我們的寶寶: 2009

2009年12月31日星期四

西九的除夕夜

2009/12/31

我地原本諗住今晚都係抱住兩隻馬騮仔留在家中望著電視機倒數...因為街外倒數的地方實在太迫人...怕會迫親哥哥弟弟...不過婆婆話可以幫手湊住弟弟...讓我地帶哥哥出去玩感受下除夕的氣氛哩

我地左諗右諗...最後決定去西九龍海濱長廊倒數...貪果度地方大又夠空曠...企係邊個位置都可以望到對面海國金二期..而且就算多人都唔會好似尖沙咀咁迫到人山人海...企都無地方企

為左令哥哥可以龍精虎猛捱到十二點鐘...我地出盡百寶...又雪糕又玩具車又維他奶...好彩哥哥都無白費我地心機...開開心心同我地一齊倒數迎接2010年的來臨...不過一場燦爛的煙花過後...哥哥就被周公子急call了

新一年..希望一家人身體健康...快快樂樂...哥哥弟弟聽教聽話...相親相愛

左手一架玩具車..右手一盒維他奶...哥哥就最happy

十一點幾...哥哥仲係眼仔碌碌哩

唔知維他奶幾時會招請代言人哩

爸爸一手抱住哥哥...一手拎住相機影相...張相竟然都無手震...果然厲害

2009年12月30日星期三

攝影好友探弟弟

2009/12/30

今晚爸爸的攝影好友上黎探弟弟...還幫我地影左d靚相哩...謝謝!!

如果弟弟都一齊望埋鏡頭就perfect喇

兩兄弟似樣嗎??

哥哥學人拎相機影相

弟弟發白日夢中?!

爸爸餵奶奶

幫弟弟掃背背

深情對望

2009年12月29日星期二

弟弟打針記(1)

2009/12/29

今日帶弟弟去健康院打針(乙型肝炎疫苗-第二針)
未打針前先去磅重...有4.4kg呀
可能弟弟有飲夜奶既關係啦
比起出世時2.87kg...重左1.53kg
姑娘話增長得幾好哩

打針時..我都分唔清弟弟係因為肚餓定為吉針而叫喊
不過叫喊左幾聲就收聲了
都算叻仔啦

為食豬...你當媽咪隻手指係奶咀

對大脾仔幾肥美哩

2009年12月26日星期六

弟弟滿月飯局

2009/12/26

今日係弟弟滿月的大日子
亦係我可以出山的大日子

中午我地帶弟弟返奶奶和婆婆家拜祖先
晚上就係慈雲山的酒樓設宴款待眾親友

弟弟跟哥哥滿月時一樣..整晚都在做睡寶寶..果然係兩兄弟

奶奶和婆婆各抱一個寶貝孫

一家四口

媽咪抱住一隻懶訓豬

哥哥做大BB坐BB車

2009年12月25日星期五

聖誕節2009

2009/12/25

由於我坐緊月和弟弟未滿月既關係...聖誕節都無得周圍去玩和影燈飾...只有去鄰近屋企既廣場逛一逛與聖誕老人影下相...夜晚就去左屋苑搞既聖誕嘉年華會感受下聖誕氣氛...跟住就約埋公公婆婆一齊去餐廳吃聖誕大餐...

雖然今個聖誕節過得平淡...但一家人一齊渡過已經很幸福快樂哩...

2009年12月18日星期五

豪豪22個月大丫

2009/12/18

今日豪豪22個月大丫...距離兩歲仲差兩個月咋...

自從豪豪升呢做左哥哥之後...我真係感覺到佢大個仔左哩...佢除了會鍚鍚和抱抱弟弟外...還會幫手餵弟弟飲奶(拎住一陣)...當見到飲完既奶樽又會放入廚房...可能見我地咁做...佢又跟住做吧...其實佢唔扭計既時候...真係好抵鍚好乖仔哩...

阿仔講野方面又比上個月向前邁進左一步啦...識講很多詞語...又可以講到三個字...有時我地講些詞語...佢又跟住講得到差不多既音語哩...爸爸媽媽希望你下個月就可以講到一句句子啦...唔通老人家話兩歲前會識講野呢句說話係真既??

而家阿仔開始有自己主見和思想...又成日扭計...每次唔滿意就打人或者喊叫...要人地順從佢既意思...唉...未到兩歲已經trouble two...再加上佢有時又會呷弟弟醋...所以都幾難搞哩...

近排阿仔很鍾意食蛋撻和蛋糕...有時佢係餅店或雜誌見到蛋糕...又或者聽到我地唱"Happy Birthday"呢首歌就會表現得很興奮..仲會聞歌起舞添...真係好得意又搞笑...