寶寶視力

2008/03/30

隨著寶寶慢慢成長
由原本好像沒有意識的週圍看
到現在開始有焦點了
還會看著別人的手指慢慢移動
不過.. 很多時還是胡亂四處看..

[轉載-截錄-幼兒的視力發育與照護]
剛生出來的小嬰兒，他的視力很矇矓，約正常成人二十分之一甚至不到。但當兩個月大時就能夠固視了！他能固定看光、看人，或固定看特定的物體。到三個月大時，小baby的眼睛就能夠隨著物體的位置移動而移動。所以出生後最初兩三個月是視力發育最快速，也最重要的時期。嬰兒照護者(或是母親或阿婆)不宜將 baby整日放在幽暗的環境中。四個月大的嬰兒，約有成人十分之一的視力，大概零點一左右的視力。而到了一歲半至兩歲半間，就具備了成人1.0的視力（但是四歲前的孩童仍無法以一般的視力表測量）。以上是一般嬰幼兒正常的視力發育狀況；反之，若babay五至六個月大的嬰兒仍不能固視及追隨物體移動，眼球總是一直晃動，或是小baby會拿小拳頭用力搓揉眼球；一、二歲時仍不能看到或拿起細小的物件，或是看東西要拿到很近看，看電視會跑到前面去或是斜眼看；以上都是不正常的現象，建議得帶至醫院的小兒眼科就診。

鳴謝"諾諾媽"送給寶寶的音樂震震椅


表姑姐去台灣旅行買了新衫給寶寶，這是其中的口水肩

寶寶攞出世紙丫

2008/03/29

爸B今天去幫BB攞出世紙
大約九時到達油麻地的九龍出生登記處
但去到已經有很多人排隊等候
而星期六只會派六十個籌
好彩辦事處會因應情況增加派籌
爸B攞到的是第六十二號籌
不用白行一趟...
還記得以前只可以攞一張出世紙
但而家只需要付錢
就可以攞多一張或 N咁多張出世紙
每張只係一百四十元正
所以有很多家長都會幫子女攞多幾張做後備
而爸B就付錢幫BB攞多一張
由於烏龍爸B唔知道四十二日內攞出世紙既第一張係免費
竟然胡里胡塗付了二百八十元正
哎呀...又要搵日特登返去出生登記處追討番D錢了 ^_^

大笑寶寶 ^0^

第一次幫寶寶剪指甲

2008/03/28

唔經唔覺這個多月來
每天的節目都係同BB傾計, 餵奶, 氹BB訓覺...
每隔幾小時就會重覆做一次
所以每天的時間都過得好快
轉下眼又一日了...
其實有時係屋企真係悶得有點發慌
都好想出外逛下, 抖下氣...
所以昨晚就同爸B出左街行下
為我地既安樂窩睇下傢俱
晚飯還吃左我久違了的壽司添

今天我終於鼓起勇氣幫BB剪指甲
因為我好怕會唔小心剪親BB
所以一直以黎都係由婆婆去操刀
今次我係趁BB甜睡既時候去剪
BB既指甲真係好柔軟架
只要細心D去剪都唔係咁困難呢 ^0^

特大珍寶珠


微笑寶寶 ^_^

逛街看傢俬

2008/03/27

因為準備添置傢俱
所以今晚寶寶媽和寶寶爸出外逛街
寶寶要乖乖的待在家裏

到了旺角的直銷中心及實惠
實惠的價錢.. 好像一點也不實惠...
直銷中心的價錢還可以
準備有時間會去海馬、吉之島及宜家傢俬看看
預計..
四月尾才可以正式入伙

奶粉荒?

2008/03/26

今天睇報紙話本港奶粉出現缺貨
令到D家長要周圍撲買奶粉補給
好彩我BB係吃日本奶粉
暫時都仲未出現呢種情況
但聽其他媽咪講四月份日本奶粉都會加價
可能日元匯率上升問題掛
不過好在有個精靈爸B
上星期已經買左一箱奶粉做存貨
就算遲D缺貨或者加價
BB暫時都唔洗擔心無奶粉吃啦 ^_^

有個精靈爸B, 點少得呢個鬼馬寶寶啊 :p


表姊, 快D比我騎牛牛 ^0^

抖抖氣

2008/03/25

今天公公婆婆、寶寶媽、表姊仔和寶寶到酒樓午飯
寶寶媽在家呆太久了..
悶得有些發慌..
所以.. 出外抖抖氣，到酒樓午飯
也順路到商場隨便逛逛..

扭計寶寶

哭鬧

2008/03/24

復活節假期最後一天
今天寶寶爸也要上班
所以只好晚上才來看寶寶
寶寶整晚都在哭鬧
抱著也要哭...
希望長大了..
會慢慢變乖吧..

寶寶現在的身長還比不上公仔.. 大家只好握握手..

新屋裝修好了

2008/03/23

爺爺今天好多了
所以一大早便開工
新屋大致上裝修好
待添置好家具
我們便可以選個良辰吉日搬進去了 ^_^

今天要教大家的英文字母是 "O"

爺爺病倒了

2008/03/22

可能昨天太辛苦了
爺爺今天病倒
怎樣說也拗不過去
怎也不肯休息
還是要來幫忙裝修
看到爺爺這樣辛苦..
實在有些心痛..

寶寶媽在錄影鬼馬寶寶

新屋開始自己裝修了

2008/03/21

復活節假期的第一天
新屋剛剛開始自己裝修
幸好有家人的支持、幫忙..
多謝外婆他們照顧寶寶媽和寶寶
感謝爺爺、奶奶、小叔幫忙裝修...
讓我們感到溫暖 ^_^

這幾天看到寶寶的時候..
總是在做睡寶寶.. 沒有看過寶寶爸幾眼..
不知道.. 寶寶會不會不記得爸爸了..
下次.. 可能一抱就要哭..
那時.. 寶寶爸也會想哭呢 >.<

睡寶寶

寶寶唔夠飽??

2008/03/20

今天BB好像特別肚餓仔
每次訓醒都在扭肚餓
之前每4個鐘餵4.5安士奶奶
而家可能BB個胃仔開始大, 開始唔夠飽了
所以每次訓醒都楚楚可憐地喊叫著
唯有縮短3個半鐘餵一次奶奶
希望BB吃飽飽唔會成日扭計計啦 ^_^

寶寶到健康院打第一支針

2008/03/19

今天要帶BB去健康院打針(乙型肝炎疫苗)...吉大脾仔
原本我和婆婆都以為BB會喊到幾厲害
點知估計錯誤, BB吉針時只係喊叫左幾聲就無事了
果然有男兒本色係叻叻仔...抵鍚 >8<
聽姑娘話打呢支針唔會有什麼事後反應的
但當下個月再打第二支針, 就可能會有發燒既事後反應
不過下個月撞岩媽咪要返工就陪唔到BB去打針了>"<
還記得BB剛剛出世既時候係2.96kg
今天磅重已經係3.93kg...一個月重左0.97kg丫
醫生話呢個增長速度幾好, 係中細碼BB
同埋再幫BB檢查黃疸已經退晒無事了
希望BB繼續快高長大, 健健康康地成長啦 ^_^

每日例影 ^_^

寶寶滿月丫

2008/03/18

明天是寶寶滿月
因為滿月是用農曆計算
所以明天才是滿月正日
不過一般人們設宴也會提早或是等雙滿月，又或是現在很流行的百日宴
最後我們選了吉日，提早一天在黃大仙的酒家設宴
感謝眾親友的來臨
相片：http://picasaweb.google.com/iceluk2/20080318
多謝 ^_^

不知道為甚麼..
親朋好友來看望寶寶的時候
寶寶總喜歡睡覺
任憑你好像接力一樣，輪流抱抱
仍然會是個睡寶寶
今天也不例外
有廿多人輪流抱抱、拍照
寶寶還是照睡如儀
但回到家後，放寶寶在 BB 床沒多久..
寶寶又扭要人抱抱了
頑皮寶寶要打屁股 ="=

爺爺、奶奶、外公、外婆


我們仨！


奸計得逞，整個晚上都在詐睡，奸笑中 ^_^ (玉器是外婆送的，金器是太奶奶給寶寶爸的，現在由奶奶給寶寶)

寶寶有中文名啦 ^_^

2008/03/17

今天我和爸B決定為BB改名為"君豪"
呢個名字無特別既意思
只係我和爸B都鍾意個"豪"字
可能想BB長大後有男子既豪氣掛 ^0^

今天BB很扭計, 扭眼訓又唔訓...
我和婆婆抱住佢就訓著, 但放低係床就會醒
全日加埋可能都只係訓左三四個鐘頭
總係訓得唔好唔熟睡...
唔通BB知道明天滿月大個仔
開心得滯訓唔著??
BB, 你要快D訓覺覺豬丫
如果唔係明天就做熊貓BB架啦!!!

媽咪外出吃飯

2008/03/16

寶寶媽辛苦了近一個月
寶寶也快要滿月了
所以今天晚上格外開恩
特別恩准寶寶媽外出和朋友晚飯

寶寶媽不要太晚回家丫，否則... 我可要扭計 ^_^

寶寶敬茶

2008/03/15

今天寶寶很頑皮，作弄了婆婆兩次呢
第一次，婆婆準備沖奶前幫寶寶先換片片
怎想到寶寶向婆婆敬茶，還弄污了衣服和床單
第二次，因為衣服弄污了，所以便替寶寶洗白白
婆婆以為寶寶已經尿尿，洗完白白便幫他先穿上衣服
那知寶寶又再一次向婆婆敬茶...
婆婆飲了孫仔兩杯茶，不知好嬲定好笑呢 ^0^

下午寶寶爸替寶寶換片片的時候
剛剛換上新片片
準備貼上的時候..
寶寶又發射了
弄得寶寶爸滿手也是尿尿 >.<

寶寶爸想教寶寶打功夫嗎？


究竟寶寶媽... 還是寶寶爸.. 的手指會被咬呢？

一雙小球鞋

2008/03/14

寶寶爸原訂跟一位外國回來的朋友晚飯
怎想到被放鴿子了
可能那位朋友事忙
難得回到香港
太多事務要處理
忘了這頓便飯吧
不知道在他離開前
還有沒有機會見一見呢...

一起被放鴿子的朋友送給寶寶一雙小球鞋

爸爸康復了

2008/03/13

因為昨天有些感冒
手軟腳軟、週身酸痛、有些發冷、還有發燒..
所以大昏迷了一整天
再加上今天的休息
已好得七七八八了
可以來看寶寶
不用再被隔離 ^_^


餵奶的時候，寶寶也會伸手摸著奶樽


寶寶又在扭計了，又要寶寶媽抱抱

四/五/六合一??

2008/03/12

今天爸B有點唔舒服, 所以沒有上黎睇BB
希望爸B多點休息, 早點康復啦 ^0^
BB下星期就要去健康院打預防針
私家診所而家有得打六/五合一無細胞混合疫苗
同埋肺炎鏈球菌和口服輪狀病毒疫苗
因為四合一就可以免費去健康院打
但六/五合一和其他疫苗就要自費去私家診所打
而且價錢都很昂貴, 但BB就可以打少幾針, patpat無咁受難
近年來d病菌好似越黎越厲害
打埋其他預防針增加BB防疫能力又好似好d
所以我都仲考慮中...
或者諮詢下有經驗既朋友意見再作決定吧!!!

新屋開始裝修了

2008/03/11

新屋開始裝修了，今天開始鋪磚
等裝修好了，就可以和寶寶一起搬到新屋了

只要寶寶張開雙眼，哭叫一會，便會有人來看顧、抱著不放手

檢查黃疸

2008/03/10

今天要帶BB返健康院檢查黃疸
順便可以磅下豬仔...3.65kg, 有8磅丫
比起上兩星期差不多重左1磅呀
醫生話BB既進度都幾好
不過就仲有少少黃,但係遲d就會退晒架 ^_^
而家BB每四個鐘飲一餐奶奶, 每餐飲4安士
但有時飲完4安士奶奶都好似唔夠飽咁
唔通BB人仔細細就好似爸B咁...hehehe
有時訓緊覺覺既時候, 個咀仔都會不時啜下啜下
唔通同緊周公飲緊奶茶...哈哈, 真係好鬼可愛啊 >8<

今天又有很多姐姐黎探寶寶啦 ^_^


寶寶戴得靚唔靚仔呢 ^0^


今天第一次試試上載短片--寶寶戴帽仔到健康院, 但好像唔係咁鍾意戴 ^0^


寶寶咀仔啜下啜下 >8<

眼訓仔??

2008/03/09

今日有很多親戚和朋友黎探望BB
但唔知點解BB今日好像特別眼訓咁
就算任何人抱著他
他都只會半張開雙眼偷偷望一望
然後就繼續訓覺覺豬了

寶寶今天笑得很開心

寶寶似鬧鐘??

2008/03/08

還記得BB剛剛回家既時候
好像一個鬧鐘咁, 每四個鐘就會訓醒叫喊著飲奶
飲飽奶奶後就會立即訓覺覺
但而家越大, 訓覺既時間就越短了
有時候飲飽奶奶都唔會立即訓覺覺
訓係床上眼仔碌碌周圍望, 手舞足動
當然有時候就會扭眼訓扭人抱抱啦 ^0^

我似招財寶寶嗎 ^_^


邊個曳曳豬唔訓覺


大懶豬與小懶豬

綠色便便

2008/03/07

可能因為剛剛轉了奶粉
寶寶今天的便便是綠色的
聽說寶寶會將多餘的鐵質排出
所以變成綠色
而且便便次數也比之前少了

昨天可能因為沒有便便
所以才會不肯睡覺
今天便便之後
已經好多了

大手和小手

抱抱

2008/03/06

寶寶今天很百厭
整天都要人抱
幸好...
現在寶寶的哭聲還是很可愛
婆婆、姨媽也很樂意照顧
讓寶寶媽可以有些休息時間
寶寶扭左好耐才在寶寶媽懷抱裏睡著

一整天都是張大雙眼看著是誰在抱抱

轉飲"Bean Stalk"奶粉

2008/03/05

今天幫寶寶轉了日本既奶粉--Bean Stalk
因為聽說這隻奶粉對寶寶腸胃會好些
所以就買了一罐給寶寶試試看
價錢當然比香港既奶粉貴一點啦
所以寶寶要乖丫...唔好浪費d奶奶啊 ^0^

今天寶寶媽的數位同事也來看寶寶
她們都在品嘗婆婆烹調的美味薑醋 ^_^


寶寶爸...你在做什麼啊 ?

舉手投降

2008/03/04

BB訓覺覺既時候最鍾意擺既姿勢就係舉手投降啦 ^_^

寶寶去廣華覆診

2008/03/03

今日我和婆婆帶BB去廣華覆診
主要係睇番BB心跳有無雜音和甲狀腺既檢驗報告
幸運地醫生幫BB檢查完話沒有再發現問題了
終於放下心頭大石, 鬆一口氣丫 ^_^

其實產後有婆婆、爸B和屋企人既協助去照顧BB
令我可以放鬆去休息和減輕我既負擔
我真係好多謝佢地丫>8<
今日爸B要開始復工賺奶粉錢了
為了BB既將來, 爸B你要努力加油啊!!!

唔經唔覺BB已經十五日人仔了
但已經有好多古靈精怪既表情
有時仲令到全家人捧腹大笑
睇黎BB已變成了開心果呢 ^0^

寶寶在發號施令嗎？


我大個仔啦 (梳起寶寶數條頭髮後，好像長大了)


寶寶打功夫 ^_^

爸爸明天復工了

2008/03/02

寶寶爸放了一個悠長的假期
明天開始復工
那便只可以下班後才可見到寶寶媽和寶寶了

婆婆和寶寶媽明天會帶寶寶到廣華覆診

大叔今天來看寶寶


姨媽姨丈，表姊又在後面搶鏡呢


姨媽姨丈

十二朝後

2008/03/01

因為過了十二朝
所以開始有親友來了
明天又會有很多親朋呢
很多人要來看寶寶丫

那圓睜的大眼晴


為甚麼在皺眉呢？寶寶媽在吻你丫


寶寶爸在訓話