11隻馬騮反轉Claris家

2010/05/30

今日計埋Claris主人家一共有8個家庭11隻馬騮...大家浩浩蕩蕩一齊衝上去搗亂喔!! 咁多小朋友一齊玩真係巧熱鬧巧開心...不過反轉過後要麻煩工人姐姐善後哩

每次去到一個陌生地方..哥哥都要點時間warm up下先...

成班馬騮係走廊和房間穿梭周圍走...

小朋友圍住張檯企定定等開餐...

有美味既homemade蛋糕和各式水果供應...

弟弟無份食扭計喊呀...哥哥姐姐立即走黎呵番佢...

哥哥獻上情深一吻添...

小朋友食飽又繼續玩啦...

要11隻馬騮乖乖坐定影大合照簡直係高難度挑戰...

突然...弟弟比班馬騮的嘈吵聲嘈醒左...

哥哥發現後立即走過去呵番弟弟...

哥哥真係好鍚弟弟架...

今日真係非常感謝Claris熱情款待...下次有機會再上黎encore

1127初次會面篇

2010/05/29

今日約左5個與弟弟同年同月同日生既BB和媽咪出黎見面..因為爸爸有事未能相陪..我唯有單拖帶弟弟出街街..而哥哥就交由婆婆照顧喔!! 我之前都未試過單拖帶哥哥出過街..因為自己無信心怕搞唔掂..但今次唔知點解咁有勇氣喎?!? 就係咁我既第一次就奉獻左比弟弟喇  

今日既聚會地方係 Elements ~ Caffe Vergnano 1882

弟弟由我抱出門口搭車去到cafe一直都係訓訓訓...我就趁弟弟訓覺時食下lunch和其他媽咪吹下水...見差不多夠鐘飲奶就摷佢起身飲飲飲..到弟弟飲飽訓醉後..大家都差不多要埋單走人囉...哎呀...弟弟都未識到朋友仔就要say goodbye啦...好彩都仲影到大合照...唯有等下次再約出黎玩哩...

弟弟半歲大

2010/05/27

半年前既弟弟...

眨下眼就咁大個啦...

弟弟係一個好容易笑既bb..只要你引一引佢就哈哈大笑...

已經坐就好穩唔使人扶住啦...

剛學識反轉身...又要開始學爬啦...

發現對腳好玩就成日捉住對腳仔...

餵你飲奶就最好趁你眼訓仔既時候一氣呵成...如果唔係一餐起碼分兩三四次飲...

因為怕你掉開奶樽唔飲奶...所以仲未開始訓練你自己拎奶樽...不過媽咪都好享受餵你飲奶既時候哩...

你同哥哥細個一樣都係唔玩正常玩具..但對果d廢物垃圾就興趣大d...

其實除左飲奶差d之外...你都算係一個乖bb哩...

tea buffet@花月庭

2010/05/23

今日約左婆婆一家去帝京酒店~花月庭食tea buffet...雖然係食tea...不過果度都有很多野食...款式又多...不過最主要係有我既至愛哈根帶雪糕供應...呢個buffet價值$168+1...我足足食左六球雪糕...今次仲唔回晒本兼有突...呵呵呵

自從兩個仔出世之後...每次帶埋佢地去食buffet都未能盡興而回...因為顧完大又要顧個細...真係要搵次兩個仔都唔帶...自己去刷番餐勁先 (發夢中)...哈哈哈

出發前係婆婆家影下相先...