除夕夜

2007/12/31

今日係07年除夕夜...
因為大肚既關係唔方便出街倒數感受節日氣氛
所以我和爸B去左旺角風月堂吃晚飯, 逛了一會兒就回家了
臨近倒數時刻, 爸B就整左個蛋糕仔同我慶祝08年生日
雖然味道勁似馬拉糕, 但心意已經很足夠很SWEET了>8<

期望新既一年...
一家人開心快樂, 身體健康
BB快高長大, 聽教聽話 ^_^

寶寶轉左頭仔了

2007/12/29

出院後經過兩日既休息, 身體都慢慢恢復過來
而家最重要留係屋企多點休息再休息...唔敢再周圍去了>.<
係今次毫無心理準備入院, 真係令我有點手忙腳亂不知所措
所以返到屋企就去左剪短頭髮, 準備執拾走佬袋...唔怕一萬只怕萬一...哈哈
但今次既經驗就好似比左個預先實習過程我, 令我到預產期入院既時候唔需要太害怕
今次入院令我有些啟發, 令我知道順產定剖腹生產都唔係自己可以決定和控制
我見到有很多媽咪原希望順產, 但因某種原因而需要剖腹生產
又有很多媽咪因某種身體問題要留待醫院直到BB出世...
希望我到時可以順順利利, BB都要加油爭氣呀!!!

今次入院檢查後, 原來BB已經有4磅左右, 同埋已經轉左頭仔
可能BB長大左, 肚皮空間細左, 好多時都手腳撐撐咁郁, 有時訓係度仲令我呼吸透不過氣添
有時仲會聽到持續噗下噗下既心跳聲, 醫生話原來係BB係度打c "egg"咋
希望BB郁多D, 手腳撐多D, 我心裡就安心多D ^_^

今晚終於破左戒了, 爸B和我去左吃元氣"熟"壽司
自從知道有左BB之後, 都一直戒口無吃過
雖然只吃了一點兒, 但口腹已經很滿足了^0^
我諗只有爸B先會批准我吃, 其實可能係佢都想吃好耐了...呵呵

這天終於可以出院了

2007/12/27

今天老婆的狀況穩定了，早上醫生巡房的時候，獲得恩准可以出院
出院後，還利用下午的時間，剪了一個清爽的短髮
老婆較早前已想剪髮了，但因為愛靚，所以要留到兩位好友也嫁人後
原計劃留待一月便會剪髮... 準備產後用品等...
因為這次的經驗，所以會盡快處理了..
現在已是一頭清爽的短髮，週末應該會準備入院的用品了

寶寶要在媽媽的肚子內慢慢吸收營養丫，不要那麼快出來...
聖誕節已過了，寶寶不用那麼急著在聖誕.. 誕生丫..
足月的寶寶會更健康，要做個足月的乖寶寶丫！ ^_^

一個失望的boxing day

2007/12/26

一場歡喜一場空…
原本諗住今日可以出院返屋企休息
但醫生因為覺得我仲未穩定
都係建議繼續留係醫院休養>.<
究竟我仲要留低幾耐呢?
原來希望越大, 失望就越大啊!!!

在廣華渡過的聖誕節

2007/12/25

今天是聖誕節, 卻要在廣華渡過…真係好難忘
為了穩定BB安全著想…
雖然唔可以出街感受節日氣氛, 但都係值得既^_^
還記得昨天下午發現身體有少許出血異樣, 與有經驗既同事商量後立即返慈雲山睇醫生
但醫生為安全計還是轉介我去廣華急症
心想真是那麼嚴重嗎?
由於我係廣華做產檢, 所以等了一會就轉我上待產室
當時五點幾, 爸B放工後立即趕來
經過醫生一連串檢查後, 貼機聽BB心跳…
發現我有規律性宮縮, 即係BB有早產既跡象
但BB只有31週仲未發育成熟, 咁早出世對佢身體唔好
我心情真係好低落好擔心…
BB不嬲都好乖乖陀得幾ok, 點解會攪成咁, 係咪我太任性平時行街行得太多??
醫生建議我留院觀察和幫我打二支針強化BB肺部功能
萬一真係早產支針都對BB有幫助…
由於待產房(北翼九樓)係照顧一些準備生既孕婦, 所以我不時都聽到D痛苦慘叫既聲音
我心裡真係好害怕…而且睡不安寧
好彩直到凌晨兩點幾醫生再巡房幫我檢查, 發現宮縮情況改善左
所以轉介我去產前房(南翼九樓)睡一個好覺…
當然陌生床點會睡得好, 輾轉反側七點幾已經醒左
好彩同房既靚太都非常好傾又好人, 一天既時間都過得好快
希望明天醫生批准我出院啦!!!
媽咪經過這次既教訓都會乖乖地留係屋企休養丫
BB你都要乖乖地留係媽咪肚裡面吸收多D營養丫
我和爸B鍚晒你 >8<

不平安的平安夜

2007/12/24



今天是平安夜...
卻是我們一個不平安的平安夜..
下午三時多，接到老婆的電話
表示出了些狀況，要去檢查
先到在慈雲山的診所去檢查..
醫生還是建議到醫院檢查較穩妥
去到廣華醫院後便被安排住院
想不到.. 平安夜的晚上..
老婆要跟還在肚裏的寶寶留在醫院裏渡過..
還幸... 醫生表示只是觀察一下
應該問題不大..

探病時間完結的時候..
被護士趕出來了..
看著待產床上的老婆..
我的眼波在流轉，在眼內翻滾... >.<
很想可以在你和寶寶的身邊陪著你們..

寶寶不要那麼快出來丫
足月的寶寶才健康呢
希望很快便可以接老婆回家
等足月的時候再回到廣華的產房 ^_^

寶寶七個月丫 ^_^

2007/12/19

寶寶已經七個月了



這是38寸丫..



看來.. 這個實惠牌的紙尺..
很快便不夠用了..

不知道為甚麼... 早近那次廣華檢查
會跟上次檢查時的重量差不多..
但.. 肚子卻真的有長進丫..
因為這樣，下星期五 28/12 會再到廣華做超聲波檢查
不過.. 這次可能會由婆婆陪寶寶的媽媽去檢查了..

寶寶，你要多吸收，要健康丫 ^_^

細蚊結婚日

2007/12/16



仲記得以前讀中學時候既三劍合
不經不覺間我地已經嫁晒人了...
今日係我另外一個好朋友(細蚊)結婚既大喜日子
當然我都係做姊妹, 而爸B就係做攝記啦!!
因為一對新人係基督教徒
所以就係敎堂舉行註冊儀式
望見好朋友找到好歸宿一齊步進紅地毯
真係好開心和感動到眼紅紅 ^_^
希望他倆能夠"執子之手, 與子偕老"
雖然我個肚已經"羅"咁大和忙碌了一整天
但吸取左上個月既經驗, 今次已經無咁疲累了 ^0^

決定購買新屋

2007/12/15

今日是一個很重要既日子
就係我和爸B決定為BB添購一個新既安樂窩
之前都考慮過呢段時期是否適合置業...
我地真的有能力負起供樓呢個重擔嗎?
但為左BB能夠係舒適環境中成長
同埋最重要新居係婆婆家附近
我地可以方便照顧和親近BB多一點...
所以仔細考慮後都作出了買樓既決定!!!
雖然往後既日子可能要辛苦一點
只要一家三口能夠住得開心和舒服都係值得 ^_^

廣華產檢

2007/12/12

今日又到左廣華產檢
跟以往一樣驗尿, 量血壓, 磅重...115磅
護士話我同上次磅重記錄一樣無重過喎...
我本來都無乜大反應
因為上星期才到巫醫生覆診
佢都話BB既SIZE無問題好正常...
坐左一陣入去見醫生
醫生聽左BB心跳, 度左肚仔
跟住話我無重過...怕BB唔夠磅數喎
所以寫紙叫我兩星期後回來照超聲波
我開始有D擔心...
我係咪吃得太少野, BB唔夠營養吸收呢?
仲有兩個半月就到預產期
希望而家吃番多D野
到時BB肥肥白白足磅出世啦^_^

結婚一週年

2007/12/03

今天是一個特別的日子
因為往後的十二月三日，我們的結婚週年紀念日
也會是三個人的日子了
雖然.. 現在也可算是三個人，只是.. 寶寶還在肚子內..

我們的午飯選擇回到去年婚宴的地方
尖沙咀中港城皇上皇
很高興還有職員記得我們
讓我們吃了一頓很飽，但很便宜的午飯 ^_^

在海傍閒逛了一會...



跟著去旺角巫醫生那裏
迎接特別在結婚週年安排的活動
跟寶寶見面 4D 立體超音波檢查

[轉載]甚麼是4D立體超音波檢查？
4D立體超音波就是”立體動態影像立體超音波”，在超音波螢幕上顯現立體動態的圖像，它可輔助常規超音波，對於胎兒的頭部中樞神經系統、脊柱、臉部、心臟、大血管、肺、腸胃道、泌尿生殖系統、臍帶、胎盤與四肢骨骼..等構造，進一步更仔細且有系統的檢查並診斷是否異常。
4D立體超音波檢查理想的檢查時間約在懷孕24至30週（單胞胎），26至28週最佳。


寶寶現在約是28週，剛好適合做 4D 檢查
很開心又可以見到寶寶
雖然.. 寶寶沒有舉高手來遮住面部，可惜卻讓臍帶遮住了..
只能隱約看見...
哈哈，每個父母也一樣.. 覺得自己的寶寶最可愛了 ^_^

晚飯在風月堂
第一次去風月堂
感覺不錯
環境光潔亮麗
食物精緻
連餐牌的照片也拍得很漂亮，讓人垂涎...

又係BB購物日

2007/12/01



今日係吉之島減價吉日, 即又係我幫BB購物既好日子丫
每逢大減價都超級勁多人, 所以當然要同埋爸B, 婆婆一齊黎掃貨啦
今次主要係買些日用品, 例如防尿墊, 入院用品, 濕紙巾...
仲有買左件靚衫仔和靚靚睡袋比BB訓覺時著住, 以免冷親BB啦
本來想買多幾件衫仔, 但諗到BB會快高長大...
所以都係等BB再大點先買了^_^

仲有三個月就到預產期了
要開始執拾定走佬袋, 以免到時萬一提早都無咁"呢hair"
其實都開始有些緊張, 始終我係咩都唔識
好怕到時手忙腳亂, 好彩有婆婆會幫我一齊照顧BB
我個心先定D無咁怕咋...
同埋呢排見到D朋友, 佢地都話我個肚陀得低左DD
好似人地九個月就黎生得咁...
令到我真係有D擔心 >.<
我唔想BB係七星仔, 我想佢健健康康足月先出世呀
所以BB你記住乖乖地丫, 留係媽咪肚裡吸收多D營養先呀
媽咪同爸B鍚晒您 >8<

寶寶六個月丫^_^

2007/11/19

又到一個月了...
先來一幅半身照



看不清楚尺寸吧？
再來一幅


六個月了
現在偶然也可以隔著肚皮
清楚看到寶寶在跳動

不知道.. 寶寶是在翻筋斗？
還是在打功夫呢？ 哈哈哈

下一次檢查的日子是 3/12
這是一個很重要的日子
選擇這天再跟寶寶見面
是一份不錯的結婚週年禮物丫

敬雯結婚日

2007/11/17

今日係媽咪一個識左十幾年既好朋友(敬雯)結婚大喜日子
雖然個肚咁大唔方便, 但我都一定要去幫手做姊妹
而爸B就幫手做業餘攝影師 ^0^
今早凌晨五點半就要起床準備梳洗出發
然後直到晚上十二點半先回家休息
雖然勞碌左全日真係好疲倦
但能夠親眼望住自己既好朋友出嫁
真係非常之開心和感動 ^_^
仲有呀...BB, 今日有好多姨姨都爭住摸下你呀
你FEEL到嗎??

廣華產檢

2007/11/14

今日又到左廣華產檢既日子了
例行檢查 : 驗尿, 量血壓, 磅重
我今日落磅係115磅
足足比未懷孕前重左十幾磅呀
而且個肚仔仲越來越大添 ^_^
跟住見醫生就幫我度肚同埋聽BB心跳
醫生就話一切正常, 四星期後再回來覆診啦!!!

BB六個月大了
感覺BB郁動既次數都越來越頻密
有時當我FEEL到BB既郁動都會叫爸B摸下
我想爸B可以一齊同我感受下呢個感覺
真係好得意架^0^

Esdlife 2月份準媽媽聚會

2007/11/02

之前係Esdlife相識左幾位準媽咪,
大家由懷孕初期開始傾計傾到而家懷孕中期,
於是大家就提議約出黎吃飯見面,
今日終於約左四位媽咪(Sunbear, Vanvan, Bens & 迷迷)出黎啦,
因為大家各有各忙, 都約左好耐先約實日子呀!!!
今次我地就去TST意粉屋吃飯,
因為大家都係第一次見面,
所以我地就以"大肚"來相認呢!!!
坐低左之後大家就好似識左好耐咁,
不斷咁分享和交流懷孕時既心情和心得,
同埋比拼下"肚仔"既SIZE,
我雖然比他們既週期少兩週,
但原來我個"肚仔"SIZE係五個之中最大架 ^0^
大家都傾得好開心,
希望下次再有機會約出黎吃飯啦!!!

生命的奇妙

2007/10/31

你唔經唔覺就黎六個月大啦!!!
仲記得果陣媽咪真係唔肯定係咪你係度郁動,
只係突然間會感覺到肚裡好似有脈搏跳一下,
到而家時常都感覺到你郁黎郁去,
真係好AMAZING呀!!!
雖然媽咪唔知道你係度玩緊邊類型運動,
但感覺到你每天都係度郁動,
我真係好安心啊!!!
你而家頑皮點都唔緊要架,
最重要比我知道你健康成長中^0^

BB 購物日

仲有五個月我個心肝寶貝就要出世啦!!!
係時候要開始添置衫仔和日用品,
如果唔係遲D肚子越來越大周圍去買野會好辛苦呀^0^
所以今日媽咪就同婆婆去左永安百貨公司行街街,
不過就超級勁多人呀...通常大減價都係咁,
早知叫埋爸B為我地開路啦...哈哈!!!
雖然係咁, 我地收穫都算OK架^_^
買左七件唔同長短既衫仔,
BB著住實好CUTE呢!!!

寶寶五個月丫 ^_^

2007/10/19
又一個月了..


再來一張半身照


這是五個月的肚子..
雖然.. 數字上好像跟上個月差不多..
但.. 看上去.. 感覺好像已經很大個了..
寶寶要健康成長丫 ^_^

旺角照結構性超聲波檢查

2007/10/15

這天又可以跟寶寶見面了

結構性超聲波檢查一般都是在18 至 22 周進行
主要查看胎兒重要器官有否嚴重缺陷、胎盤有否異常，如胎盤前置等問題
醫生說寶寶很健康，發育也是在正常預期內
不過因為超聲波只是一個參考檢查，可能會看到很多訊號
但... 這些訊號也只能作一個參考，還要作其他檢查，如驗血等..
檢查到有一個愛德華綜合症的訊號，但.. 醫生說沒有問題
下次再檢查，這個訊號應該沒有了，因為寶寶的結構的很正常
而且上次驗血的測試這症狀也很低機會
所以真的出現這症狀的機會非常非常低

另外，這次醫生肯定的說：是男孩丫

今次更加清楚看到寶寶的臉丫
不知道.. 是不是.. 每個父母看到自己的寶寶..
也很覺得很像自己..
因為.. 我也是這樣覺得.. ^_^

拍攝大肚照片留念

2007/10/14




今日好開心呀, 趁住天氣良好,
我同爸B去左九龍城寨城公園影相,
諗住趁大肚影輯靚相留作記念,
BB係我肚裡已經五個月大啦!!!
但公園實在太多蚊蟲,
咬到我同爸B手腳都係蚊"難"....好痕啊 ^0^

懷孕後第一次嘔吐

2007/10/13

今晚爸B煮左魯肉撈面, 同埋糖水芝麻糊湯圓,
但我吃完之後已經覺得肚仔有點唔舒服,
隔左一陣感覺好點就去左洗白白,
而爸B就訓左覺休息下,
點知洗完白白我就開始肚痛肚柯, 然後就感到頭暈,
我立即大叫爸B, 跟住就嘔吐大作了!!!
好彩爸B唔係一隻懶訓豬,
如果唔係我暈低左佢都唔知呀!!!

廣華產檢

2007/10/10

今天是廣華醫院覆診的日子
主要是一些例行檢查
驗小便、檢查寶寶心跳及成長情況

護士說之後也是以這些基本檢查為主
這天沒有透過照聲波看寶寶
不過沒關係
因為 15/10 緊接來的星期一
我們會到另一專科醫生覆診
到時又可以看到寶寶了

黑仔記

呢兩日都好黑仔, 琴日返工落大雨,
我唔小心滑倒, 隻腳先落地, 趴左係地下呀,
好彩唔係pat pat落地咋, 如果唔係"鄧"親BB就大件事,
可能我唔似大肚婆, 都無人幫手扶我起身, 好悽涼 !!!

今日就為左唔想遲到, 就諗住行快幾步上樓梯(公司係一樓),
點知拉一拉, 就拉親條大脾筋, 痛到我入心入肺,
點知最後都係遲到一分鐘, 真係唔底呀 !!!

不過最重要係無"鄧"親我既心肝寶貝啊!!!
媽咪下次會小心d架啦!!! 鍚晒你!!!

寶寶四個月丫 ^_^

2007/09/19

又一個月了..
老婆的肚子又有增長
相信寶寶一定健健康康丫

爸爸真細心

2007/09/18

昨晚爸B係海馬買左張床墊,
諗住鋪係張梳化床度,
佢唔想我大肚仲要上落高架床咁危險,
同埋等我可以訓得舒服D,
爸B咁為我和BB著想...真窩心啊!!!
老公, 錫晒你呀!!!

連續兩日腳抽筋

15號早上係我懷孕後第一次腳抽筋,
我以為大肚婆抽筋都係平常事,
點知16號早上又抽多一次,
上次係左腳, 今次係右腳, 痛死我囉!!!
因為之前兩晚都有吃過菠菜,
所以我懷疑係咪我唔吃得呢???
為左證實呢樣野,
我打算搵晚再吃菠菜睇下第二朝會唔會又抽筋,
哈哈, 好傻婆啊!!!
不過我一定會搵星期五晚先試,
因為爸B星期六唔洗返工,
萬一真係...都有爸B幫拉筋同埋會鍚番我, 呵呵!!!

廣華照結構性超聲波檢查

2007/09/13

今天又可以看到寶寶了！

今天在廣華照結構性超聲波
一般會在18-22週進行，主要查看胎兒重要器官有否嚴重缺陷、胎盤有否異常，如胎盤前置等問題..
可能是早前估計預產期時間的問題，我們的寶寶現在只是 16 週，雖然是早了些許，但也沒關係，醫生說沒有問題，很健康！
醫生還表示應該是男仔來的..
下個月我們還會去專科再做一次檢查

那時，我們又可以看到寶寶了！

乖寶寶

2007/09/12

唔經唔覺您已經係我肚裡面差不多16週啦
我知道您好鍚媽咪
所以從來都沒有令到媽咪感覺唔舒服
一直都係肚裡乖乖地健康成長
明天我同爸B就會去廣華睇下您既成長狀況呀
您記住乖乖地比我地睇清楚您呀

你知道嗎
我同爸B都好愛你呢

我們想要有自己的孩子

2007/09/06

我們想要有自己的孩子

今天多份報紙的頭條也是這新聞...
真想不到.. 怎麼會有這樣的人...
孩子好像只是用來拿取綜緩的工具
她實在沒有資格稱為母親
為甚麼有人可以這樣狠心去對待自己的孩子

很多人窮一生的精力.. 也只是想要一個孩子
這樣的人... 卻可以有三個孩子...

要不要有孩子？
相信.. 是很多人曾經考慮的問題..
我自己也曾經考慮過..
有孩子的責任很大... 害怕教不好.. 害怕孩子學壞.. 害怕...

但就是因為經常看到像今天這樣的新聞..
讓我更想有自己的孩子
想要讓孩子幸福
既然這樣的人也可以有孩子
那... 我還有甚麼好怕呢？
因為我相信... 我們都會盡最大的努力去照顧我們的寶寶！
雖然我們沒有四百萬，但是我們卻有四隻手
我們這四隻手，都會為寶寶而努力！

廣華第一次產檢

2007/08/23

這天是第一次到廣華做產前檢查
約九時到達
先放下預備好的小便
跟著要抽血
超聲波檢查
醫生檢查
離開的時候.. 差不多十二時了...

在公立醫院超聲波檢查的感覺...
跟在私家醫生專科檢查的時候完全不一樣..
公立醫院可能真的太多人了..
好像很趕時間...
我們還沒有看清楚寶寶...
便已經要下床了
也許護士們都很有經驗吧，看一眼便已能掌握狀況..

寶寶的預產期在二月廿四日丫
如果早少少.. 可以收多些紅封包 ^_^

寶寶三個月丫 ^_^

2007/08/19

轉眼已經一個月了...
由 07/19 在診所驗出寶寶剛好一個月了
這天也來量一量
肚子也有一些增幅丫

我們的寶寶在長大中丫！ ^_^

Oscar 檢查

2007/08/16

這天去了旺角中心做檢查
婦產科專科醫生 巫少慈醫生
做唐氏綜合症篩選檢查
Oscar 檢查內容主要抱括超聲波及驗血
其實這也只是一個參考數字，去估量唐氏綜合症的機會
主要由三項資料分析
孕婦年齡愈高，風險會較高
超聲波量度胎兒頸皮厚度，愈厚風險愈高
化驗孕婦血液中的甲型胎兒蛋白（AFP）、人類絨毛膜性腺激素（汕-hCG）的濃度
準確率達八至九成
但... 這也只是一個參考數字，會有偏差

今天檢查了超聲波量度胎兒頸皮厚度
在超聲波掃描的時候，看到寶寶很活躍
時上時下、時左時右
還會手舞足蹈，像在運動、跳舞...
親眼看到的時候.. 真的很感動...
上月檢查時，我只看到超聲波的照片
那時寶寶還只有一粒豆的模樣
今天已看到手腳，還看到手指、腳掌.. 很仔細...
度頸皮的數字很理想，約只有 1mm 厚
一般來說，如果約 3mm 左右，風險就會較高

星期六便會有抽血的結果

寶寶，我們都愛你！

沙甸魚??

2007/08/10

沒想到已減弱為低壓區的帕布去而復返
並再之增強為熱帶風暴
再次在香港掠過
還帶來八號烈風訊號(天文台約在下午二時半發出訊號)
很多人在訊號發出的同時離開公司
結果造成交通混亂
我下班的時候... 還在公司門口看到一對各散東西的拖鞋...
不知道.. 它的主人是如何赤腳走路回家的...

因為寶寶的關係
老婆特別獲準提早下班
所以不用擠在人群裡
不用變成沙甸魚 ^_^

我也因為不可以提早下班
而不用那麼辛苦，看新聞說中環地鐵站高峰時有幾千人在排隊
有很多人也只可以在站外等候，更有人因為太迫而暈倒...
當我下班的時候，人群已散去，還有位坐丫

颱風-帕布

2007/08/08

香港今年第一個來訪的風球是帕布
雖然非常接近香港，就在南面掠過...
但因為續漸減弱，並可能受到並一個颱風蝴蝶的影響
很快已減弱為熱帶低氣壓
沒有掛上八號風球
三號風球訊號維持了約九個小時
9/8 零晨二時多至早上十一時多

因為 8/8 那天預期風球接近
所以便很早回家吃住家飯
最近... 我們的話題
除了寶寶...
就是買樓...
買樓的負擔真的不輕...
需要從詳計議...

考慮買樓

2007/08/05

最近都在考慮買樓的問題...
因為現住的公屋單位太細...
如果再加上寶寶，可能會比較擠...
所以在考量... 要選擇近 MTR 還是要近外母
如果有本錢.. 可以自己照顧寶寶，當然會選擇自己方便、喜歡的地方..
但... 如果我們都要上班，寶寶便可能要外母幫忙照顧
最好是晚上可以跟寶寶一起睡
早上才依依不捨地交給外母照顧
因為... 跟寶寶相處的時光非常難得，失去了... 沒法重來...
而且這些時候.. 寶寶每天都在長大、變化...
實在不想離開多一刻...

不過... 現實上.. 如果現在供樓...
其實也挺辛苦...
之前... 如果工作不開心... 絕對有資格大大聲跟老闆過不去...
甚至可以即時給他一個大信封！
但.. 如果開始供樓.. 還要養妻活兒...
那就只可以跟他說：都是我不對，千錯萬錯都是我的錯，現在立刻回去修改！

但.. 為了寶寶...
辛苦還是值得的！
我們要努力丫！

BB展

2007/08/04

2007/08/04

因為朋友給了兩張入場券
所以這天去了 BB 展
看到很多可愛的 BB
相信... 我們的寶寶也會這樣可愛！

因為是贈卷的關係...
沒有了換領卷...
所以甚麼贈品也沒有...
如果購票入場會有一本換領卷
去不同的攤位也有不同的贈品
當然... 沒有完全免費的午餐
每張換領卷也要填上一些個人資料
如果想方便一些
可以預先準備一些便利貼
在上面先填好個人資料
那就可以很方便，不用像罸抄...
不過抄寫自己的資料...

H&M

2007/07/28

星期六的下午，老婆放工後一起去中環
因為 H&M 有特價，在二樓有些孕婦衣服
也許現在開始買是比較早
不過... 之前去了旺角的 bossini，好像不怎麼樣...
H&M 蠻漂亮，而且又有特價，所以... 去了入貨...
雖然很多也只有 XS, S ，但也剛好合適
有三折、五折、七折...
總計原價一千元的孕婦時裝，結賬只是三百多元
很便宜丫！
還有很多很可愛的嬰兒服裝...
不過... 想起來還沒有知道是男還是女...
現在要買.. 便真的太早了...

珍惜眼前人

2007/07/25

這天聽到一位同事在足球比賽後...

就這樣去了...

生命無常！

珍惜身邊的人！

廣華登記

2007/07/24

這天休假，下午陪老婆去廣華登記
廣華現在分區了，如果要去產科登記，一定要先查清楚分區
今天只是新証預約，23/8/2007 才回去覆診

抱孫了

2007/07/23

晚上回家裏晚飯的時候
告訴了父母：你們要抱孫了！
小生命... 真的可以照亮家裏... 令家人快樂！

寶寶兩個月丫 ^_^

2007/07/21

這天晚上替老婆量肚圍
原來.. 只有 23-24 的肚圍...
兩個月已經變成 31吋了..

新生命！

2007/07/19

新生命！

這天去了診所確診，已經有寶寶兩個月了
還看到超聲波掃描，不過.. 只是兩個月..
所以.. 還是好像一粒豆的大小...
回去晚飯的時候，即時告訴了外父外母這個喜訊！

這個 Blog 亦由這天開始誕生了！