幼潛@第3堂

2009/06/07

開始上堂的頭五至十分鐘係小朋友既熱身時間...豪豪已經自動波行去玩具箱拎玩具玩...

「時間又到差唔多...叮叮叮叮噹...」又係時候要執玩具返回玩具箱入面喇...今次差不多所有小朋友都很合作呢...

正式上堂 ~

例牌遊戲一 : 每位小朋友派發一個沙搥...一邊唱歌一邊搖動沙搥...左右手各一次...之後要跟隔離小朋友交換沙搥...阿仔今堂好合作...叫佢不斷與同學仔和姨姨交換沙搥都無問題...

遊戲二 : 要家長拖著小朋友的手...引領佢地行前~行後~握手~舉高手轉圈...呢個遊戲阿仔完全唔肯合作...一時係課室周圍走周圍按制..一時就獨個兒挨係牆壁罰企...哈哈

遊戲三 : 每位小朋友派一個筆袋...袋裡有個發聲小動物做吸引物...主要係想訓練小朋友用手指開關拉鍊..阿仔都算做得唔錯...手指都幾有力...

遊戲四 : 用一包餅餅吸引小朋友舉高雙腳和舉高隻手去拿取...訓練小朋友既頸力和平衡力...阿仔咁為食完全無難度...

放學後...我地就帶左阿仔去九龍公園睇不同種類既雀鳥...

公園裡有個兒童遊樂場都幾大架...不過如果無做足防蚊措施就千萬唔好去逗留...因為果度有太多蚊滋實在非常可怕...我地玩左一陣就雞咁腳離開現場...

玩左一陣都成身汗...於是我地就走左入九龍公園泳池既觀眾席抖涼...阿仔就嘆佢至愛既維他奶...跟住就起程回家去了...