寶寶會幾時出世呀??

2008/02/05

踏入二月, 心情開始越黎越緊張
BB究竟幾時會出黎呢??
新年前定新年後呢??
會先穿水定見紅呢??
心裡面有無數既憂慮和問題...
但答案就只有BB先知道丫>"<

今日已經係37週丫
之前曾經擔心BB會唔足月提早出世
但今日呢個擔憂已經消失丫
我而家只會擔憂BB幾時會出世
出世後又怕唔識照顧BB
長大後又怕唔識教導BB
我終於明白為人父母者...
真係養兒一百歲, 長憂九十九

爸B成日都會向住媽咪肚仔問BB
"BB, 你幾時出世呀??"
當然BB留係媽咪肚裡面吸收營養直到足月就最好啦
但其實我地都好心急想見到你, 親手抱著你 ^_^