愛心[熊bearbear]

2008/10/31

昨晚睇廣告知道麥當勞有愛心[熊bearbear]慈善義賣
買任何食品加$20就可以擁有一隻[熊bearbear]公仔
還可以捐助麥當勞叔叔之家基金為孩子送上歡笑
呢個活動咁有意義...[熊bearbear]又咁可愛
寶寶當然要全力支持購買一套啦(所有捐款係寶寶基金度扣除)

寶寶很喜歡[熊bearbear]...i'm lovin' it


破壞王又有新目標...

BK0802@哈佬喂嘩鬼party

2008/10/25

今日我們仨出席由BK0802媽咪所搞的哈佬喂嘩鬼party

地點係馬鞍山私人會所舉行

由於今早媽咪要返工..就相約爸爸係火車站集合出發...今次係寶寶第一次搭火車..上到車已經對周圍事物都很好奇 (好似大鄉理出城)


寶寶仲好聽職員廣播既說話添 [請緊握扶手]


一隻手扶得唔夠穩..兩隻手夠穩陣喇掛


Party正式開始前先黎張大合照...今次有十幾個family一齊參加...好熱鬧啊

寶寶一到步已經扭計...搞到想幫佢扮鬼扮馬都唔得...唯有欣賞下其他嘩鬼bb啦 ...

兩個bb撞衫丫..白骨精很可愛呢

 

還有很多帶住牛角扮魔鬼既bb...

 

還有南瓜頭bb

 

每對爸媽都悉心幫bb打扮參加[BB鬼馬造型大賽]呢 

造型獎冠軍

 

造型獎亞軍

 

造型獎季軍

 

同場還有[BB爬行大賽]

寶寶扭計的時候係無野可以吸引到佢...所以平時不到兩秒的爬程..今日係原地不動

 

其他爸媽就出盡法寶...有搖控器

 

而冠軍得主希希就係被電話吸引住由頭帶到尾

 

一輪熱身後..寶寶開始冷靜...這次輪到南瓜頭bb扭計呀...

 

紙皮箱有甚麼用是用來賽車的..兩個bb都好鍾意玩架

 

小飛俠也有到場丫... 身旁那位... 難道就是小仙女



寶寶玩左成日...返到屋企飲飽奶奶就訓覺豬

呢個look有點像醉酒佬呢

總括來說...寶寶今日都係樹熊上身...唔肯坐低和其他bb一齊玩

我和爸爸都發覺寶寶每逢去到陌生和太多bb既地方都會表現得好扭計...反而一對一就無呢個問題發生...其實寶寶都唔算少接觸陌生人...我地都成日帶佢出街玩架

希望寶寶今日只係扭眼訓先咁扭計啦...同埋真係要帶佢接觸多些bb...學習和適應群體既生活

阿一終於面世喇!!!

2008/10/23

之前寶寶成日都牙痕搵野咬...
又勁流口水...都知道佢吽緊牙仔
但奈何吽極都未見出世
琴晚終於發現寶寶口裡面有一隻牙仔凸左少少出黎
阿一終於面世喇...yeah

爸爸 : 寶寶..媽咪話你出左隻牙仔喎...


爸爸 :  張開口比爸爸睇下先啦...


由於爸爸有四隻眼都睇唔到隻牙仔 ...
於是媽咪夜晚再影相比爸爸睇...


呢張應該睇得清楚d喇嘛


    

吃晚飯時..
寶寶都會坐係high-chair和我地一起開餐
我地一份..佢又一份
通常都可以坐定定幾分鐘
不過無幾耐佢就會周身郁無時停
係high-chair度攀來攀去
顧得佢..又食唔到飯
今晚試下比條菜佢楂住自己咬...


坐定定...咬完一條又條
睇你咬得幾咁滋味...


呢招果然有d效用
我地終於可以專心開餐囉