾腳抱起寶寶去浴缸洗白白
估唔到第一次係呢種情形下幫寶寶洗白白 >"<
因為通常寶寶都係婆婆家洗白白
所以我地屋企無衫仔比寶寶替換
唯有著住尿片和外套仔等救兵(婆婆)支援啦...haha

肥嘟嘟


超人頭

失望而回

2008/07/05

因為打算幫寶寶拍攝一段短片參加比賽
所以今天我和爸爸就帶左寶寶
去又一城既"玩具反斗城"搗亂檔
本來諗住寶寶會好像上次係"荷花"一樣玩得咁開心
可惜今次有點失望而回
呢個"Rainforest Jumperoo"可以比寶寶玩彈跳
同埋有十多種玩具比寶寶玩下摸索下
但寶寶對呢個彈跳玩具反應一般
唔知係呢個玩具唔吸引唔好玩
定係寶寶仲細唔識得玩呢??

寶寶 : [媽咪..你想同我爭野玩..]


媽咪 : [寶寶..呢個傻B係邊個黎架??]


寶寶 : [婆婆..我要飲菊花茶呀..]
婆婆 : [無你份丫..有奶奶你又唔飲..]

相識紀念日

2008/07/04

某年前的今天
就是我和爸爸相識的日子
當然要去吃飯慶祝下啦
可惜當年相識的果間餐廳已經倒閉
如果唔係我地每年都會去吃一趟呢!!
今次的飯堂..風月堂
點解近來我地成日都去既??
因為果度環境很優雅..有落地玻璃望街景
而且食物和侍應的服務都很好
最重要還有我最喜歡吃既dessert囉...hehe

芒果船..好像有點名不副實既感覺??


寶寶 : [E..點解我咁高既??]


寶寶 : [爸爸..唔好用d鬚鬚吉我啦!!]