我們的寶寶: 2010

2010年9月30日星期四

2010年9月26日星期日

2010年8月23日星期一

哥哥N1@正式返全日

2010/08/23

由今日開始哥哥就正式返全日了, 每天我帶佢返學, 婆婆接佢放學。其實返左學已三個星期, 睇得出哥哥都算返得開心丫, 但點解哥哥每朝都會叫喊著「我要去婆婆度, 我唔返學丫...」哥哥, 你幾時先會開心咁同我講「我要返學丫...」

2010年8月22日星期日

哥哥第一次入戲院

2010/08/22

今日終於有時間take action帶哥哥去看反斗3早場啦!! 雖然哥哥只有前半部份比較集中,後半部份要用食物吸引坐定定,但整體還算成功, 而且電影也好看, 我地看也不覺得沉悶, 問哥哥喜歡那個角色, 巴斯、胡迪都落空了, 最喜歡竟是那個嬰兒公仔...那可能是因為親切感吧, 家裏都有個曾是表姐的嬰兒公仔也是殘殘舊舊的, 哥哥好喜歡, 而且經常抱著周屋走呢...

2010年8月18日星期三

哥哥兩歲半大丫

2010/08/18

今日哥哥兩歲半大啦...

之前睇雜誌介紹過cup-cake...賣相好似幾好味...趁住哥哥兩歲半生日...放工特意出旺角買些cup-cake返屋企品嚐一下哩...

呢盒乜東東黎架??

賣相精美...但味道就一般囉...

弟弟睇見都流晒口水呀...

哥哥揀左曲奇味既cup-cake

嗯...好好味呀...

仲食到成口都係cream添...

頑皮既弟弟最鍾意搞舅父部音響器材...

唔鍾意玩玩意..鍾意玩垃圾...

都鍾意係床度扶住行黎行去...

2010年8月16日星期一

哥哥N1@第三階段

2010/08/16

今朝哥哥由屋企至到達學校門口都一直在扭叫「唔返學丫, 唔返學丫, 要去婆婆度丫...」結果又係扭叫住入課室, 不過好快就聽唔到d扭叫聲, 可能見到老師和同學仔就無事了。今日哥哥終於肯在課室裡訓午覺, 不過就指定要林老師暗佢訓, 其他老師都話唔要丫, 吹脹 @_@

2010/08/17

今朝哥哥一訓醒就已經話「唔返學丫...要去婆婆度丫...」(阿仔點解會咁架??返學好可怕嗎??) 當爸爸帶佢去M記食早餐時, 佢已經忘記左呢件事了(M記魔力真大喔!!) 行到學校門口入校園時, 哥哥竟然無喊喎, 不過入到去就企左係度唔肯自己換鞋要老師幫手換(真大少爺喔!!) ...今日真係要比哥哥一個叻字, 無喊過, 自己食飯, 肯換片, 肯訓午覺, 如果每日都係咁爸媽就老懷安慰囉...哈哈哈!!

2010/08/20

連續三日, 哥哥除左返學前扭計話唔返學外, 係學校都肯聽老師說話, 表現唔錯, 老師仲話你有好多野講添 ^0^

2010年8月9日星期一

哥哥N1@第二階段

2010/08/09

今日哥哥要開始返半日學, 係學校食埋lunch先放學。今朝爸爸帶哥哥去到校門, 由嬸嬸拖住帶入校園換鞋, 當哥哥唔見爸爸跟尾後就爆喊啦, 仲喊得好凄涼添, 雖然我無陪同, 但聽到爸爸轉述番, 我都覺得好心痛, 我相信如果我當時係現場實會一齊喊哩。就快十二點放學啦, 唔知哥哥呢半日情況如何呢??

爸爸聽老師講番, 哥哥除左爸爸離開時和換片時爆喊之外, 其餘時間都很乖, 肯與同學仔一齊玩, 又肯答老師問題, 不過食飯時就要人餵囉...我聽完之後真係抹一把汗, 因為好怕哥哥喊到收唔到聲哩, 哥哥今日既表現都算叻仔, 我都滿意, 希望越黎越好, 我都唔使咁擔心啦^^

2010/08/10

哥哥今日返學除左兩喊之外(爸爸離開時和換片時), 其餘時間都ok, 食飯已肯自己食。當哥哥見到爸爸和弟弟黎接佢放學時, 雙眼濕濕, 水汪汪, 睇見都心痛...真係傻豬豬>8<

2010/08/12

連續兩日, 哥哥都少左一喊, 就係換片喊, 已經肯比老師和嬸嬸幫佢換片啦!! 唔知幾時可以進步到連返學都唔喊, 哥哥每朝都開心地走入校園和我地say byebye呢?? 期待ing....

2010/08/13

今日開始哥哥食飽午飯後要留係校園午睡, 面對張陌生床訓唔著, 扭住要搵爸爸....

2010年8月8日星期日

「夏」水禮

2010/08/08

今日帶左兩兄弟去朋友屋苑的會所泳池玩水...總共有五個小朋友一齊玩...好熱鬧呀!! 今次係弟弟第一次去泳池玩水...落到水一d都唔驚...仲玩到哈哈大笑添...真係越細個仔就越唔識驚...而哥哥可能有弟弟相陪都玩得特別開心哩...「夏」水禮好成功...下次再去玩過...

玩完水後就上左朋友家休息一會...七點就拉大隊落街食晚飯...行去酒樓途中...我地隨口叫「不如嵐嵐拖住哥哥隻手丫」哥哥竟然無縮手肯比人拖...仲一直拖到去酒樓添...實屬難得喔!!

2010年8月7日星期六

弟弟第一隻牙仔出世啦

2010/08/07

弟弟第一隻牙仔出世啦...口水流過不停...最鍾意咬婆婆呢...

2010年8月3日星期二

哥哥N1@第一階段

2010/08/03

我公司因為唔方便請假...所以呢個星期都係由爸爸陪哥哥返學上堂...撞岩爸爸返夜班...佢放工返屋企訓三粒鐘就要起床陪哥哥返學上堂...待哥哥放學後就帶返婆婆屋企照顧...自己就返屋企再訓過...訓到下午就返工囉!! 爸爸...呢個星期辛苦你啦 ...

每日爸爸接完哥哥放學後都會打電話向我匯報哥哥返學上堂既情況...免我掛心哩...

今日哥哥開頭又係痴實爸爸...之後與老師同學仔一齊玩彩虹傘先好番d...

2010/08/04

每日上堂前老師都會同小朋友們熱下身...唱歌仔跳跳舞...但哥哥唔係太鐘意...唔肯出去跳...之後玩得最開心係與同學仔互推健身球...跟住和爸爸做勞作...用章糊貼圖案去畫紙...

2010/08/05

今日哥哥既表現無o甘樹熊...肯自己係校門前換白鞋入課室...又肯聽老師指令做野...有進步喔...

2010/08/06

由今日開始爸爸無得陪伴...哥哥要學習自己上堂啦!! 未到校門前已經同哥哥講過做定心理準備...哥哥入課室前要換鞋...換完鞋爸爸話要走時...哥哥就拉住爸爸隻手唔放...入到課室後...老師話可以玩車...爸爸帶哥哥去坐車後就偷偷溜走...爸爸一小時後回到學校接放學就見到哥哥係度喊...老師同爸爸講番當佢走左後...哥哥都繼續玩車玩波...但夠鐘要泊車時哥哥就開始喊喇...老師見佢條尿片濕想同佢換...佢就話要爸爸換...食水果時又唔肯食(因為今日係食蘋果)...老師話哥哥今日既表現都尚算OK...而且仲好驚訝爸爸走時哥哥竟然無喊添...呵呵...哥哥有車玩爸爸係邊都唔記得啦...試下如果無車玩時仲唔一早爆喊咩...哈哈哈!!!