第一宗 ~ 換尿片屎片既時候最鍾意向人敬茶..但呢杯茶爸爸媽媽係唔想飲..等你大個仔娶老婆時再敬茶都未遲哩..而且搞到d衫和包被都弄濕晒..又要幫你換衫又要拎去洗衫..忙完一大輪都係為左幫你換一條片咋..
第二宗 ~ 通常BB仔飲完奶就訓..訓醒又飲..一日訓足差不多廿個鐘..但你又好特別既..有時日頭就不停訓訓訓..搞到夜晚就唔願訓眼光光..曾經嘗試日頭同你傾計唔比你訓咁多..但講多幾句你又訓著左..唔通我地講野有催眠作用?? 又有時日頭夜晚都唔願訓..爸爸媽媽要輪流暗你訓..搞到我地無覺好訓變左一對大熊貓..
第三宗 ~ 你係一個小鬧鐘..每隔三至四個鐘就準時叫喊要飲奶..有時未夠鐘想暗番你訓..你又唔肯訓係度喊喊喊..喊到我地比你飲奶為止..究竟係d奶奶唔飽肚定係你大食仔呢?? 夜晚飲完奶應該乖乖地一覺訓到天光...你就半夜三更要飲奶..想同你戒夜奶都唔得..唯有等婆婆遲d幫手湊你時再train train你啦..
爸爸媽媽對你真係又愛又恨..不過你咁可愛又邊會捨得恨你丫..臭豬仔!!
沒有留言:
發佈留言