口服輪狀病毒疫苗第三劑??

2008/10/13

今日係寶寶口服輪狀病毒疫苗第三劑既日子
因為爸爸而家返夜班
所以可以早上帶寶寶去診所後下午才返工
點知兩仔爺去到診所見醫生
醫生竟然話寶寶過左六個月大就唔駛吃第三劑喎..
下..d疫苗唔係要吃三劑先有效用咩??
今次唔吃會唔會白費之前吃果兩劑架??
唔通BB過左六個月大就唔會中輪狀病毒??
咁當初就唔好話要吃三劑啦…
雖然心裡面有好多疑問
可惜媽咪當時唔在場
如果唔係實問醫生問到底
既然醫生話唔駛吃
無理由堅決要吃架..
咁爸爸就帶寶寶離開去公園玩下

通常BB去到公園玩應該好開心
但寶寶就無咩反應

點解呢??
媽咪唔係度陪你..所以你唔開心丫??
呵呵..好喇好喇..
媽咪應承你下次再陪你一齊去玩喇!!!

其實我和爸爸都覺得寶寶唔係一個鍾意成日笑既小寶寶
當心情好時就唔駛逗都笑
但有時就算出盡百寶逗佢
佢都只係笑一笑..有點敷衍既感覺..
點解寶寶成個cool boy咁架??

唔通係性格問題??
水瓶座既性格係咁cool架咩??
真係要睇下星座書參詳下呢..
寶寶..你要笑多d..做個開心小寶寶呀!!!
爸爸媽咪都好想成日見到你嘻哈大笑架..
笑一笑..世界多美妙!!!