哈佬喂@愉景灣

2009/10/31

今日約左班朋友仔 (8 king+2 queen) 一齊入愉景灣慶祝哈佬喂...未去中環碼頭坐船前我地就去中環蓮香樓飲杯茶食個包...本來首選係去勝香園...但去到竟然見到間野大排長龍...我地緊係掉頭走人啦...其實蓮香樓我都想吃好耐...因為聽人講都幾有懷舊特色... 去到要自己搵位/等位坐...環境都算幾擠迫...又要自己出去搵推車阿姐拎點心... 但我相信喜歡阿飛正傳既人...一定對果度懷舊既環境有某些特別既感覺...但對於我地黎講就只係一間舊式茶樓而矣...食物係有水準...但沒有特別驚喜...



豪豪食飽就訓覺...一直訓到落船...訓醒睜開眼已經入到愉景灣了...



魔鬼仔造型 ~ 多謝蠶媽sponsor...




一班小朋友已經各自係沙灘玩緊...而阿仔都仲係warm up中...



多得蠶媽和妹豬媽使出殺手鐧...阿仔開始投入玩埋一份...



都話阿仔鍾意波波...手中拎住兩個都唔捨得放手...


阿仔和妹豬各自玩沙...全無交流呀...哈哈...


阿仔係度手指指...指去邊度玩哩??


咪係小朋友既至愛...阿仔好鍾意玩呢條sir滑梯..玩完一次又一次...



我地係遊樂場玩到差不多六點鐘...就走入去市集感受哈佬喂既氣氛啦...



所有小朋友一見到bubble...就進入興奮狀態...



行左一陣...我地成班人就起程到餐廳食dinner...食飽仲可以拎到免費船票離開添...



好耐都無見咁多位小朋友..佢地已經大個仔/女左好多啦...由小bb睇到佢地而家變為大bb真係感到好開心...今次真係要多謝搞手matt媽...希望下次有機會再聚哩...

細b ~ 35 weeks ~ 廣華

2009/10/30

臨近預產期去廣華產檢既次數都頻密左 ~ 第五次產檢

今日爸爸無請假陪我去...因為要留番d假期待細b出世時做湊仔公...呵呵...幸好邀請了好朋友相陪...我又不用孤單一個人哩...今次除左例行檢查 [驗小便~量血壓~磅重(118.5lb)~會見姑娘]外...還要會見醫生...因為助產士小組規定35-36weeks要安排一次比醫生檢查...本來平時一個半鐘就可以搞掂...就係因為要等見醫生...搞到要成兩個幾鐘先走得人...但入到房後醫生都係幫我摸下/度下個肚size...聽下bb心跳咋喎...呢d咁普通既檢查...交番比小組姑娘做都得啦...真係浪費我d寶貴既時間呀...

話說爸爸成日都話周身酸痛...又話掛住湊仔無時間北上...又埋怨無人幫佢按摩...所以好想買番部機按下喎...早排就比佢睇中左部dup dup鬆...日哦夜哦話想買...見佢平時又要揹仔揹袋咁辛苦...遲d我坐月時又要湊埋大細b...部機個價錢又唔算太貴...就批准佢買黎舒服下啦...呵呵...

今晚爸爸放工後帶埋豪豪出黎join埋我一齊去JUSCO買機和吃飯...

就係呢部dup dup鬆...睇下爸爸幾咁enjoy...

爸爸又貪得意幫阿仔試帶下...

再戰西寶城playtown

2009/10/25

還記得係豪豪九個月大既時候帶過佢去西寶城playtown玩...當時仲係個剛識爬爬既bb仔...今日再戰已經係個識行識走既大bb啦...睇番上次d相片真係有點感觸...有點唔捨得個仔大得咁快添...哈哈

今日playtown勁多小朋友開party...搞到成個場都係大人與小朋友...但我地山長水遠入到黎無理由唔入場玩哩...可能實在太多人太混亂...收錢果位職員只係收左我地一百大元咋...抵玩抵玩...今次我地仲約埋蠶蠶一家人去玩...兩位小朋友精力旺盛當然玩到唔捨得走...但我地d大人就玩到精疲力盡想快快離場啦...哈哈...大約玩到七點鐘...兩家人就係附近間金龍船吃埋晚飯傾下計先bye bye走人...

今次媽咪大住肚唔可以陪你周圍爬...陪你sir滑梯丫...只能夠遠處觀望你玩...做你既私人攝影師...陪玩呢個責任就交比爸爸啦...

又學姚明入樽...

呢款玩具車..阿仔坐左落去就會霸住唔捨得走..

想要佢讓比其他小朋友玩 ~ no way...想轉移佢玩其他款玩具車 ~ no way...想要佢走更加no way啦...不停扭不停喊...搞左好耐先肯喊住抱佢離開架車咋...

阿仔真係好鍾意波波...

玩到邊隻手都拎住波波...

又到兩位小朋友坐定定飲奶奶食餅餅既時間...係呢段時間先可以影到張合照咋...

Playtown咁好玩...下次帶埋細佬仔一齊黎玩過...

 

馬鞍山的球場上

2009/10/24

原本我地已計劃定今日既節目安排 ~ 下午帶豪豪去馬鞍山公園影相和試槍 (新買左支電動泡泡槍) + 晚上去馬鞍山球場波聚...不過全盤計劃就比少爺仔既晏覺一手破壞左...我地唯有近近地去又一城附近個公園仔玩一陣先搭馬鐵入馬鞍山啦...

阿仔見到支新槍很興奮喔...

呢隻百厭仔好鍾意我地追住佢玩...

阿仔越大就越來越多古靈精怪既表情...

阿仔都仲係好怕草草桔桔...唔敢觸摸...

曾嘗試用腳踏住草地...最終都係驚慌逃走...

呢支電動泡泡槍果然威力無窮...我以後可以慳番啖氣啦...

阿仔追住d波波就最開心...

又嘗試自己開槍發泡...

以前阿仔未試過帶玩具出街..但自從買左呢架警車後...每次出街阿仔都會自動自覺拎住佢 ~ 新寵兒喔...

豪豪20個月大丫

2009/10/18

我地諗住趁豪豪20個月大兼撞岩星期日假期...想帶阿仔出去玩和影相留念...但阿仔前晚開始有點作病不停流鼻水...唯有取消節目比佢留係屋企訓覺休息下...點知佢由十二點開始訓就訓到四點先醒...幸好阿仔訓醒後就成個人都生猛晒...我地就帶佢落商場食下午茶(午餐)啦...

睇見阿仔咁精神...就帶佢出街行下...而家大個仔可以獨坐一個巴士座位啦...

交叉手行路...成個老積仔咁款...

眨下眼就咁大個仔...要好好珍惜阿仔嗲我攬住我既時光...