訓練小手指

2008/09/30

上次飯聚媽咪聽到陶陶媽話星星餅可以幫助訓練BB的手指肌肉
所以今日專登買了一瓶回家來訓練寶寶
寶寶唔係好識得協調D手指去取餅
而且就算取到都未識放落自己個口裡吃
要我地餵佢先吃得到餅仔
有時懶惰到寧願唔吃都唔自己取餅添...
相信要慢慢訓練先得喇!!!

星星餅個瓶變成了寶寶既玩具


點解D餅仔咁難取既??


好野..得左!!

攀來也攀去..

2008/09/29

因為寶寶太鍾意係床裡面攀來攀去
成隻馬騮仔咁無時停
我地為避免發生危險
所以就較高左床欄了
寶寶初時發覺高度唔同左
就唔係太鍾意係床裡面玩
其實平時都會較低一邊床欄
都係趁寶寶訓覺先較高呢..
寶寶要乖乖地唔好咁百厭啦 >8<

扭進數碼港

2008/09/28

睇見網友媽媽帶bb去數碼港@playroom玩得咁開心
於是今日約了妹妹family和正延family一齊去玩一趟

入到去當然要第一時間試下張水床啦..
好舒服啊..爸爸媽咪咁大個人都係第一次訓咋..
但唔知點解寶寶一放低就已經哇哇大哭喇..
寶寶係害怕陌生環境定係夠鐘扭眼訓呢??



寶寶玩左一陣都仲係好似樹熊一樣
抱著我們唔肯自己坐低玩玩具
扭多兩扭就已經被周公子急call左去
陪訓專員(爸爸)又係時候出動了



呢張水床盪下盪下..唔知寶寶會唔會訓到有點暈船浪呢??
寶寶係張水床差不多訓左45分鐘..但玩就只係玩左和扭左半粒鐘
原來我地入場既目的就係試訓呢張水床呢!!
一條紅衫魚就咁飛走左喇..哈哈!!



妹妹family


正延family


玩完playroom後, 我地一行人就去美食廣場醫肚
大人就叫野食, bb就飲奶奶..
因為妹妹扭眼訓, 所以妹妹family食飽後就先行回家
而我地就與正延family去草地影下相和曬日落


(媽咪..你目光唔係好一致喎...)


(八卦豬用手去探索草地...)


(E..點解拮拮地既..)

寶寶訓飽食飽後就精神晒, 仲與正延又玩又抱呢..


(初頭寶寶主動撩正延玩..)


(仲玩到唔小心插眼添..)


(但玩玩下又用手推開正延..)


(正延都"R"晒頭...)


(最後又主動抱抱正延..)

寶寶..你玩到咁情緒化既??
媽咪都"R"晒頭呀..哈哈

其實呢個playroom都算ok
同埋最尾15分鐘會有些職員一齊同小朋友唱下歌仔
不過最衰就係唔比人影相要偷拍
今次寶寶唔係扭眼訓應該會玩得幾開心
如果下次有機會再去的話..
一定要等寶寶訓飽先入去 ^_^

樹熊寶寶@斧山道游泳池

2008/09/27

一隻樹熊的誕生
寶寶試過在家裏的浴缸游水
雖然.. 那時也好像有點怕..
但慢慢還是很高興的在玩水
可惜這次到公眾泳池
寶寶好像樹熊一樣
抱著我們不放
原本準備了寶寶專用水泡
想不到，不用還好.. 套著便要哭了...
想讓寶寶在水中踢踢水...
只是稍一放開，便已嚎啕大哭...
不知道是因為池水比較冷...
還是害怕陌生環境...
寶寶看來面青口唇白...
只是十數分鐘，我們便回到更衣室了
幸好這個月公眾泳池還是免費入場
否則... 十幾蚊入場費...
一蚊一分鐘... 現在 IDD 都唔駛咁貴丫...

寶寶穿著游泳尿片


樹熊寶寶@斧山道游泳池



怪獸咬住寶寶隻手丫


唔駛怕，蝙蝠俠係梳化
(這是蝙蝠俠信用卡的迎新禮物，蝙蝠俠 mp3 機，造型不錯，只是喇叭輸出比較低)

Mama Fever@Apple Green

2008/09/26

每個月的最後一個星期五
我地d媽咪都會相約出黎吃飯
一來自己可以relex一下
二來大家又可以交流下湊仔心得
真係一個很好既聚會呢
今次比我地點中既飯堂係Apple Green
呢度地方雖然唔算太大
但食物水準ok又坐得舒適
最重要係唔會比人趕走(有些飯堂會限制幾點要埋單, 要做下一輪生意)
鍾意傾到幾夜都可以
今晚我地仲由七點傾到十一點先盡興回家
呢度簡直係吹水既好地方…哈哈

今晚有七位靚太出席


因為今晚實在傾到太夜了
所以媽咪無上婆婆家探寶寶
唔知寶寶今日乖唔乖呢??

寶寶很喜歡扶著床沿散步
好像在跳舞

撲奶粉

2008/09/23

最近大陸發生毒奶粉事件
如長期飲用含有[三聚氰胺]的奶製品, 可致患上腎結石
已有很多BB無辜受到傷害
奶粉是BB的主要食糧
而奶商卻為了賺錢而不擇手段
明知[三聚氰胺]有毒也要注入產品裡
這些人良心何在??
已為人父母者聞了更覺得痛心
因為發生這件事情
導致全港父母很憂心自己的子女會否成為受害者
所以就紛紛走去醫院幫子女排期檢驗
又擔心子女吃的那罐牌子奶粉是否含有[三聚氰胺]
還害怕沒有足夠奶粉儲糧而周圍去撲奶粉
當然我們也有這些憂慮
慶幸寶寶是飲用日本奶粉
而日本奶粉已被檢驗出沒有含有[三聚氰胺]
所以我們個心也鬆一口氣
因為有太多本地和大陸的父母搶購奶粉
聽聞很多售賣奶粉的零售商都出現缺貨
為了寶寶有足夠奶粉飲用
我們也去搶購了一箱奶粉作儲備
本來已很貴的奶粉亦因這件事又再加價
我們的荷包又再次被無良奸商趁火打劫 >"<

寶寶的新戰車(搖搖凳)


小表姊很疼惜寶寶

Party@爸爸的同事

2008/09/20

今天爸爸的同事來看寶寶
不但帶來禮物
還有美味的jenny@曲奇餅
非常感謝！

除此以外
更帶來 Wii Fit
一大班朋友的時候 Wii 真的是家居必須品
可以帶來不少歡笑

寶寶今天好像也佷開心
有不少說話，雖然... 都只是BB話
還讓各位哥哥姐姐抱抱呢 ^_^

寶寶扶住床欄企起身, 還可以扶住行來行去

寶寶七個月大丫

2008/09/18

寶寶七個月大學懂了什麼??

自己扶住床欄企起身, 還可以扶住行來行去
自己挺直腰坐穩, 唔再左搖右擺
自己會在床上不停翻來翻去, 好像好好玩似的
有時懂得用雙手和膝蓋撐起屁股爬行, 但多數是以身體貼著地面爬行
很喜歡企起身…跳跳跳, 唔喜歡坐定定
而家每天一日五餐, 每餐飲220ml奶/糊仔/粥
自己會拎住支奶奶啜飲 (唔懶的話)
還未知道自己個名字叫"豪豪" (可能知道但費事理你地..哈哈)
睇到喜歡的電視廣告會眼都唔眨, 播完目光就會轉移視線
仍然係一個無牙寶寶, 牙仔吽極都未出世
喜歡玩廢物多過玩具 (幫爸媽慳錢唔使買玩具..乖仔)

雖然寶寶手上有媽咪新買的玩具...


但... 好像還是對爸爸的玩具--鏡頭的興趣較大，轉眼已爬了過來

追月

2008/09/15
農曆八月十六日
追月

雖然中秋已過
但天氣還是非常炎熱
雖然是十多年來最熱的中秋
但我們還是相約婆婆一家人去郊外公園BBQ
今次是第一次帶寶寶去郊外玩耍
雖然能呼吸到新鮮的空氣
但我們仍擋不住炎熱的太陽伯伯
大約玩了兩粒鐘就收檔走人了
下次都係等到秋涼的時候先再去BBQ吧 ^_^

寶寶終於合作一齊望鏡頭影相啦


寶寶的戴眼鏡 Look (放心，這眼鏡沒有度數)


寶寶和姨媽的眼鏡Look係咪好合襯呢 (副眼鏡係姨丈架)


好熱丫，仲燒野食...


*** 追月@寶寶愛可樂篇 ***

寶寶 : 呢罐可樂似乎比支奶奶更加吸引喎..


寶寶 : 不如比我試飲下丫..


寶寶 : 小表姊..你放罐可樂係張臉度會好飲d架??


寶寶 : 我又想試下丫..小表姊比我啦..


寶寶 : 哇..好冰涼..好正啊..


寶寶 : I like it!!!

中秋節

2008/09/14
農曆八月十五
中秋節

還記得上年的中秋節
寶寶仍在我肚裡面
所以唔可以周圍去玩
爸爸就帶我去公園行下賞月中渡過..

今年契媽邀請我們一家三口去她二姐家一齊慶祝
當乘搭地鐵的時候
寶寶很受姐姐們歡迎
每位坐在身邊的姐姐都會逗寶寶笑
而馬騮仔當然唔會錯過爬柱既好機會啦





契媽的大姐和二姐各有一個囡囡
寶寶與嵐嵐和詩韻都係第一次見面
她們分別比寶寶年長歲半和半歲
很奇怪地..寶寶在家裡對玩具不太感興趣
但對別人家裡的玩具就顯得特別有興趣
難道別人的玩具真是好玩些的嗎?!?!
有小朋友一齊慶祝氣氛真是會熱鬧些
大家都玩得非常開心
嘩嘩啦啦就渡過了一個中秋節 ^0^

寶寶與契媽影張合照


寶寶相約兩位美女去飲野


寶寶跟著詩韻一齊打側身飲奶


我們來玩爬行大賽丫


兩歲、一歲、半歲... 真的有很大差距...寶寶輸成條街丫


棒球仔點解踢波既？寶寶看來喜歡足球多些


一到太陽下山，又是寶寶扭計的時候


嵐嵐媽操刀的大頭嵐嵐..水汪汪的眼淚啊


這次不單是父子裝了，現在已是家庭裝