2010/04/27
轉眼間...弟弟就五個月大啦...不過仲未識得自己反轉身...但每次將佢反轉放落床度...佢個頭仔都抬得幾高...証明條頸都有力丫...
好鍾意見到弟弟笑既樣子...好甜...
我屋企都有三條king...
哥哥未識就力...攬到弟弟實一實...
弟弟鍾意企唔鍾意坐...
媽咪鍚完輪到爸爸鍚...
未識反身..又未識坐..咁快想學人行...
來一張自拍照...
2010年4月24日星期六
哥哥與匡仔有個約會
2010/04/24
自從生了弟弟後都好耐都無見匡仔一家...今日就帶埋哥哥弟弟一齊走上匡仔家搗亂...雖然哥哥跟匡仔唔係第一次見面...但哥哥都依然有點怕羞...入到屋後先坐在梳化上睇住匡仔玩...
不過好快就熱完身坐係凳仔一齊玩啦...
男仔都係愛車一族...把一架一架的車子排隊...
哥哥對塊磁石板巧有興趣...
下午茶時間又到喇...我地買左小朋友至愛既蛋撻做茶點..
有伴真係好哩...玩咩都一齊跟住玩...
男仔都愛玩煮飯仔架...
兩個小朋友一齊幫手執拾玩具...巧乖哩...
一齊砌積木...
估唔到砌砌下變成城堡哩...
又一齊玩音樂電話書...
哥哥見到匡仔畫圖畫又跟住要畫...
弟弟都唔會悶...係度玩手指...
又有爸爸同佢玩up and down...
匡仔屋企有很多玩具...哥哥玩得很開心哩...下次得閒又上黎搗亂過...
P.S. 話說今日實在玩得太開心...哥哥成個下午都未訓過晏覺...當我地六點幾離開匡家...行緊去鑽石山吃晚飯時...哥哥已經急不及待訓係爸爸膊頭搵周公哩...
2010年4月18日星期日
豪豪26個月大丫
2010/04/18
豪豪26個月大丫...
自從過左兩歲之後...真係變左開籠雀多野講左...仲開始講得有紋有路添...不過發音仲差少少...有時都要估佢講咩...有時聽佢講d野仲笑到我標眼水添...
copy from fb ~ 哥哥語錄 : ee話pat pat無肉喔 ~ 「話說樓下看更ee有時見到哥哥就話佢pat pat無肉...當婆婆幫哥哥沖完涼後...哥哥就摸住自己個pat pat咁講喇」
唔知阿仔係咪人大長高了...張臉已經無咁baby fat...手腳變得瘦骨如柴...其實阿仔除左食正餐外...都好鍾意自己去食物箱搵零食食...照計食咁多零食應該會肥先岩...但佢就反而相反...唔通似我瘦底...呵呵...
過多幾個月阿仔就要返N1班...上星期五去左幼兒園搞果個新生家長會講座...又再進一步加深了解學校既環境和教學方法...其實阿仔返學...我有很多擔憂顧慮...仲未幫阿仔戒片...如果佢到時唔肯比嬸嬸換片點算呢?? 阿仔會唔會唔習慣係學校訓晏覺呢?? 如果阿仔唔鍾意就打同學仔點算呢?? 不過我都知道無論如何阿仔都要去適應去習慣...同樣地我都要放心交比學校既老師處理...都係果句...只希望阿仔唔抗拒返學...如果佢鍾意返學既話...所有問題都變成無問題啦...
2010年4月10日星期六
哥哥 VS 爸爸的玩具
2010/04/10
無論係我地屋企定係婆婆屋企都越來越多玩具車...
有些係食麥記開心樂園餐換...
有些係婆婆買...
有些係爸爸話好抵...買...
其實我覺得哥哥鍾意車..唔多唔少都係受到爸爸既影響 
哥哥好鍾意睇車...無論係街上...定係去屋苑停車場都會好留心望架車既標誌品牌...而家哥哥識得辨認邊架車係BENZ / 寶馬 / 豐田 / 本田 / 三菱 / 日產 / 萬事得 / 法拉利 / 大發 / 凌志...
搞到原本唔識既我...都因哥哥既關係識晒喇...
哥哥成日都話 : 「媽媽識喇...好叻叻呀」傻豬仔 
這些只係婆婆屋企其中小部份咋...
這些就係爸爸話好抵買既變型金剛...日積月累...堆積如山...OMG !!
(其實係爸爸自己想買想玩...就話買比個仔玩 
)
我相信我屋企不久將來會變左玩具停車場 
2010年4月5日星期一
家庭樂@錦田BBQ
2010/04/05
我覺得自從結左婚生左兩個小朋友後...就更加喜歡享受與屋企人一齊家庭樂...今次姨媽做搞手...趁天氣還未算炎熱就一齊去錦田BBQ...
趁個爐仲未搞掂...舅父帶哥哥去遊樂場玩下先...
最開心就係d小朋友...
大家一齊開叉囉...
哥哥和弟弟齊齊作狀BBQ...
舅父向高難度挑戰...燒乳鴿...勁丫...
呢個BBQ場附近有其他遊樂設施...岩晒唔燒野食既小朋友...
足球小子...
哥哥坐小表姊單車尾...
豬咀豪...
弟弟幾時先訓醒起身陪我玩喔??
弟弟訓醒覺...有公公幫手照顧...
哥哥最愛sir滑梯...
睇見哥哥sir得咁開心...弟弟又sir埋一份...
姨媽陪弟弟玩搖搖凳...
BBQ結束後...大家就走上姨丈家搗亂...
弟弟愛上食雞脾...
弟弟望咩望到入晒神??
原來哥哥和小表姊係度玩緊wii...
運動完後...哥哥豪飲維他奶...
訂閱：
文章 (Atom)