2009/06/30
今日我去左廣華醫院做第一次產前檢查...有了第一胎經驗都知道要做d乜野檢查和程序...驗小便~量血壓~度高磅重(102.74lb)~抽血~照超簡單+超求其既超聲波(只係照個胎有幾多週數)~見醫生...足足由九點半搞到十二點半先走得...好在有爸爸陪伴身邊都未至於等到發霉 
今次幸運地被姑娘抽選入助產士小組...即係以後去醫院做產檢只係見小組姑娘唔駛見醫生 (只係臨生前幾週先會安排見醫生)...由產檢至接生bb至產後服務都係助產士姑娘一站式跟進...其實都唔知好定唔好架...只係覺得見姑娘既等候時間應該快過見醫生掛...而且未試過就試下啦 
我而家有兩個預產期 ~ 廣華 : 11月25日 ; 巫醫生 : 11月30日...其實兩者相差都係幾日..講真只係預計大約時期都唔可以作準...最終話事權都係細b度呢 
基本上除左肚圍(32吋)越來越大...行得耐會覺累外...其他跟平常無咩分別...所以如果著住鬆身衫都無人發覺我係大肚婆呀 
不過最衰就係隻腳開始出現抽筋...上次陀豪豪都好似無咁早抽筋...而家耐不耐又會抽下...鬼c咁痛呢 
仲有開始感覺到細b係我肚裡郁動啦...有時仲會突個頭仔定唔知邊個部位出黎...搞到個肚尖左 
唔知細b係百厭仔定百厭女呢...等到今個月尾去巫醫生度照結構就可以開估啦 (如果細b唔遮掩的話 
) 真係好開心好期待喔 
豪豪呢個姿勢咁似孫悟空上身 
不過我就睇極都睇唔岩心水...如果要買其實都有好多選擇既..不過心諗阿仔長大得快..如果買件貴野..下年又唔岩著囉..好似唔係咁合乎經濟效益喎...最好就搵到件平靚正啦 
原本有考慮過帶埋豪豪跟爸爸一齊上去玩下順便渡下假..但奈何豬流感橫行和自己粗身大細既關係而放棄呢個念頭吧 
當然就係阿婆靚湯啦...每次我地吃飯時..阿仔食左幾啖飯和餸菜..就會指著碗湯示意要飲湯...飲完又再添飲...好味道到唔停得口呀 
