黑仔記

呢兩日都好黑仔, 琴日返工落大雨,
我唔小心滑倒, 隻腳先落地, 趴左係地下呀,
好彩唔係pat pat落地咋, 如果唔係"鄧"親BB就大件事,
可能我唔似大肚婆, 都無人幫手扶我起身, 好悽涼 !!!

今日就為左唔想遲到, 就諗住行快幾步上樓梯(公司係一樓),
點知拉一拉, 就拉親條大脾筋, 痛到我入心入肺,
點知最後都係遲到一分鐘, 真係唔底呀 !!!

不過最重要係無"鄧"親我既心肝寶貝啊!!!
媽咪下次會小心d架啦!!! 鍚晒你!!!