BK0802兩歲生日聚會@新界一天遊

2010/02/07

今日我地參加左BK0802兩歲生日聚會...原本滿心歡喜帶豪豪去郊外行下...點知天公不造美...成日都落住超大雨...搞到我地新界郊外一天遊變成室內一天遊...原打算參加呢個活動可以比阿仔餵羊...採摘士多啤梨...而家乜都無晒...

原本郊外行程 ~ 錦田鄉村俱樂部 (裡面可採摘士多啤梨) / 羊羊樂園

變成室內行程 ~ 屯門爬蟲館 / 流浮山鮑魚海鮮午餐 / 元朗紅磚屋跳蚤市場 / 元朗恆香餅家工場

呢個團除左爬蟲館可以讓小朋友認識各種爬蟲類外...其他景點都唔太適合小朋友活動...實在令我地太失望...不過無計啦...鬼叫落大雨無停過咩...同埋每去一個景點落車時都搞到周身濕晒...真係咩mood都無晒...

第1站 : 屯門爬蟲館 ~ 如果唔係跟團去...我都唔知屯門有間爬蟲館添 (住屯門既朋友仔得閒可以去呢度親子教育下喔)

豪豪對條蜥蝪感到很好奇...望左好耐...

哇...help me...有條壁虎爬緊過黎呀...

咁大隻既烏龜都係第一次見喔...

第2站 : 流浮山鮑魚海鮮午餐 ~ 我地除左品嚐團體餐外...還夾錢與其他family一齊叫左碟果間酒家出名既酥炸生蠔添...原本唔食生蠔既我都品嚐一隻...味道不過不失啦...

第3站 : 元朗紅磚屋跳蚤市場 ~ 一個避雨既好地方...我地環遊一個圈之後就去左小食亭度買野食...

美味既腸粉...

呢排影相時叫阿仔笑...佢就笑成咁既樣...

甜滑既燉奶...

第4站 : 元朗恆香餅家工場 ~ 每位參觀者和工場既工人都要帶上mask (小朋友除外)...確保食物衛生...

每位參觀者參觀完工場後就可免費品嚐新鮮出爐老婆餅一個及可即場購買各式餅類回家...老婆餅新鮮即製果然very good taste...

勁多family即場幫襯...原本我都諗過買袋返屋企...但睇見落大雨都打消呢個念頭...費事要抱住阿仔既同時又要左一袋右一袋...

大約玩到四點...旅遊車就載我地返九龍塘解散...我地就係咁玩左大半日...對比起一歲既生日聚會...我都係覺得成班family係酒店搞生日party開心d有氣氛d哩...anyway...今次真係好多謝負責統籌呢個活動既媽咪們...我知道要搞一個大型活動要花好多心思和時間哩...thank you so much !!!

係又一城見到聖雅各福群會做義賣...

爸爸就叫阿仔捐錢做善事買支花和朱古力...

送比我做情人節禮物哩...

呢頂轎幾靚靚...