記得上年去BB展有朋友送入場卷
因為係免費贈卷既關係
沒有憑買票入場送贈品的小冊子
當時我和爸爸已經覺得有點笨
所以今年發揮師奶本色準備埋label去掃貨了
今日下午約一點鐘
我,爸爸和婆婆帶埋寶寶一行四人
搭地鐵去金鐘站轉搭穿梭巴士到會展
可能午飯時段未有太多人排隊買票入場
很快老公就已經買到入場卷了
會場裡真係人山人海十分擠迫
原本打算帶寶寶去Johnsonbaby個counter玩body message
但今年竟然無呢個show了..有點失望呢..
我地唯有轉戰帶寶寶去玩Fisher-Price既玩具啦
寶寶對各種玩具都很好奇玩得很開心
寶寶玩完已經扭肚餓扭眼訓
婆婆就帶寶寶坐在椅上餵奶和休息
而我和爸爸就開始分頭去排隊換贈品
因為實在太多人太擠迫..已經無心機去睇其他野
而且價錢比出面都唔算太便宜唔值得排長輪去買
所以我地只係買左Healthy Time米糊和牙仔餅
同埋換晒想換既贈品就回家了
幸好今次有婆婆一起同行照顧寶寶
如果唔係我地都掃唔到咁多戰利品呢!!!
沒有留言:
發佈留言