除夕夜

2008/12/31

今日是2008年的最後一天...

回望今年真是有許多不愉快的天災人禍事情發生
慶幸香港這片福地不會有受雪災,地震影響
慶幸我們的寶寶是吃日本奶粉..無需擔心毒奶禍害
慶幸金融海嘯沒有捲走我們穩定的工作

不過當然都有愉快的事情發生就是我們的寶寶誕生
寶寶的出現帶給我們一家人無限歡樂和喜悅
有了寶寶...一切問題都變得微不足道
只要看見寶寶可愛的臉...一切問題都可以迎刃而解

期望2009年...

一家人開心快樂...身體健康...

寶寶快高長大...聽教聽話...

爸爸工作順利...升職加薪...

至於我就心想事成啦!!!

今年除夕夜..因為爸爸要返工..所以只有我和寶寶一齊在婆婆家裡渡過...

因為我想和寶寶一齊倒數2009年的來臨..所以今晚留在婆婆家直到零晨..雖然知道寶寶有可能會在甜夢中..但只要抱著阿仔就已經足夠了...

臨倒數前一個小時..收到爸爸的短訊 : 雖然今年除夕沒有在你們身邊..但我會在公司望住電視機陪著你們一齊倒數........真的...一個簡單的短訊足已令我很窩心...

幸運地寶寶在倒數前睡醒了要飲奶...我可以如願抱著阿仔與在公司的爸爸一齊係電視機旁倒數呢...

模仿大人做的動作

2008/12/29

寶寶而家好鍾意模仿我地做野...又老積又八卦豬

會學人開關d音響制...如果整壞左部機...舅父仔實打到你pat pat 開

會拎住control學人轉台..但剩係拎住control向住個電視機..但無按制架喎...同埋阿仔好鍾意 <光寶氣> 首開場音樂...一聽到就會不其然un pat pat跳舞..超級搞笑

聖誕禮物

2008/12/27

今年我地送給寶寶的第一份聖誕禮物就係一個 [2合1音樂電話及電子琴]...呢個玩具我係網上一間嬰兒用品店買的..因為平時睇到阿仔很鍾意玩婆婆屋企個"真"電話 (都唔明白BB點解咁鍾意玩電話)..所以就靈機一動買了呢個玩具放係自己屋企喇

Boxing Day

2008/12/26

今日我們仨和婆婆一家人約埋一齊去美麗華商場果間" Todai "食lunch buffet...可惜大姨丈, 細姨媽和舅父仔女朋友有事唔得閒黎啦...如果唔係就齊腳了  今次除左慶祝聖誕節之外...仲係和小表姊預祝生日呢 小表姊最喜愛吃壽司..呢間餐廳主打日式buffet岩晒佢心水啦  其實呢間餐廳媽咪和朋友係N年前都吃過...最喜愛吃呢度既dessert...細細件very good taste  其他食物都保持水準...lunch buffet價錢都係百幾蚊一位都算ok啦  吃飽後係商場裡影下聖誕裝飾...之後我地就急不及待返回婆婆家竹戰一番了

小表姊第一次嘗試單獨抱起寶寶..不過只可以支撐一會兒就要放手了...小表姊...你真係要吃多d飯呀..如果唔係寶寶再重d..你就抱唔起架喇

公公和大姨媽與寶寶合照

外甥多似舅...咁寶寶似嗎

招財寶寶手

寶寶..你都未企穩..咁快想學行路呀  

姨媽和媽咪與寶寶合照

我們仨

公公和婆婆與寶貝孫合照

聖誕節

2008/12/25

又到聖誕...又到聖誕...

今年係寶寶第一個聖誕節..緊係要化身為聖誕寶寶啦 為左慶祝咁特別既日子..我們仨+婆婆齊齊去左吉之島掃貨..當然所有戰利品都係屬於阿仔啦

每逢有大型節日...吉吉對出的平台都會佈置得好靚去迎合節日既氣氛呢

 

夜晚我們仨+公公婆婆一齊去左餐廳食聖誕大餐..仲遇見聖誕婆婆係度派糖果比小朋友 不過聖誕寶寶對聖誕婆婆無咩特別反應...相反婆婆怕會嚇親阿仔而保持距離呢

平安夜

2008/12/24

上年過了一個不平安的平安夜

因為肚裡的寶寶百厭...

媽咪係醫院渡過了一個難忘的平安夜

今年過了一個好平安的平安夜

因為爸爸要返夜班工作...

媽咪和寶寶係屋企渡過了一個平靜的平安夜

展望明年的平安夜...

我們仨可以開開心心一齊渡過就滿足了

                             

今年姨媽送了兩件靚靚夾衣比寶寶做聖誕禮物..thank you

還有聖誕玩具添...

姨媽的衣櫃已變成寶寶的玩具..又開又關..又亂摷...

咦...比媽咪發現左添

媽咪..你仲咩偷拍我呀..我要拆你菲林