健康院檢查。甩臍帶

2009/11/30

今日公公婆婆帶豪豪過黎探弟弟
豪豪見到弟弟顯得很踴躍

立即走到床邊摸摸和拍拍弟弟
我睇見豪豪咁生猛既樣子就安心好多了
不過婆婆話豪豪胃口欠佳
咩都唔肯進食...個臉仔都瘦削晒

我和婆婆下午帶弟弟去健康院檢查
量度頭圍..磅重和見醫生check黃疸
弟弟今次磅重只有2.75kg..比出世時輕了0.12kg
醫生話可能因為收水關係..暫時無需太擔心
但就發現有點黃疸..但未算超出標準
所以叫我地明天再返健康院覆診哩

還記得豪豪要一個星期多才甩臍帶
但弟弟今日已經甩左啦
只需四天時間...真係超快
以後洗白白時就唔使再就住條臍帶哩

豪豪抱抱呵呵弟弟


公公婆婆


兩兄弟傾緊密計??


傾得好開心喎...希望你地以後都相親相愛喔^^


Just to say Hi !!

弟弟出院回家了^0^

2009/11/29

多謝各方好友的祝福和關心
我和弟弟今日已經出院回家了 ^0^

當我地回到家安頓後
婆婆就帶豪豪上黎探弟弟
由於豪豪前晚凌晨因感冒菌入腸去左急症睇醫生

今早無論吃藥或食物都全嘔番出黎
搞到成個人都無晒心機

所以第一次見到弟弟都無表現得特別興奮
但收到弟弟份禮物都好鍾意
即刻拆出黎試新車

爸爸代弟弟送份禮物比豪豪


原來係豪豪最鍾意既遙控發聲警車呀


回家後第一次洗白白


洗完白白舒服晒

回家後第一支奶奶


飲飽後偷笑的樣子

第二天

2009/11/28

今日的探訪時間二少都在睡...
直到差不多夠鐘
由爸爸餵左支奶奶
再換埋條屎片
先至係咁意開少少眼仔
去及下你係邊個，哈哈哈！

媽媽話二少好乖丫
最鐘意就係換片時敬茶
同埋送完一次好快又送多次既黃金俾媽媽
而家黃金咁貴，媽媽好開心丫
大少果時都無送咁多禮俾媽媽 XDDD

媽媽可能明天便可以回家了
等明早醫生巡房簽紙就可以啦

昨晚影唔切，公司送左既花藍丫 @v@


呵~~~~


大叔


二叔



探訪時間已過，二少要繼續搵周公 ^v^

一齊去廣華探媽媽 & 弟弟

2009/11/27

探訪時間為每日晚上六時至八時
以前中午還有一個探訪時間
可以多見一面
但現在只有夜晚才可以探訪
而且一定要有口罩
每次限兩人

今天還收到媽媽公司送來的花藍
好靚，但送到黎既時候岩岩完左探訪時間
所以影唔到相...

因為我地要出去探媽媽 & 二少
雖然大少唔可以入去
但都要一齊出黎
大少今日好扭計，唔多肯開聲
不過一見到媽媽
都肯開金口叫媽媽
不枉媽媽忍住辛苦
都要行出黎抱抱大少爺！


大少午睡中



婆婆


眼仔碌碌


媽媽抱住二少


姨媽


如果大少都可以入黎就好啦


爺爺 & 奶奶


姨媽


二少開餐

我們的弟弟出世了！

2009/11/27

我們的弟弟出世啦！



二零零九年十一月二十七日(十月十一)零晨五時三十六分
弟弟在廣華醫院出世了

沒想過原來要快真係好快既
昨晚媽媽還在房內煲劇
十二點大房熄燈先肯睡覺
那時還沒有多少跡象
兩點幾讓外面的聲音吵醒
並開始間唔中有些陣痛
四點開始有規律好密陣痛
零晨約五點見紅
可能因為有經驗
五時二十分才入產房
五點三十六分就出世啦
重2.87 kg

老婆辛苦你啦
我地個個都會錫晒你 >8<

真的要催生嗎？

2009/11/26

感謝各位的祝福、留言
雖然這幾天都是由爸爸代筆
但媽媽也會可以看到 blog ，看到你們留言
多謝你們！ ^v^

今天一早就要起身駁機幫BB檢查
檢查完後先落藥加速子宮成熟
明天會看情況是再落藥或是開始催生
如果再落藥便會後天催生了
如果都唔成功，就可能要開刀
細B你要乖乖地聽話，唔可以曳曳
我地好想抱抱你，親親你丫！

因為就黎生，唔止有西瓜汁飲，仲有好多野食
產前多數住九樓南翼，希望產後可以去東翼那邊的新房


細B 細B，你幾時出黎丫？


豪豪這幾天好鐘意揹著這個 POOH頭背包(多謝蠶媽 ^v^)


踩單車都要揹住


爸爸這幾天都在媽媽身邊打點，在旺角徘徊，結果就出事啦
大出血，買左好多野，呢盒曲奇都係買飯時順路的收獲


豪豪這幾天都好鐘意呢張舊床褥
手上仲有婆婆新買的緊急車輛
今日又唔願訓，成十二點先訓，曳曳丫！

細B預產期

2009/11/25

今天是細B的預產期
我們要回到廣華檢查
原本以為很平常的逾期居留
怎料因為醫生以手量度估量認為BB比較細粒
所以要入院作進一步檢查
可能需要提早催生
而且媽媽的體重也沒有長進
仍是 56kg左右

基本上檢查過程都非常順利
照聲波估計細B 也有6磅幾近7磅
比較兩年前豪豪出世時還要重
但媽媽就好似比當時輕左
醫生判斷胎水比較少
暫時要繼續留院
可能明天便要催生了！

我們還以為仲有個幾星期慢慢準備
怎料細B可能明天便會出世了
期待著細B的來臨
我們都想要抱抱、親親細B


豪豪同表姊好鐘意玩張舊床褥

巧遇友好

2009/11/24

因為25號是預產期，又要去廣華檢查，所以爸爸這幾天都請假，好作準備！
看到雜誌介紹德福有好多聖誕 bear 的布置
我地一於去踩場啦！
因為豪豪需要午睡的關係
等到四點幾先可以開始影相丫


唔該，我地想要張車飛去 bear bear 國丫



bear bear 好有型，火車都好靚丫



火車有餐卡？我地去左宜家俾豪豪黎個下午茶，叉下電先
要左個批+兒童餐，兒童餐有幾粒牛丸、薯片仲有果汁同雪榚


Qoo 既提子汁好唔好飲？等豪豪話俾你知啦！


我投降啦...


點解突然咁古古惑惑？


咪就係因為有雪榚羅！


在宜家的兒童天地巧遇媽媽讀書時的朋友
豪豪出世前，我們也曾在廣華相遇
Matthew和豪豪同一個月出世
但說話能力就已經好好啦
唔止鐘意跟人講野
仲識得講句子，鐘意同人傾計！
好叻仔

咁岩我地今日都無咩做
所以就同豪豪去打搞人地屋企
也好讓小朋友可以一齊玩
互相認識下
好開心咁玩左一晚
倒亂晒人地既玩具丫 XDDD

就到聖誕、就到聖誕@海港城

2009/11/21

襯住星期六爸爸放假
我地去左海運影燈飾
遲下生左唔知幾時先可以出門口啦

豪豪今日只係坐車時小睡一會
下午在玩具反斗城玩左好耐
夜晚在禾花亭飯都未食完就扭眼訓
要我地抱抱覺覺豬啦
無辦法，玩左成日又真係好累既...

今年的燈飾好似無乜動感，以紫藍為主調
好似有些動感項目未開動...



同媽媽一齊排排座



豪豪企定定俾人影


好鐘意後面好多波波光點背景


今期海港城的主角花仙子，好多人排隊影



樓梯上面都好多人影相


海港城內都有好多聖誕佈置


同聖誕燈飾一齊拍的家庭合照