接種肺炎鏈球菌和口服輪狀病毒疫苗

2008/04/28

今天爸爸和婆婆帶寶寶到診所
接種肺炎鏈球菌疫苗第一針
及口服輪狀病毒疫苗第一劑
打針的時候，寶寶哭了數聲..
醫生姐姐聽到寶寶哭
跟寶寶說了數聲 Sorry 呢
接著便給寶寶口服疫苗
還說口服疫苗很美味丫

這些疫苗由政府大量購買只需要幾十元一支
現在自費到診所接種便需要五百元至七百元一支
價錢真是非常極度昂貴
但現在的細菌實在太可怕了
為了寶寶健康著想
唯有被診所欺騙金錢吧 >"<


************************************
[轉貼]
流感令患者容易受肺炎鏈球菌一類繼發性細菌感染，嚴重者會演變成肺炎或腦膜炎而致命。
出生6周的嬰兒要接受4次疫苗注射，二、四、六、八月，每隔兩個月一次
常見副作用:
紅腫、觸痛、發燒、易受刺激、昏睡、斷續不安的睡眠、食慾減退、嘔吐、肚瀉及麻疹狀的紅疹。

由於輪狀病毒沒有治療藥物，一旦感染便會嚴重屙嘔，容易出現脫水，嚴重者會造成器官受損甚至死亡。事實上，輪狀病毒是最嚴重的腸道傳染病，比諾沃克病毒的傳染性更高。
口服疫苗在寶寶 4、8、32 週服用
發燒、腸胃症狀等副作用不超過1-2%
***********************************


寶寶還是要讓寶寶媽抱著才肯睡...


今天是樂富公屋交還的日子
我們已搬進慈雲山了
但還沒整理好.. 新屋仍然亂在一團.. 還是需要時間執拾..

這是在樂富舊屋的最後一張相，交還鎖匙後.. 不會再站在這個位置了..
雖然這十年來，我沒有看多少眼這個球場，不過.. 這就是十年來窗外的景色..
今天將要失去了.. 人總是喜歡懷念.. 失去了才想要珍惜..
如果在天朗氣清的時候.. 還可以看到在中環的新中銀大廈

寶寶第一次到足球場

2008/04/27

今天爸爸公司的足球隊在家附近有比賽
所以帶寶寶出外走走
也順便拍拍照
寶寶第一次坐私家車出巡
周圍張望顯得非常好奇
待寶寶長大一些
我們帶寶寶到足球場踼波波 ^_^

君主御駕親征... (君豪坐嬰兒車)


寶寶媽和寶寶在草地上


白界後就是足球場了

寶寶飲奶實況

2008/04/26

我跟媽媽係度傾計...依依呀呀


媽媽讚我乖仔呀...hehehe


我咁乖點解仲未有奶奶既??


哇哇...我唔制丫


好野...有得飲奶奶啦!!!


飲飽奶奶掃陣風先...


"ur"完舒服晒...訓覺覺豬lu

趴地熊

2008/04/22

BB很喜歡趴在我們身上睡覺
可能有人抱著特別有安全感吧
我也喜歡BB睡在我身上
因為那份感覺好親密 >8<

感謝豬比媽送的熊貓衫，由趴地寶寶穿上
(豬比小王子網址：http://www.babyhome.com.tw/jeffpoon)


寶寶似爸爸 ??


還是似媽媽 ??

寶寶到健康院打第二支針

2008/04/21

因為寶寶媽今天開始要上班
所以就由婆婆帶往母嬰健康院接種四合一疫苗
白喉、破傷風、無細胞型百日咳及滅活小兒麻痺混合疫苗-第一次
疫苗可能會引發燒、針口腫痛、疲倦、哭鬧等副作用
四合一需要在二、四、六月各接種一次
以及需要在一歲半及小學六年級注射加強劑

寶寶今次都很叻仔
打針時只是叫喊了一聲就倒頭大睡了
可能打針後出現了副作用
晚上時常都在哭鬧著...

寶寶在健康院檢查發育情況
現在重 5.06 kg，頭圍 39cm，身長 57cm
約11磅，比上個月增加了兩磅半了

第一天睡在新床...
可能太新的關係..
有些睡眠不足...
待收拾好後...
讓寶寶在新床上撒泡童子尿可能會好些 ^_^

寶寶今天不停哭鬧，在婆婆、寶寶媽的身邊才肯睡...

搬新屋喇

2008/04/20

我和爸B終於搬進新屋喇...
因為之前已經陸續搬左些傢俬和雜物到新屋
所以今天只係叫左架van仔就搞掂丫
而家新屋仲係一個垃圾崗
隨處都可以見到紙箱和紅白藍膠袋
真係睇見都唔想執丫
經過大家一整天既努力
已經收拾得六七成丫
因為屋企實在太混亂
所以BB暫時留係婆婆屋企照顧
而家唯有放工就趕返去睇仔啦 ^_^

婆婆替寶寶拍照

寶寶兩個月大丫

2008/04/18

唔經唔覺BB兩個月大丫
已經唔再係一嚿飯了
識得對住我地有講有笑
雖然只係一些BB話
但都算有進步丫
而家成日放隻手指公入口度
啜到津津有味呢
仲有阿仔既腿功都好厲害架
有時扭計抱住既時候會使出佛山無影腳添
對住阿仔真係又嬲又笑
扭肚餓扭眼訓既時候就最令人討厭
當然對住你笑既時候就最愛c佢啦

下星期一我就要返工了
最唔捨得當然係我既寶貝仔啦
呢兩個月來我每天都見住佢陪伴佢
而家要放工返屋企先見到個仔
都唔知會唔會太掛住個仔而唔專心做嘢呢
不過返到公司都要重新適應
始終都隔左兩個月無做嘢
點都會有些唔習慣既
希望可以跟得番上d工作啦 ^_^

寶寶 : [媽媽, 仲咩又影我食手指丫...]

產後檢查

2008/04/16

今天我去左健康院做產後檢查
檢查後大致上都無問題
原來健康院有子宮頸普檢只需要一百蚊
覺得幾便宜同埋唔使再特登預約
所以就順便join埋檢查
三個月後就會收到報告了
還記得臨生之前就125磅
今天係健康院磅重係108磅
原來BB加埋胎水都係少左17磅咋
我未大肚前都係大約98磅
即係話有10磅重左係我身上啦
而家除左多左個仔之外
仲多左個肚腩仔
都唔知幾時可以減得番呀 >"<

洗白白玩水水

2008/04/15

天氣開始炎熱了
唔使再驚BB洗白白時會著涼呢
還記得初期幫BB洗白白
BB會好驚係度哭叫著
要婆婆握住隻手仔先有d安全感
但而家都唔知幾enjoy咁係度玩水
BB開始大個仔啦
遲d可能玩到唔捨得離開個水池添呀 ^_^

好嘢有得玩水啦


洗完白白香噴噴啊


碧咸雞冠頭...似嗎??

今天六合彩頭獎五千萬

2008/04/13

今天六合彩頭獎一注獨得五千萬
可惜不是屬於我們的..
不過.. 也不要緊..
下期還有三千萬.. 在等著我們呢

其實.. 六合彩是用五元去買一個希望..
但.. 那個希望你沒有預期會有甚麼回報..
沒有中獎，也不會失望..
不斷的付出... 換來少少的朌望..

我們對寶寶也會不斷付出
沒有要求甚麼回報
只要看到寶寶健康快樂
就像每天也看到希望

寶寶又吃雞脾了

守護天使

2008/04/12

剛看完一位媽咪post係blog篇文章
雖然我唔係教徒
但我都覺得好warm, 好touching
希望同大家一齊分享

* * * * * * * * * * * * * * * * * * * * * * * * * * * * * * * * * * *
很久之前，有一個小孩即將誕生...
小孩來到上帝面前問：「他們跟我說明天你要把我送到人間去喔...」
上帝回應說：「是的，孩子。」
「但我還那麼小，又這麼無依無靠...」
上帝說：「孩子，不用怕。我為你挑選了兩位守護天使，他們正期待你的來臨。
並且，他們會盡心盡力的照顧你！」
「可是...」小孩猶豫著「我在這裡只需要唱歌和歡笑，就能很快樂...」
上帝說：「孩子，你的天使也會唱歌給你聽，你會因著他們的愛而感到無比歡樂。」
「不過，我又不懂得他們的語言，那我如何跟他們溝通?」
「這很簡單呀。」上帝說「你的天使向你說的盡是甜美溫柔的話。
他們還會很有耐性和愛心教導你說話。」
小孩抬頭看著上帝說：「那如果我想要跟你說話，該怎辦?」
上帝微笑著說：「你的天使會牽著你的手教導你如何禱告。」
小孩說：「但我還聽說那裡有很多壞人呢...那誰來保護我?」
上帝將小孩擁在懷裡說：「你的天使會不惜生命來保護你。」
就在這時，天堂的另一端傳來地面的聲音。小孩匆匆忙忙的低聲問：
「主啊！我想是時候走了，那請你告訴我天使的名字吧！」
上帝說：「他們的名字叫什麼並不重要，因為你會叫他們...爸爸媽媽。」

* * * * * * * * * * * * * * * * * * * * * * * * * * * * * * * * * * *

BB係我和爸B既小天使
我和爸B會盡心盡力去保護你愛著你
一生一世做你的守護天使 >8<


Hi 我係君豪仔


最鍾意食手指公...好味道


我似媽咪嗎？ :p

寶寶啜雞脾仔實錄

2008/04/11

近排當BB肚餓果陣就會啜雞脾仔
有時仲會啜到"嗒嗒"聲
好似好好味道咁...
我又唔想比個奶咀佢啜
費事大個仔改唔到個壞習慣就醜c怪囉
唯有勤d幫佢洗乾淨隻雞脾仔啦 ^_^

寶寶 : [婆婆, 我好肚餓啊!!!]


寶寶啜雞脾仔實錄

同寶寶傾計

2008/04/09

有時對住BB講野
佢好似知道咁識回應我地
有時仲會撩我地同佢傾計添
雖然暫時剩係識得"哦哦呀呀"
但已經令我地開心樂透了
唔知幾時會識得叫"爸爸媽媽"呢 ^_^

婆婆買給寶寶的黃色衫衫..好搶眼啊 ^0^

寶寶曳曳事件簿延續篇

2008/04/08

唔知係咪昨天訓得太多呢
凌晨三點幾BB竟然訓醒扭計要飲奶
好彩今次飲完就即刻訓番
如果唔係又攪到婆婆無覺好訓呢
哎呀...如果第時BB每晚都係咁曳曳
媽咪爸B實變安安與佳佳囉
BB, 你要乖乖聽話先抵鍚啊 >8<

伸脷


扁咀


大笑

寶寶曳曳事件簿

2008/04/07

昨晚BB好曳曳丫...

婆婆幫BB換片片既時候
BB又敬茶比婆婆啦
今次仲噴到姨媽張床濕晒添
激到姨媽cc下
真係要打pat pat呀

到左凌晨一點幾BB係度扭肚餓
但飲完奶之後又眼仔碌碌唔訓覺
攪到婆婆成晚抱住無覺好訓
最後直情要婆婆摟抱住先肯訓丫
唔知係咪昨晚訓覺訓少左
今天每次飲奶後都變左睡寶寶
一於訓番夠本呢 ^0^

各自忙碌

2008/04/06

今天我和爸B都各有各忙碌...

因為我的家人要上山掃墓
所以我就留在家中照顧BB
其實獨力去照顧BB真係幾疲倦
尤其係BB扭計唔願訓覺既時候
要抱住周圍行去氹BB訓覺
所以我真係好佩服婆婆既耐力
還有兩星期我就要上班丫
到時就要辛苦婆婆去照顧BB啦 ^0^

爸B,爺爺, 奶奶和小叔就執拾行裝
將舊屋的傢俱和雜物搬去新屋
用了差不多一天既時間
就已經搬得七七八八丫
真係多謝大家既幫忙
相信好快我們仨就可以搬入新屋啦 ^_^

很可愛的小狗口水肩


還有小狗pat pat衫

買床

2008/04/05

很喜歡那些有皮包著的床架
早前走了很多地方
最後今天在直銷中心找到
側揭的油壓床
因為房間的長度限制
所以長度要不超過 79 寸
如果沒有這個限制
其實有很多選擇..
至於直銷中心的傢俬是否耐用...
那就要一些時間才知道了...

還沒有奶奶.. 我要哭了 >.<


快要有奶奶丫，卡卡卡卡... ^_^

燈飾

2008/04/04

今天去了元朗買燈飾
因為有親友帶我們去看
買了一盞廳燈、一盞小水晶燈及兩盞房燈
連慳電膽...總共花了千數元

因為路途遙遠
所以沒有帶寶寶一起上街

食酸梅乾變超人 ^0^

自閉症評估

2008/04/03

今天在都市日報看到這篇報導
自閉症是一種增長最快的嚴重兒童發展障礙，發病率是每150名兒童中有一人患上，男孩子尤其嚴重，每94名中就有一人患病
當然沒有人會想要這問題
但如果真的有問題
還是早一些知道好
所以[轉貼]這份問卷

自閉症幼兒甄別評估(適合18個月以上幼兒使用)
問卷
他喜歡你搖他、在你膝上跳或類似的動作嗎? 是 □ 否 □
他喜歡和其他孩子玩耍嗎? 是 □ 否 □
他喜歡攀爬梯級或梳化等物件嗎? 是 □ 否 □
他喜歡玩「叭叭吱」或「捕呢呢」嗎? 是 □ 否 □
他喜歡玩假想遊戲，例如煮飯仔、假扮聽電話或其他假想遊戲嗎? 是 □ 否 □
他有沒有用自己的食指指?物件來表示想要? 是 □ 否 □
他有沒有用自己的食指指?物件來表示對該物件有興趣? 是 □ 否 □
他懂得正確把玩細小的玩具(例如車仔或積木)，而非舔、咬或扔掉它們? 是 □ 否 □
他會不會親自拿物件給你看? 是 □ 否 □
觀察項目小測試
目光接觸：孩子與你有眼神接觸嗎? 是 □ 否 □
視線轉移：先吸引孩子注意，然後指向房間另一端的物件，說「看!那兒有(玩具名稱)!」留意孩子的臉。孩子會望向那玩具嗎? 是 □ 否 □
假想遊戲：先吸引孩子注意，然後給他一個玩具茶杯及茶壺，說「倒杯茶茶啦!」觀察孩子能否模 仿倒茶、喝茶的動作。 是 □ 否 □
指物件：對孩子說：「燈燈呢?」孩子會用他的食指指出燈的位置嗎? 是 □ 否 □
砌積木：孩子能否砌高三塊積木? 是 □ 否 □
分析結果：
如果家長發現孩子未能做到
問卷的第2、4、5、6、7及第9條及觀察項目的第2、3、4，都是顯示孩子社交能力較為弱。如同時間家長發現他的語言能力較同齡兒童為弱，則建議家長與醫生商討，有需要時轉介至母嬰健康院或衛生署轄下的兒童體能智力測驗中心作詳細的評估。

婆婆的手

父母心聲

2008/04/02

每一個父母..
也會覺得自己的寶寶最重要
所以.. 寶寶的一哭一笑
也會牽動著我們的心靈..
我們都會努力讓寶寶笑 ^_^


洋蔥頭

愚人節

2008/04/01

今天是愚人節
可能.. 老天還是喜歡跟人們開玩笑...
前天氣溫還是攝氏二十多度
今天卻是十六七度
天氣乍暖還寒
很易感冒
過幾天又會回升至廿多度
各位朋友要注意身體 ^_^

小表姐今天發燒
生病了，休學兩天
但也要遠離寶寶丫

今天溫度驟降，出動格仔背心

出世紙收費

2008/03/31

今天爸B打電話去出生登記處
打算追問番點解會收多左錢
解釋後其實係我地自己攪錯 >"<
原來每張出世紙係要收登記費一百四十元正
只係四十二日內去攞就"免"登記費
四十二日後至十二個月內攞就要"付"登記費
而出世紙每張係要收一百四十元正
咁我地攞兩張即係收取二百八十元正丫
原來最烏龍係我地兩公婆就真...哈哈哈

BB指甲生長速度真係好快
早幾日先幫BB剪完
琴晚竟然發現BB張俊臉比指甲抓損左
真係心疼C媽咪了 >.<
BB, 你真係曳曳丫...
隻手仔成日係張臉度抓下抓下
而家著長袖就話可以遮住隻手仔
遲些轉夏季真係要幫你帶番對手套仔先得啦

曳豬係度玩口水 ^_^