十級痛楚既經歷

2008/02/22

昨天已經出左院了, 休息了一天, 精神好番一點, 可以坐在電腦前打番十級痛楚既經歷呢...

我因為持續陣痛左幾日, 但無見紅和穿水, 最終係17號夜晚九點幾吃完晚飯就入左醫院檢查, 原來已經開左兩度, 唯有跟老公係走廊踱步, 希望行得多d度數開得快d啦, 原本以為仲有排痛先生得, 所以叫老公先行回家, 點知過左十二點後, 陣痛開始越黎越強烈, 五至七分鐘就痛一次, 直到零晨一點幾就三至四分鐘痛一次, 痛到我大叫, 但姑娘都無理我, 可能覺得我邊有咁快生得丫, 只係話拿笑氣比我聞住止痛, 零晨兩點左右, 我去toliet發覺見紅, 無幾耐就穿水, d姑娘就拿拿臨幫我再檢查, 跟住就準備推我入產房, 我記得果陣係零晨二點十五分, 好彩老公也剛趕得切到達產房, 記得姑娘叫我一痛就用力柯出黎, 最後我用盡所有既氣力, bb係零晨三點就呱呱落地了...

bb一出世已懂得放聲哭叫, 唔需要姑娘拍打屁股仔, 跟住姑娘就帶bb來我面前, 要我告訴她bb係男孩定女孩, 當時真係覺得好疲倦, 但我知道一定要回答她, 所以立即好清晰咁答她係男孩, 之後她們就帶bb去清潔身體和量度體溫磅重, 而老公就要係外面等候, 因為我剪了會陰, 所以要留低比姑娘縫合傷口, 但我發覺其實縫針都好痛, 我要不斷聞笑氣先可以止到d痛楚, 姑娘縫完後就把bb放在我床上一齊推出去產後房休息了...

最攪笑係佢地唔知我係丈夫陪產, 因為張床無插上"丈夫陪產"果張咭, 好彩我無聞笑氣聞到傻左咋, 如果唔係點叫姑娘立即call我老公過黎, 同埋好彩屋企與廣華都算住得近, 如果唔係點忍痛忍到老公黎到先生bb丫...