寶寶八個月大丫

2008/10/18

寶寶 : 媽咪, 今日我八個月大喇!!! 你點樣同我慶祝呀!!!

媽咪 : 我和爸爸商量左要同你影輯寫真留念啊

寶寶 : 寫真...咁咪要露...

話說呢輯寫真相..我和爸爸都構思左好耐..諗住等到寶寶長大d識坐穩就去爸爸朋友那間影樓影相...咁岩寶寶八個月大撞正星期六...就一於約埋爸爸d攝影發燒朋友一齊去影輯靚相喇  今次我仲好開心邀請到包妹(其實係包姐先岩)同寶寶一齊影相添!!!

寶寶係一個cool boy..要引佢笑..要令佢唔扭計...真係要出盡百寶  所以我地執左一箱平時寶寶喜歡玩既玩具和拍攝用品去影樓...希望到時可以大派用場阻止到樹熊上身啦

由於今次係朋友借出影樓拍攝..所以有些道具都要自備攜帶..我地實在執左太多野搞到一抽二袋...唯有麻煩爺爺駕車車我地去影樓一趟...謝謝爺爺..而寶寶就係車程中充一充電 !!! 剛好去到影樓寶寶就訓醒了...

寶寶望見周圍都黑漆漆(因為有其他攝影朋友仔影緊相)..初頭都表現得呆呆滯滯..但好快熱完身後就發揮少爺仔既百厭本色 ---周圍攀喇

隔左一陣...包妹family到達影樓...兩位小主角就互相交流下喇  

寶寶 : 包妹..你對鞋仔幾靚喎...

包妹 : 緊係啦..媽咪新買比我架

寶寶 : 點解我成日都做赤腳小子既 ...不如你借比我著下丫...

包妹 : 粉紅色都唔岩你...喂喂喂...我甩鞋喇..唔好捉住我隻鞋啦 ...

     

由於影樓地方有限...今次除左影兩位小主角外...還會拍攝兩位靚女model...所以每當兩位小主角拍完一個造型要換衫或訓覺充電休息...另外兩位model就會攝位拍照...其實幾位攝影師真係忙過不停...為博兩位小主角一笑...又要扮鬼臉又要不停搖玩具引住佢地望鏡頭...仲要訓晒身影相添...真係辛苦晒各位喇 

               未post靚相前...先post幕後花絮 

寶寶 : 我要變身武松打虎 (咁咪即係打自己 )

包妹 : 寶寶..你可唔可以靜一靜呀

寶寶 : 嗚嗚..包妹扭我耳仔呀

包妹 : 你再唔安靜..我就用打虎捧叉你

寶寶 : 我都係走為上著喇

< 待續 ...>