私家學習杯

2008/11/28

每次我地拎住紙包飲品時..寶寶都會金晴火眼望住包飲品..好渴望能夠分一杯羹..所以就買了學習杯比阿仔嘗試下吸飲管飲水

記得阿仔第一次嘗試..但發覺吸極都吸唔到..跟住就對學習杯無興趣..當時真係有點心灰..因為要學識吸飲管係要阿仔自己不斷從失敗中嘗試..幸好阿仔都願意再嘗試..雖然偶然都會比水"濁"親..但總算吸下吸下就學識了

BK媽咪聚會@珀麗灣

2008/11/23

今日約左一班BK媽咪係珀麗灣會所gathering...會所裡有間playroom專for小朋友玩 (有波波池, 迷你滑梯, 各式玩具...) 今日由我地班靚太包場  

十個bb圍剿波波池..可想而知波波池有幾大吸引力

今次除左去playroom玩之外..順便去左馬灣公園散步和影相..原打算推著寶寶去公園散步吹吹風...所以就特登帶架bb車而來..點知真係有d後悔..因為公園裡有些地方要行長長既樓梯才可到達..為了向目的地進發..我地放左架bb車係出入口處..其實都有d擔心會比人偷車..因為果度係無保安看管..只係睇見許多family都係咁做先[安心]棄車而行..好彩回程時架bb車仲係度..證明馬灣治安環境幾好

甩繩馬騮周圍爬..

有個瞭望台可以看到青馬大橋..

身後面就係快將開幕的馬灣主題公園-挪亞方舟..

臨走前到沙灘留低腳印..

半日閒

2008/11/21

今日婆婆有重要事情要做..所以我請了半日大假湊仔...難得有半日假期緊係唔好浪費啦中午call左爸爸帶寶寶出黎陪我吃lunch...好耐無吃過壽司喇...一於去光顧下[和花亭]先

咁多選擇唔知揀款壽司好丫

落左單咁耐都未到架

嘩嘩嘩..美味既壽司黎啦..

我既至愛三文魚壽司喔...

爸爸..你快手d啦...我好心急呀...

我都係第一次吃壽司...飯咋...

睇下阿仔吃完個樣幾滿足...

臨近聖誕節...商場都佈置晒聖誕裝飾製造節日氣氛..呵呵..我地又可以帶寶寶周圍去影相啦

上年..我們仨(寶寶在肚裡)係海港城影左呢張相...

今年..我們仨係APM影呢張相...

下年..待續

 

 

寶寶九個月大丫

2008/11/18

寶寶九個月大丫...

雖然寶寶生肖屬鼠..但我和爸爸都唔覺得阿仔似老鼠仔..似馬騮仔多d..因為成日都見佢左攀右爬無時停  但慢慢又會發覺阿仔都有老鼠仔既特徵 ~ 例如唔鍾意我地幫佢抹面抹手腳 ; 每次換片都要走佬..又會哭哭啼啼 所以每次都要搏鬥一輪先換完 ; 幸好沖涼都肯乖乖就範 (婆婆沖多數會乖d..我地沖就好似同佢打交)..如果唔係真係一隻名副其實既dirty mouse喇!!!

成日聽老人家話BB學一樣野快就會學一樣野慢...寶寶學得最快就係坐, 爬和企..而家有時仲可以企到一兩秒添  但當教阿仔身體語言 ~ 鍚鍚, 抱抱, 比比, 拍手掌就完全無反應..有時心情好都會同你揮手say bye-bye..同埋說話方面就明顯比其他BB少發出聲音..唔通阿仔遺傳左爸媽文靜既優點  

每當寶寶長大一個月..媽咪都好想買個蛋糕仔幫阿仔慶祝下奈何媽咪生完你之後記性差左dd  不過當你一歲既時候..媽咪實會記得買個大蛋糕同你賀一賀呢今日咁岩婆婆用餅咭換左一盒西餅回家品嚐..咁就順理成章變成阿仔既cake of a month喇