弟弟叫爸爸

2010/06/29

 

弟弟七個月大

2010/06/27

話咁快弟弟又七個月大丫...

我好鍾意弟弟呢個撒亞人髮型...好cute喔...

深得爸爸的栽培...弟弟都好鍾意玩車架...

兩兄弟一齊訓覺豬...so sweet >8<

爸爸節快樂

2010/06/20

今日係每年一度既父親節...

爸爸除左收到哥哥一句「爸爸節快樂!!」外...其他禮物就係幫大細寶貝沖涼, 玩耍, 餵奶和執金...雖然無得休息一天...但相信佢亦樂在其中哩...

中午我地就約左公公婆婆一家去megabox飲茶...飲完就係附近行街影相...

晚上就約左爺爺奶奶去WTS客家好棧食飯慶祝父親節...

豪豪28個月大丫

2010/06/18

豪豪28個月大丫...

哥哥由細到大都好鍾意玩車...

今日哥哥將d玩具車一架一架排隊...

一條車龍就形成喇...

弟弟出疹記

2010/06/08

我今日下午唔舒服請左病假...打算先去婆婆家睇下兩個寶貝仔才回家休息...點知婆婆話我知沖涼時發現弟弟身上出現一點點...唔知係咪出疹?? 都係唔好估估下...立即帶弟弟去睇醫生順便自己又睇埋一份...醫生話呢d係過濾性病毒好普遍...大約一個星期後出完就會自動消散...無藥食只可以搽藥膏...

初時發現時只係出係身上一點點...第二日就再多一點點...過多一日就出到面手腳成身都係...好在弟弟呢個星期都唔算太扭計...又唔會周身抓...真乖仔喔!!

出左幾日接近尾聲...d疹已經退左好多啦....

弟弟申請回鄉咭

2010/06/05

因為我地預計短期都唔會飛去外地旅行...所以今日爸爸帶左弟弟去申請回港証和回鄉咭...方便隨時可以去大陸或澳門短途遊...而特區護照就遲d先再去申請...

弟弟打針記(4)

2010/06/01

弟弟到了半歲大...又係時候返去健康院打針啦...今次要連續打三支咁多呀 (接種四合一疫苗-第三次, 乙型肝炎疫苗-第三次和肺炎鏈球菌第三次)...真陰公豬喔!!

今日婆婆, 哥哥和爸爸(請大假)陪弟弟去健康院打針...未打針前由姑娘跟弟弟做一些簡單test : 試拎野, 試坐, 試扶住野企 ~ 全部pass!!

今次可能等得耐...又撞岩飲奶時間 (忘記帶奶)...係又餓又眼訓既時候比人拮三針...弟弟喊左一大餐哩...哥哥見到都心痛即刻走去鍚番弟弟...真懂事喔!!

統計下弟弟出世至六個月大既體重 :

出世日 - 2.87kg (6.3磅) ; 一個月 - 4.40kg (9.7磅) ; 兩個月 - 5.63kg (12.4磅) ;

四個月 - 7.04kg (15.5磅) ; 六個月 - 7.91kg (17.4磅) 

雖然弟弟飲奶情況依然不太理想...但體重都有直線上升...算係唔錯哩!!