坐低...起身...

2008/06/30

寶寶對腳仔很有力
我地扶住佢已經企得幾穩陣
有時我地想佢坐係床度
佢就用力撐起身站立
原來寶寶鍾意站立多過坐低
可能站立可以企高d望清楚d野
寶寶真係八卦豬黎架...
不過我就想佢學會坐穩先再學站立
哈哈..寶寶咁快就想學人偷步
應該按部就班先岩麻 ^_^

寶寶 : [媽咪,我係咪企得好穩陣呢 ^0^]


寶寶 : [唔制呀...我要站起來!]

寶寶學會坐了

2008/06/29

寶寶每次反轉身之後
就會舉高屁股仔腳撐撐
好似想學人爬行
但就尚欠對手仔未識點去運用
姨媽叫我地多D示範爬行比寶寶睇
咁寶寶慢慢就會學識呢
寶寶除了懂得反轉身外
而家仲學識自己坐係度維持幾秒
雖然只係幾秒鐘
同埋條腰係半彎型
但對於四個半月人仔來說已經好叻仔啦 >8<

今天大叔生日
所以一家人出來吃飯慶祝
爺爺奶奶可以見下個寶貝孫仔
大叔二叔又可以玩下個侄仔
每個人對寶寶都愛不惜手
不過記住千其唔好寵壞寶寶啊

寶寶學會坐了


爺爺與寶寶


奶奶與寶寶


寶寶吃飽奶扭計, 二叔負責掃風, 大叔負責用手機吸引寶寶注意力

接種肺炎鏈球菌疫苗第二針

2008/06/28

今天又係打針的日子
寶寶大脾仔又要受苦了
今次我和婆婆帶寶寶到診所
接種肺炎鏈球菌疫苗第二針
因為我忘記帶打針咭
所以要回家走一趟
我回程的時候寶寶已經打完針了
聽婆婆說寶寶都只係喊叫了一聲
看見寶寶眼仔碌碌都應該無事呢

每逢我地吃飯的時候
寶寶都會望住我地咀郁郁
所以今晚切了一片蘋果比寶寶"梅"下
初頭寶寶對蘋果都有點抗拒
但慢慢就越"梅"越起勁
好似想吞埋落肚添 ^0^
因為健康院姑娘話要最好六個月大先可進食固體食物
所以要待寶寶大一點
我地先會整固體食物比寶寶咀嚼
希望到時寶寶會鍾意吃啦

很喜歡看見寶寶笑


寶寶第一次"梅"蘋果


"梅"蘋果實錄

親子

2008/06/27

自從整理好新屋後
每逢星期五晚我們都會帶寶寶回家
讓我們可以親親寶寶
因為寶寶開始認人了
所以我們真想多點時間與寶寶相處
陪著寶寶傾計,玩耍,訓覺...
記得以前星期六和日是我們訓覺的黃金期
訓到日上三竿才起床吃午餐
但而家再沒有這支歌仔唱了
寶寶起床就是我們起床的時間
雖然初頭未習慣時很辛苦
但而家總算適應左了
幸好有爸爸與我一起照顧寶寶
唔使我一個人獨力照顧
如果唔係實很疲累呢
不過講到最辛苦都係婆婆
婆婆星期一至五都要隨時候命寶寶的吩咐
寶寶, 記得將來要孝順婆婆呀 ^_^

今天晚上我和爸爸去永安購物
當然主要都是睇寶寶的用品啦
買左張遊戲墊訓練寶寶手腳活動
又買左個牙膠比寶寶牙癢時咬下
所以今次寶寶收獲都幾豐富
至於我和爸爸就荷包大出血 ^0^

寶寶對新玩具覺得很好奇


躺在遊戲墊上


對著鏡頭發出響亮的笑聲


除了趴係度玩,仲可以企係度玩


龜龜形牙膠

攬枕既用處

2008/06/26

自從寶寶學識反轉身之後
無論在床上玩耍或是訓覺
都好似反上癮無時停
有時將寶寶打側身訓覺
訓訓下都可以成個人反左趴係床上
我地怕寶寶咁樣會呼吸困難
所以搵左個好幫手-攬枕
一來有野攬住寶寶好似會有d安全感
訓覺都訓得lum d 耐d 啦
二來就唔使怕寶寶訓訓下趴左係度
終於發現個攬枕既用處啦

牛牛的前面


牛牛的背面

周紳士??

2008/06/25

周紳士??
寶寶明明姓陸, 點解會轉姓周??
話說今早颱風-風神殺到香港
天文台縣掛八號風球
我和爸爸難得有半日假期
當然繼續搵周公啦
點知小表姐晨早打電話來報告
寶寶柯左便便弄到周身屎(周紳士)
姨媽用了半盒濕紙巾幫寶寶清潔
輪到婆婆幫寶寶洗白白除片片時
寶寶又敬茶比婆婆
唉…寶寶點解今早咁曳曳呀
送完大禮比姨媽又送小禮比婆婆
聽完小表姐報告完後
我和爸爸都繼續搵周公
因為我地都無能為力啊 ^_^
晚上我和姨媽賽後檢討就認為...
可能寶寶柯左便便無人知
近排又鍾意舉起雙腳玩腳仔
所以就攪成咁樣啦
鬼叫寶寶平時柯左便便都唔會喊叫咩
寶寶真係臭豬豬...哈哈哈

寶寶很喜歡玩一飛沖天


公公和寶寶


寶寶 : [好肚餓...我要吃兩隻雞脾丫!]


希望寶寶成日都開心笑


扭計樣

寶寶到健康院打第三支針

2008/06/23

今天我請了半天假陪寶寶與婆婆去母嬰健康院接種四合一疫苗
白喉、破傷風、無細胞型百日咳及滅活小兒麻痺混合疫苗-第二次
今次除了打針外還幫寶寶測試對物件反應
首先姑娘拿著玩具在寶寶面前左右移動
測試寶寶眼睛會否跟著物件移動
跟著叫寶寶拿起姑娘手上的玩具
測試寶寶手仔有沒有力和識唔識拿東西
姑娘話寶寶測試全部合格
不過就比較心散唔專心
因為寶寶望望下就唔跟住物件望
哈哈...我心諗寶寶飲奶都唔專心啦
今次寶寶食住雞脾仔打針
怕打針的我都唔敢望住
聽到寶寶喊叫了一聲就繼續食雞脾仔了
寶寶真係叻叻仔丫
不過下次六個月就要一次過打兩支針呀
希望到時都只係喊叫兩聲啦 ^0^

兩個月大寶寶就重5.06kg,頭圍39cm,身長57cm
今個月就重6.54kg,頭圍41.7cm,身長無度
約14磅,即兩個月增加了3磅丫
姑娘話寶寶的發育情況都好正常
我真係好開心好安慰
今天在等候期間看見一位BB囡
她已經六個月大了
但體重就只有14磅左右
即係同寶寶一樣重 @_@
她爸媽話囡囡唔肯飲奶
所以身型就比較瘦削無兩肉
因為寶寶之前有點厭奶和腸胃有點不適
而家都係飲緊180ml以下的奶量
以四個月大的正常奶量應該增加到200ml架
所以寶寶記得乖乖地飲多些奶呀
如果唔係就會好似姐姐咁架啦

寶寶抱住虎虎訓覺豬


寶寶訓醒玩下虎虎先

南蓮園池

2008/06/22

今天陽光普照天朗氣清
這天氣最適合去拍拍家庭照
當然怕熱怕曬的我們
要等待太陽伯伯差不多下山才出動啦
今天的目的地是南蓮園池
約爺爺奶奶五點鐘在荷里活廣場集合出發
雖然那裡風景優美
但也有我最討厭的蚊子
爸爸和爺爺奶奶都沒中招
只有我一個人中左幾粒
難道與血型有關係??
幸好也沒有咬親我個寶貝仔
如果唔係心痛C我啦!!!
由於明天是爺爺的生日
所以今晚一家人提早吃飯慶祝
祝爺爺生日快樂, 身體健康!!!

我是奸仔豪 >p<


爺爺奶奶與寶寶


衝上雲霄


一家三口


父子裝再度登場

遊樂場

2008/06/21

今天我們帶了寶寶去旺角新世紀廣場逛街
而家逛街的心態己改變了
主要是睇寶寶的用品,衫仔...
自己的用品反而少睇了
新世紀有間主要賣嬰兒用品的荷花中心
那裡有很多BB學行車和各種玩具
寶寶而家對新事物很有好奇心
爸爸帶住寶寶周圍玩周圍試坐
所以玩得非常開心呢
可能下個月再帶寶寶去玩下
哈哈...好似當了那裡是遊樂場呢 ^0^

寶寶 : [媽咪, 我好口渴丫!!]


玩具發出怪叫聲已令寶寶很開心了


寶寶很喜歡這架學行車呢


全自動...反身

爸爸唔易做

2008/06/19

在許多孩子心目中
母親的角色是阿四
父親的角色是玩伴
但寶寶的爸爸是身兼兩職
除了是玩伴也是阿四 ^0^
每當寶寶辦完大小事
爸爸也要收拾清潔
每當寶寶扭計要訓覺
爸爸也要抱抱'暗'睡
每當寶寶默不作聲時
爸爸也要逗他開心
有時寶寶還被爸爸逗到嘻哈大笑呢
其實爸爸還擔當第二個角色
便是一名專業的陪訓專員
每當大家吃飽晚飯
而寶寶要訓覺的時候
陪訓專員便會出動
訓在寶寶身旁守護著
其實爸爸真的唔易做啊
不過我相信爸爸也樂在其中 >8<

心肝寶貝


陪訓專員又出動


傻爸爸與傻寶寶


寶寶表演一邊吃雞脾一邊反身

寶寶四個月大丫

2008/06/18

時光飛逝...
轉眼間寶寶四個月大了


今天我和爸爸放工返回婆婆家吃飯
聽見婆婆話寶寶學識反轉身了
每次放低寶寶在大床上
寶寶都不其然地反轉身
難道所有BB學識反身後真的會反上癮??
而家婆婆話要看牛仔咁看顧寶寶
還要寸步不離添 ^_^
今天剛好是寶寶四個月大
知道寶寶識反轉身真是很開心
反轉身是每一個BB成長過程的必經階段
証明了寶寶又向前邁進了一步
下一個階段就是要學坐學爬
很期待這一天的來臨

寶寶反轉身後識抬高頭望著鏡頭喎


純真的笑容


寶寶學識反轉身啦

墨綠色便便

2008/06/17

昨天寶寶飲完開奶茶之後
果然今天便便幾順暢
總共柯左三次便便
但便便的顏色係墨綠色
婆婆話寶寶係濕熱喎...
希望柯清晒d濕熱便便就回復正常啦 ^0^

話說每逢吃飯期間
如果寶寶還未訓覺覺
我地就會放寶寶係張震震椅度坐
讓佢睇電視就唔會阻礙我地吃飯
但張椅就快唔岩寶寶坐了...
隨著寶寶個屁股仔越黎越大
份量又越黎越重
一對腳仔又不停係度撐撐下
快要成個人sir滑梯sir左落地下
而爸爸避免你屁股開花
唯有同你綁好安全帶啦
寶寶...乖乖地忍耐下
我地吃飽飯就會同你鬆綁啦 >8<

寶寶 : [爸爸, 點解要綁住我丫??]
爸爸 : [因為你百厭玩sir滑梯就快sir左落地下丫!!]


寶寶扁咀後好快再回復笑容


寶寶有個雙下巴丫

開奶茶

2008/06/16

今天婆婆煲了開奶茶沖奶比寶寶飲
一日內飲左兩次
因為開奶茶都有少少通便既作用
唔知道寶寶明天會唔會柯多幾次便便呢??
因為初次遇到這個問題
所以我上網都問過其他媽咪既意見
佢地話會唔會係吽緊牙仔呢??
寶寶只係四個月人仔
咁快就吽牙仔...唔係掛??
聽人講好似要五六個月先吽架喎...
如果真係吽牙仔我反而無咁擔心丫
最多買個牙膠比寶寶咬下
起碼知道唔係生病麻...
不過我就有個網友媽咪
佢個囡囡四個幾月就出左隻牙仔啦
所以又有機會似係吽緊牙仔喎
究竟呢個疑團幾時先會解開呢???

開奶茶功效是清熱、健脾、消滯、解奶積、通便、利尿、安神定驚

寶寶抬起頭比之前高了不少


寶寶有很多熊熊朋友


面包頭寶寶...好想咬你一口丫 ^0^

今天是父親節

2008/06/15

第一個父親節
雖然還沒有那麼快可以聽到一聲爸爸
但可以抱著寶寶過父親節
便已經很滿足了
感謝寶寶媽安排準備的蛋榚

寶寶今天也有三次便便
如果情況還沒有改善
那便可能要去看醫生了...

感謝好朋友Pinky homemade這美味的藍苺芝士蛋榚送給我們
寶寶 : [爸爸, 我又想吃啊!!!]


寶寶第一次穿上小鞋子

寶寶生病了??

2008/06/14

平時寶寶會隔日或是每天都有一次便便
但今天寶寶的腸胃好像有點不舒服
總共柯了三次便便
如果寶寶是生病的話
應該會非常扭計和哭鬧著
但看到寶寶的情緒跟平時一樣
只是腸胃出現些問題
婆婆話可能寶寶食滯了
試下買些開奶茶沖奶給寶寶飲
希望真的只是食滯左
寶寶千萬不要生病
我和爸爸都很擔心你啊!!!

寶寶在練習控制雙手

爸爸的第一次

2008/06/13

今天放假照顧寶寶
不過寶寶不太聽話
有時不停哭鬧
有兩大法寶，對寶寶非常有效
一是飲奶奶
二是去街街

上午哭的時候便提早沖奶給寶寶
其實也只是提早半小時左右
絕對是靈丹妙藥，藥到病除
中午拿著雨傘跟寶寶一起
坐巴士去和寶寶媽與同事上酒樓
當到達酒樓的時候
寶寶臉露肉緊的神情
一看便知道在辦大事
有大禮要送給寶寶媽丫
除了和寶寶午飯，還讓寶寶媽可以執金金 @_@
下午回去讓婆婆替寶寶洗白白
晚上便跟爺爺奶奶晚飯慶祝父親節
一天的假期雖然沒有休息
不過可以和寶寶親子已經很好了
如果寶寶媽也一起放假，一定會更加滿足 ^_^

寶寶開始學習控制雙手，讓寶寶多拿一些玩具


厭奶的表現，正在用舌頭頂著奶樽


寶寶媽最近的出鏡率偏低

父親節

2008/06/12

六月第三個星期日是父親節
今晚先與婆婆一家人到富臨吃飯
明晚再與奶奶一家人慶祝
原先寶寶去到酒樓係周圍張望
但熟習環境後就開始係檯面掃場了
當時寶寶越掃越興奮
掃掃下就扭計眼訓了
由於爸爸明天放假
所以今晚我們帶了寶寶回家照顧
明天爸爸就要獨力照顧寶寶
唔知攪唔攪得掂隻扭計星呢 ^_^

寶寶在酒樓搗蛋

端午節翌日

2008/06/09

之前聽婆婆講過寶寶每朝起身都會發出一些聲音
這樣婆婆就會知道寶寶已經醒來了
今早七點半我都聽到這些聲音
我起身看一看他好像半夢半醒般
我就馬上去準備沖奶給寶寶飲
寶寶被我叫醒都沒有扭計
還弄出很可愛的樣子呢 >8<
寶寶飲完奶後就跟他玩耍和看電視
沒多久他就扭計要睡覺了
這樣重覆地飲奶, 玩耍, 扭計, 睡覺…
時間不知不覺又過了一天
雖然這兩天要忙著照顧寶寶
弄到我和爸爸都沒有充足的睡眠
但只要看見寶寶對著我們笑
就算覺得幾眼訓都是值得^_^

撒嬌的樣子


牛牛趴在床上


寶寶 : 爸爸, 你又偷拍我的睡姿


寶寶 : 哎呀, 比你發現我玩奶罐添

端午節

2008/06/08

昨晚寶寶第一次睡在我們家裏的BB床
在床上望著寶寶睡覺的樣子
令我回想起在醫院時的小寶寶
不經不覺己長大了不少...
我和爸爸每次聽到寶寶發出一些聲音
都會不其然地起身望一望正在熟睡的寶寶
恐怕寶寶在陌生的地方會睡不安寧, 睡不安穩
就這樣不斷地重覆起身,睡覺...直至今朝七點半

今天是農曆五月初五-端午節
爸爸早上去了沙田影龍舟比賽
下午我們就帶寶寶去吉之島逛街
寶寶躺在寬敞的私家車裡
吸引了不少途人的目光
今天寶寶心情特別好
時常發出尖亮的聲音
晚上我們就去了爺爺奶奶家做節
這樣一天的假日就結束了



牛牛坐巴士


最近... 天氣太熱了...
牛牛 + 背心三人組

姨媽


奶奶


爺爺


寶寶今天在吉之島不停地咦咦哎哎