2009/02/28
今日為豪豪安排既節目係食..食..食
早上爺爺奶奶過黎我地屋企探望乖孫..中午就約埋公公婆婆一齊去飲杯茶食個包...
阿仔唔知點解對戴帽有d抗拒感 
但見到爺爺戴..又要搶番...正一小霸王 
爸爸教阿仔幫佢泵骨按摩...話要自細訓練喎 
之後..媽咪就約左六位靚太一齊食下午茶...大家既BB年紀都around7個月至15個月大..雖然大家都係住埋同一區...但都係第一次見面咋...唔經唔覺都傾左兩粒鐘...大家住得咁近真係要約多d一齊出黎tea一tea啦 
豪豪又再次與匡仔見面...估唔到阿仔對匡仔都幾熱情..唔通佢認得 
夜晚我們仨就去左西貢吃飯 (爸爸公司的足球隊春茗)
阿仔好鍾意痴住哥哥姐姐一齊玩 
也鍾意搗亂檔 
2009/02/23
我今日請假兩粒鐘與婆婆一齊帶豪豪去健康院做一歲評估和打MMR(麻疹, 腮腺炎&德國麻疹)針...聽講呢支針既effect都幾強勁...打完後五至十二天內有機會發燒和出紅疹..希望阿仔打完之後順利安然過渡啦 
我地到左健康院登記後就帶豪豪去磅豬仔...有8.89kg (19.6磅)...對比半歲時重左1.65kg (3.6磅)呀...姑娘話屬於中細碼bb...因為阿仔出世時都唔算大bb...所以而家呢個階段既重量都ok喎...身高又係無量度...我係屋企幫阿仔度就75cm...
統計下豪豪出世至一歲既體重 :
出世日 - 2.96kg (6.5磅) ; 一個月 - 3.93kg (8.6磅) ; 兩個月 - 5.06kg (11.1磅) ;
四個月 - 6.54kg (14.4磅) ; 六個月 - 7.24kg (15.9磅) ; 一歲 - 8.89kg (19.6磅)
整體上都算滿意啦
雖然姑娘話係做一歲評估...其實我就覺得無咩特別囉 
首先要豪豪拎個正方形物件交比姑娘...當然阿仔無睬佢啦...自己係度督件野黎玩...
跟住姑娘放左兩粒星星餅係手掌心..要阿仔輪住用左右手拎黎食...為食既阿仔當然有睬佢...仲對住姑娘笑添...當姑娘收埋盒餅時...阿仔仲望住個櫃桶好似想姑娘繼續比佢食咁
最後姑娘就問左幾條日常生活既問題..就話豪豪各方面發展都幾好 
不過食野方面要係粥裡面加入一些肉碎或其他食物比阿仔咬下..原來咬野可以幫助阿仔口齒靈活度..如果而家唔比阿仔學習咬野...第時學講說話時就無咁叻架喎...好彩平時都會比d零食阿仔咬下..希望都有所幫助啦...最後姑娘仲讚婆婆湊阿仔湊得good添..婆婆當然很歡喜啦 
評估完就輪到要入房打針...阿仔今次都好叻叻..只係打果陣叫左幾聲就無事了...淚水一滴都無流 
出到房外坐左一陣就已經拖住婆婆周圍行..仲周圍八卦其他小bb呢
下次再返健康院的時候就會係一歲半喇
2009/02/22
今日約左一班朋友吃飯聚舊...其中一位朋友係三月份生日...但佢係超級大忙人好難約...所以我地就趁住今餐飯聚同佢慶祝埋生日啦 
豪豪初頭都可以乖乖地坐定定吃飯...但當佢食飽就要走佬坐唔定...好彩有爸爸係度都仲可以輪流看牛..如果得我一個人就食都無啖好食囉 
豪豪唔知點解好鍾意同年紀大過佢既哥哥姐姐一齊玩...當阿仔見到d哥哥姐姐就會好開心咁望住人地想撩人玩...有時仲會興奮到尖叫講些太空話
話說我地吃飯期間..隔離檯就坐左一位小姐姐...豪豪突然間向住人地尖叫喎...果位小姐姐比阿仔突如其來既聲音嚇到彈左一跳...而且唔只一次咁少...搞到我地成日要向人家say sorry...人家緊係急急腳吃飽飽走人啦 
咁岩輪到第二檯客又有一位小姐姐...今次阿仔就好熱情咁撩人地玩...小姐姐又好樂意同阿仔玩喎 (可能無比阿仔尖叫聲嚇親
)..阿仔就拖住爸爸同小姐姐係酒樓周圍走...兩小無猜係度追追逐逐好開心呢
坐定定..玩車車 
三月之星
每位朋友對豪豪都愛不釋手 
我們仨 
朋友大合照
是晚菜單 
