幼兒園新生親子活動

2010/07/31

8月2日係N1班正式上學既日子...今日幼兒園特登搞左個新生親子活動...邀請家長和新生們入校園參觀和了解多些上學既情況...

哥哥係一個慢熱既小朋友...初頭參觀時哥哥都係咁痴實我地...又唔理睬老師們...但當哥哥熱完身全情投入去玩唔同區域既玩意時...叮叮叮...好可惜我地已經夠鐘要離開學校啦!!!

哥哥對泥膠好大興趣...遲D都要買番盒比哥哥訓練下手指肌肉...

同學仔齊齊坐定聽老師講故事 (其間哥哥成日東張西望唔專心..不過返到屋企問佢故事內容講咩...有D佢又講得出喎)

穿飲管做手鍊...

油顏色 (本來哥哥唔肯著件畫袍...玩玩下先肯著咋)

放D物件落水度睇下浮定沉 (哥哥最鍾意玩呢個..乜野都放晒落去)

學生入到校園就要換鞋...呢度就係哥哥擺鞋既位置...