參觀消防局

2010/01/31

豪豪每逢聽到或見到消防車/救護車/警車都會表現得很興奮...難得今日係尖沙咀消防局一年一度開放日...我地相約了匡仔family一齊去參觀哩...

豪豪和匡仔

就算阿仔騎住爸爸膊馬都唔及消防車雲梯咁高哩...

消防車

救護車

核生化事故櫃

宣傳防火措施流動車

話說兩位小朋友係度爭玩救護車benz標誌...消防員叔叔睇見就將佢頂帽戴上佢地頭上...就係咁就收服左兩隻小霸王喇...

係咪好型仔哩

除左可以同各類型車輛影相外...仲可以坐上座位玩下添...

又可以上消防船參觀各類設施...此行真係大開眼界哩...

弟弟兩個月大+打針記(2)

2010/01/27

今日弟弟兩個月大啦...

我為弟弟預備了一份大禮物...就係去健康院接種四合一疫苗(白喉、破傷風、無細胞型百日咳及滅活小兒麻痺混合疫苗-第一次)和肺炎鏈球菌疫苗第一針...因為我和爸爸和哥哥都身在曼谷...所以呢份禮物就由婆婆帶弟弟去領取啦

今次磅重弟弟有5.63kg...比起上個月重左1.23kg呀...呢個增長我都算幾滿意哩...婆婆話弟弟打兩支針都無喊...打完就訓覺豬添...真係好叻仔呀

但弟弟飲奶方面就曳曳豬啦...每日飲5-6餐奶...總會有2-3餐奶回吐...有時仲勁到噴射出黎成支嘔晒添...同佢掃風掃到手都軟都唔ur...有時就算ur左過一陣又再回吐...唉...弟弟呢方面真係無哥哥飲奶飲得咁好哩...初時都有諗過洗唔洗帶弟弟睇下醫生 (因為哥哥細個時無試過咁樣)...但上網睇見其他媽咪話佢地d BB飲奶時都會回吐得咁勁喎...即係唔係剩得弟弟有咁樣情況哩...希望弟弟再長大一點時...飲奶會飲得好d啦...又或者下次返健康院時再問下姑娘有咩辦法改善吧



兩兄弟都鍾意做招財寶寶...我地似樣嗎

泰hea之旅 ~ Day 5

2010/01/28

今日係旅程既最後一日...開心既時間過得特別快...又係時候同曼谷講bye bye...真係好唔捨得呀

我地早上食飽早餐後..就再帶豪豪去泳池玩下水...昨日一家三口齊齊落水無人影相..今日就由我做攝記幫佢地兩仔爺影番輯池邊嬉水啦  

阿仔坐係池邊踢水

同爸爸玩潑水...好開心ing

玩完水..訓係池邊d梳化度..好梳乎喔

呢間酒店既泳池環境都幾正架

更衣室內設備齊全...有桑拿室...蒸汽室...仲有按摩池添...掂

執齊行李到大堂check out啦

我地放低行李係酒店再行去Central World ~ ZEN 食lunch...成日都係食日本菜...我覺得我地似去日本多過似去泰國...因為都無乜點食過泰國菜  其實帶住阿仔去旅行都ok丫...最辛苦係餵佢食野囉

.

呢兩架車係阿仔今次旅程既玩伴

聖誕已過...鹿車還在

他鄉遇老友...蒙面超人丫...握握手做個好朋友

GOAL !!! GOAL !!! GOAL !!!

我地玩到身無分文...係機場淨係夠錢買包飲品比阿仔充飢

我地帶著依依不捨既步伐

係時候要返香港啦

我地下次帶埋弟弟一齊搭飛機丫

機位唔爆..阿仔又有「霸王位」坐

我地終於返到香港...結束五日四夜既曼谷之旅啦