串燒三兄弟

2009/09/26

之前約左N咁多次...串燒三兄弟終於能夠聚首一堂了...

今日我約埋兩位好姊妹去九龍城廣場某酒樓飲下午茶...各人都帶住自己既寶貝出席...大家玩下傾下又渡過一個愉快既週末哩...

如果想同各位大小Baby一齊影張合照真係幾高難度架...爸爸影左N咁多張同一畫面既相片...呢張算係最齊人望鏡頭了...

Baby Timothy, 豪豪 & Baby Max ~ 豪豪做大哥哥呀... 

Baby Max 既表姊嵐嵐都有一齊黎飲杯茶食個包...

可能嵐嵐和豪豪年紀比較接近...所以都幾岩玩...阿仔熱身完後就痴住嵐嵐係酒樓度追追逐逐...玩得很開心哩...

我地坐到人地酒樓員工落場休息先至肯離開...兩位小朋友都有點依依不捨哩...來個goodbye kiss...下次再約出黎一齊玩過啦... 

因為是晚有親戚在百樂門酒家擺喜宴...所以我們仨飲完下午茶就搭車去MegaBox join埋婆婆和姨媽一家...估唔到係商場比我地撞到姚明哩...

豪豪幾時會有佢咁高呢??

百樂門個宴會廳真係幾靚...

新人仲可以坐住呢架花車進場添...

豪豪做司機駕駛花車進場...

而家豪豪勁鍾意用飲管玩吹波波...都唔知邊個教佢既??

媽咪鬧緊你仲笑笑笑...有時對住你隻百厭豬都唔知好嬲定好笑呀....

 

睇圖書。食雪糕

2009/09/22

豪豪都幾鍾意睇我地上次係深圳書城買番黎果兩本關於認識動物和日常用品既大書...

每次我地放工回家話同佢睇書...佢都會拎出黎一齊睇一齊認圖畫...

而家問佢邊隻動物/日常用品...佢有些都識得「指」比我地知..

有時佢仲識發出單字音添...已經係一個學講野既好開始哩..

真的不枉我地咁重都由深圳托番黎...

阿仔就鍾意揭d大本既書...反而細書就少揭d...



相信每位小朋友都鍾意食雪糕...

雪糕既魔力對阿仔黎講都有幾大吸引力架...

有時我地話帶佢出街...佢都會say no...

但如果同佢講話出去買雪糕...佢就會跟我地出街架啦...


表姊...食雪糕要分享架...



我又分一杯羹先...



人地就電視汁送飯...呢兩表姊弟就雪糕送電視...

西環的球場上

2009/09/19

今日爸爸公司既球隊係西環球場有波聚...去球場玩緊係要著番件波衫配襯下啦

話時話...豪豪已經有三套波衫...爸爸好似買上癮咁越買越多...連細b未出世都已買定一套波衫夾衣啦 (話要同豪豪兄弟裝喎 )...雖則網上訂購抵過係HK買...但都唔洗買咁多套架...要想辦法幫爸爸戒除毒癮先得啦

豪豪去到球場就訓醒...面對陌生環境要warm up下先...坐定定食餅餅...

阿仔warm up完就走到球場痴住爸爸

爸爸唔好掛住影波友仔...不如影下我啦

爸爸開始薰陶阿仔玩相機

豪豪19個月大丫

2009/09/18

豪豪今日又19個月大喇...過左歲半之後...時間好似過得咁快既....

其實阿仔各方面都發展得幾理想...但講野發音方面始終差點...都仲係講緊一大堆BB話...仲係靠手指指向我地表達佢想要什麼...有時問佢問題想佢開口回答...又試過用食物利誘...都硬係掘唔開金口...實在令我地有點兒苦惱...

雖則你只得19個月大仲係細個...

雖則男仔比女仔遲講野係正常...

雖則你遲早都會識講野...

但...要等到幾時...你先會變成開籠雀講不停呢...

爸爸媽媽每日都期待著你的「煩」音降臨...

用平常心吧...順其自然吧...

貪玩的仔仔...

到健康院補打針

2009/09/17

話說上次返健康院做歲半評估和打針...因為豪豪睇左醫生要食藥...所以最終無打到呢支針 (白喉、破傷風、無細胞型百日咳及滅活小兒麻痺混合疫苗-加強劑)...隔左兩星期...今日再由婆婆帶阿仔返去補打針...

阿仔每次打針都總會叫喊一聲就無事...婆婆話阿仔今次連叫喊一聲都無呀...真係叻仔...唔通打手脾會無咁痛既...哈哈...不過今次打完呢支針有出現輕微發燒...好彩食左一次退燒藥都無事了...

大少爺在嘆餅餅

 

香港濕地公園

2009/09/13

其實一直都想帶豪豪去香港濕地公園行下親親大自然...不過只得個想字就無實行  一來天氣炎熱...二來天水圍對我地黎講又太遠喇...

今日終於的起心肝付諸行動...全因為爸爸下午要入元朗幫姨媽整部電腦...所以早上我們仨就順便入去公園行一趟哩

阿仔見到個水池瀑布好興奮哩

如果要行晒成個濕地公園...我諗要行幾個鐘...如果秋冬天都可以考慮下...但夏天行一個鐘都已想

阿仔變左大陸同志

行左一陣已經成身臭汗...好彩隔個位置會有些室內展覽廳比遊客過冷河...雖然只得幾把風扇仔都好過無啦  呢個廳就有些義工人仕教小朋友摺鱷魚仔...

爸爸叫阿仔企係個牌前面影相...出奇地合作喎

家庭裝

「小心有野獸出沒」等我捉住隻小怪獸先

觀鳥臺...但我地乜鳥都見唔到

阿仔今日好乖自己行左好耐都無扭抱  不過臨行到尾聲可能累就開始扭了...點引極佢都唔肯再行...爸爸唯有投降  抱抱啦

行完戶外就行室內展覽區...有冷氣「正」 舒服晒...

我地係「貝貝居所」發現唔到貝貝蹤影...唯有去探訪下其他同類啦

雖然我地係公園只係行左兩個幾鐘...但阿仔已經累到  訓係換片床上任我地魚肉