話咁快寶寶十個月大丫...
今日同阿仔磅重約有19磅...呢個磅數算係中規中矩咋
有很多同月既bb已經超過20磅喇...其實你都算係個為食bb...而家每日五餐 ~ 三餐240ml奶奶+糊仔+粥仔...晚飯時婆婆又會餵些白飯/魚/菜比你食...但點解你食極都唔重磅既
唔通你遺傳左媽咪食極都唔會太肥既身型 
身高就約有70cm...屋企張bb床仔你都就快頂腳唔岩訓了
遲d就要同爸爸媽咪一齊大被同眠..唔知到時我地會唔會變做安安佳佳呢 
阿仔有時都可以企到一兩秒..不過唔係成日都肯企
最拿手就係扶住d野周圍行..另外..一見到自己鍾意既電視廣告就會眼都唔眨 
如果有人阻住佢視線..佢就會側晒頭睇到廣告播完為止 
(最鍾意睇有bb出現和曬駱駝既廣告)...而家仲會一聽到自己鍾意既音樂就聞歌起舞扭/UN pat pat添..好搞笑 
每日阿仔都會分幾段時間小睡1-2hrs..夜晚約8點半就會扭眼訓..訓到約11點半起身飲支奶..跟住就會大覺訓到第二朝...但而家就貪玩左..有時玩到10點先扭眼訓...可能越大就唔會訓得太多...但專家話bb訓得越多就越好架...所以阿仔你都係乖乖地..唔好咁貪玩訓多d啦
終於等到阿四出場喇...不過呢隻牙個位置就出得斜左少少...唔緊要啦...第時換牙換番個靚位咪得囉
阿仔開始有多d聲氣...係度自己講bb話...不過出街依然都係比較靜d少出聲
有時會聽到佢叫baba...扭計時先會叫mama...而家仲開始識得痴住小表姐玩添...寶寶大個仔喇 
沒有留言:
發佈留言