2009/07/29
今晚爸爸帶左班豬朋狗友回家..豪豪見到佢地非常開心呢 
自從知道阿仔鍾意呢d得意小動物之後...爸爸就周圍去睇下邊度有得買...咁岩佢今日吃lunch時經過街邊見到有得賣又平平地喎...緊係買番兩隻逗下阿仔開心啦 
阿仔..你睇下爸爸幾咁愛鍚你 
不過之前唔知邊個話唔會太「寵」個仔既呢 
每晚dinner後都會切些生果比阿仔吃...順便訓練佢自己用叉吉野食...但阿仔有時吉唔到就會用手拿...其實無論用手或用叉都係對佢小手指既一種靈活練習呢 
2009年7月29日星期三
2009年7月28日星期二
2009年7月27日星期一
細b ~ 22weeks ~ 巫醫生照結構
2009/07/27
今個月頭有很多朋友問我...知道仔定女未呀?? (未呀..月底先去照結構呀 
) 比朋友追問多幾次...搞到我都好心急想快d知道結果哩...其實係我和爸爸心目中仔定女都無所謂...最緊要健健康康 
期待已久...今日我和爸爸去左巫醫生照結構性超聲波...
開始時醫生係我個肚皮上掃一掃...就已經好肯定話比我地知個結果...我地仲傻傻下以為醫生說笑哩 (因為無理由照得咁快架麻...我地都仲未睇得清楚個超聲波圖係邊個部位呀 
) 醫生唯有再放大個「重點」比我地睇下啦...有「姑姑」架 
即係豪豪有個弟弟啦...成個過程差不多照左15mins...醫生話細b各個部位都發展得好好...有時又會轉做4D比我地睇下細b個樣 (有賺 
) ...其實我地睇完都唔知似邊個...總之知道一切健康平安就very good 喇
今個月發覺個肚圍好似大左好多...用尺度一度原來已經有34吋啦...對比起上個月足足脹大左2吋..而我既體重就有108lb 
如果根據呢d數字和再睇番陀哥哥時既成長記錄...似乎細b都似哥哥屬於細碼型哩...如果係又唔錯喎..我起碼唔駛生得咁辛苦麻 
我和爸爸已經開始同豪豪做心理輔導..話佢知媽咪肚裡面有個bb...將來你係哥哥..要呵護和愛鍚弟弟 不過每次同阿仔講親都好似無乜反應...可能阿仔仲未明白掛...我地要繼續努力先得啦 
2009年7月26日星期日
幼潛@第7堂
2009/07/26
今日我地又提早出門口搭巴士返學...讓豪豪可以係巴士上小睡片刻養足精神 我地每次搭巴士都會坐最後一排...因為貪佢最「登」..阿仔就最容易訓得著...不過呢度都係全架巴士最熱既地方...所以每次坐完都流晒大汗 
我抱住三個火爐 : 豪豪+細b+背後引擎...好熱耶 
叮叮叮...正式開始上堂喇...
例牌遊戲一 : 點名+唱歡迎歌+搖動和交換沙搥
點名時阿仔會坐定定等姨姨叫佢個名字出去拎貼紙...過往幾堂我都會帶住阿仔周圍去跟小朋友交換沙搥...但今次我坐定唔郁..睇下阿仔會否自己主動搵小朋友交換沙搥...結果係佢會喎..叻叻 
遊戲二 : 所有小朋友坐在凳子上..要模仿姨姨做指令動作...阿仔前段表現唔係太專心..會東張西望...後段都會嘗試模仿姨姨的動作 
遊戲三 : 派發三隻不同size既spoon "but" 通粉去一個碗度...可能我地係屋企有訓練阿仔用spoon吃東西..所以阿仔呢個練習做得幾好
遊戲四 : 姨姨拎出三個籃分別擺放刀+叉+牙刷...亦派發同一set用具給小朋友..讓佢地分配擺番落果三個籃度...我初時以為呢個遊戲係想教小朋友做配對..但原來姨姨既原意係想教佢地擺放東西時力度...因為現階段既小朋友還未懂得要輕輕擺放物件...所以佢地而家只懂得好大力扔掉東西 
總結今堂阿仔表現都幾好...可能已適應左上堂時既程序...臨走時姨姨還讚阿仔上堂很自律..問我係屋企時佢係咪咁自律添 (一時時啦 )
每玩完一樣遊戲..當姨姨叫收玩具時..阿仔都會自動自覺交回比姨姨...
肯坐定定聽姨姨講解遊戲玩法...
臨完堂前..姨姨跟家長們講解遊戲目的時..阿仔會自己玩唔會痴住我...
唱goodbye歌又肯揮手bye bye...
上完堂又到tea time既時間啦 今日我地去左新港中心果間「吐司工房」...其實之前都想試呢間cafe...不過實在太多人排隊等位...所以就放棄了 
幸好今日排左一陣就有位啦 
我地叫左兩個茶餐 ~ 咖央+牛油吐司+兩隻半生熟蛋和餐蛋通粉...價錢和味道一般...食完我就覺得「牛奶公司」既茶餐會比較飽肚d
訂閱：
文章 (Atom)