哥哥N1@第一天

2010/08/02

為了讓新生逐步適應校園生活...學校分左四個階段返學上堂時間 :

第一階段只會返一個鐘和只可以一位家長相陪 (0930-1030)

第二階段家長不能相陪, 留在學校食lunch (0930-1200)

第三階段留在學校訓午覺 (0930-1400)

第四階段正式返全日班 (0845-1630)

哥哥N1正式開學啦...

今日我原本打算送完哥哥返學就跟住返工...點知入到校園老師竟然無趕我離開喎...咁我緊係繼續留低睇下哥哥返學返成點啦...

哥哥係屬於觀察慢熱型...如我地所料...佢未熱身實會變成樹熊痴實爸爸...當老師與同學仔一齊玩唱遊...玩傳波波時...佢一d都唔投入...但當老師話可以去玩車時就自己去搵架車玩喇...

學校有各式各款既車車...

睇下哥哥個樣子幾奸...

哥哥做緊交通督導員...見到同學仔係度撞來撞去...佢就會出聲制止...又會做動作「交叉」示意唔岩 (其實佢係屋企玩車時都係會橫衝直撞)

玩左一陣...老師話要放好架車洗手食水果時...原以為哥哥會唔肯走喊到拆天時...佢竟然自動自覺去泊車喎...真係估佢唔到哩...

今日水果係蘋果...哥哥唔鍾意食吐番出黎...水就肯飲...

又肯收拾杯碟去分類箱裡...

因為校服供應商延誤...今日先可以度size訂貨...要到9月份先可以穿著校服返學...

家長們忙著訂校服...小朋友們忙著玩玩具...

叮叮叮..話咁快夠鐘放學啦...臨走前老師仲送了架車仔比哥哥哩...