2009/08/23
外地五六七天遊...雖然極度「恨」去...但個肚蘿咁大邊會有我份
澳門兩日一夜遊...怕坐船「登」親細b又無我份
唯有近近地去深圳一天遊...坐火車唔會暈車浪掛
事實上我真係N年無踏足過深圳...梗係對呢個地方無乜安全感...如非必要我都唔會上去玩 不過今次有兩仔爺+婆婆一齊陪我就go go go 吧...
由於天氣太熱既關係...我地今次只安排去d室內大型商場...戶外就no way...所以呢行既目的志在係行下食下玩下hea下無咩特別
出發啦
到達深圳地鐵站買ticket...
張ticket原來係個coin...好搞野
搭地鐵時..豪豪開始有睡意...
大鄉里咩都影一餐
深圳地鐵暫時無香港地鐵有咁多支線...
科學館站就係我地既目的站
阿仔已經訓著左囉
係香港都成日行JUSCO...去到深圳又行一餐
呢兩包肉腸就係我地既手信
等阿仔訓醒後就去左「鼎泰豐」醫肚...
我地叫左兩碗麵+小籠包埋單都只係一百蚊有找
因為JUSCO有架戰車比阿仔坐...所以我地食飽又再返去行過...
阿仔又係坐都唔捨得走...連婆婆出馬都搞唔掂 最後用單車引佢離開車廂...
書城係我地另一處目的地...
深圳書城地方真係很大...足足行左幾層樓先行完...爸爸就越行越興奮...我和婆婆就越行越悶 (我除左對幼兒書有興趣外...其餘都麻麻地...可能係簡體字掛)
夜晚去左蔡瀾美食坊吃飯...如果以深圳和香港既食店人流來作個比較真係不相伯仲...大家都係拍晒蒼蠅
橫掂間間都差不多...最後我地搵左間食日本料理...
阿仔點左一窩粥...鰻魚飯...天婦羅烏冬...三文魚刺身和炸蝦卷
埋單都只係一百六十蚊...味道都ok哩...呢餐真係抵到爛
食飽就搭的士去皇崗過關搭巴士返回香港囉
呢幾本書就係阿仔今行既收穫喇