2009/04/25
近排既天氣反反覆覆成日都落雨..搞到無乜機會帶豪豪去街街...今日臨近黃昏時睇見街外無落雨...爸爸就提議帶阿仔去屋企附近果間體育館playroom玩...之前聽朋友講過果度都會有許多大小朋友追追逐逐...不過我地未去過都可以去試玩下!!
我地去到只有兩三個小朋友係度玩...差不多可以免費包場..其實果度個場都算ok...有幾個遊戲設施..只係覺得個地墊比較污糟有點扣分 (政府設施都唔好要求太高) 不過如果每次去都可以包場就去多幾次都無防呢!!
有阿仔至愛既sir滑梯...
又有得玩捐山洞...
阿仔既新寵...玩具屋 (其實係鍾意玩開門/關門和門鎖)
2009/04/18
話咁快豪豪14個月大丫...真係有點不捨...
原本諗住今日weekend可以帶阿仔出街逛逛...奈何d病菌唔肯遠離佢...
阿仔已經睇左三次醫生...食左藥都依然係咳到唔停咀..有幾次食藥仲食到嘔...睇見佢食到咁辛苦...我就更加心痛肉赤...但唔食藥又點會有機會好番呢...如果食埋今次d藥都唔掂...真係要轉睇下中醫先得...
阿仔食奶量又食少左...未病前就食得晒一支奶...而家就食得半支奶...好彩都仲肯食下粥仔/糊仔/零食補充番d..原本阿仔都唔算重量級人馬..而家病左甘耐肯定成個人輕磅晒啦...
爸爸..呢支槍有咩作用架??
傻豬...用來幫你探熱架...
阿仔笑得咁開心...一陣你就笑唔出了
用星星餅送藥水...
先比些甜頭...
後餵藥水...
可能阿仔食藥食到麻木晒...已經無乜反抗了...食完又繼續同爸爸玩...而家阿仔有七隻牙仔..第八隻標緊出黎...所以成日發牙痕搵野咬...
阿仔睇準目標...
一啖咬落爸爸隻腳度...
爸爸...我下次唔敢咬你咁細力...唔好扭我耳仔啦...
可能男仔講野能力真係比女仔較慢...而家阿仔都唔係太多野講..仲係講緊d太空話...睇見其他同齡朋友仔已經識發好多個音...真係有d羡慕...不過我成日都會提醒自己...唔好將自己個仔同其他小朋友比較...人比人比c人...講野阿仔遲早都識架啦...所以唔好太急進...幸好阿仔已經分辨到誰人係誰人...總算都有點安慰...如果阿仔而家仲未知我係媽媽...我諗我心都碎埋添...有時阿仔既情緒都幾反覆...心情好時可以笑到傻晒...但惡起上黎就成日動手打人..另外...阿仔模仿能力都幾高..好似睇見姨媽搽cream...佢又會有樣學樣...
按住支cream樽口處吱吱吱
然後雙手搽搽搽...
2009/04/15
豪豪有樣必殺技 ~ 親親您 
豪豪而家唔知點解好鍾意打人...每次打完人之後...當佢知道打得大力左打痛人...佢會自動自覺去鍚番人/攬住呵番人...等到我地呢d受害者都唔知好嬲定好「Lum」...如果俗語說就係一擔「沙糖」一擔「米田共」..不過我地多數都係「Lum」..因為對住佢真係嬲唔落 
但當佢知道我地係扮痛扮喊...佢又會唔理睬我地架喎...佢好識分辨誰是真假...好叻仔 
我知道唔可以再比佢成日動手打人...如果唔係就無小朋友願意同佢玩架啦...但有咩方法可以教導佢改善佢呢 
我地已經打佢手板...用嚴肅既語氣同佢講唔可以打人...但佢都係無乜反應...正如老人家話佢而家無眼耳口鼻...打佢又唔知...鬧佢又唔明...即係你有你講...佢有佢做 
唉...呢段時期既小朋友真難搞 
豪豪 : 咦..小表姊有蛋糕吃喎...
含情脈脈望住個蛋糕...
又攬又鍚示意小表姊請蛋糕佢吃...
2009/04/12
大尾督 ~ 一個久違的地方...記得我最後一次去果度已經係中學生年代了...
以前係一班朋友/二人世界玩樂既好地方...
而家係一家人/我們仨親子既好地方...
今日我地相約婆婆一家人去大尾督郊遊...打算租單車/放風箏/吹bubble..吃喝玩樂輕鬆愉快過一天...好可惜實在太多family既諗法同我地一樣...去到目的地周圍已經人山人海...搵個位泊車都難...等了又等...終於搵到間酒家可以比我地泊車...但條件要係酒家裡消費 (即係食晚飯)..為左唔想再浪費時間...唯有無奈接受啦...
本來想租架家庭車玩下..但見時間太晏了..唯有下次再黎先玩啦...
行去大霸睇下風景...
玩下bubble..
兩父子合力對抗bubble攻擊...
豪豪見到bubble就最開心...
天空上有很多風箏...但豪豪眼裡只有bubble...
難得坐定定影一張相...
豪豪拎住搖控器好興奮...
小表姊帶左架私家單車去玩...
豪豪 : 小表姊...我要坐車尾呀...
豪豪坐完順風車後..就對架車好感興趣...
最後還要小表姊讓車比佢玩添...
豪豪 : 我係小霸王...呵呵...
