年廿九

2009/01/24

今日係年廿九..我地下午又帶左寶寶去荷花[遊樂場]玩玩具  今次好明顯阿仔已經識得自己去探索去玩...唔再係一舊飯喇!!

阿仔帶著依依不捨既心情離開遊樂場...傻豬..爸媽下次再帶你黎玩過啦!!!

由於上次係尖沙咀果間Apple Green吃過d甜品好好味  今次係新世紀廣場間分店再次品嚐...阿仔咁為食...當然預埋佢一份啦!!!

夜晚就同婆婆一家人係慈雲山中心果間[霸王山莊]吃團年飯...不過今次又係要等了又等先上齊菜開飯...如果下次再去都係要三思三思呢!!!

難得明天係星期日..亦都係開始放悠長假期既大日子...緊係要賀一賀啦 同家人打通宵麻雀...足足打左12圈..自從有左阿仔之後都好耐無打過了  打到阿仔訓醒都未打完...阿仔見到d麻雀都好興奮係度玩破壞 (唔通小朋友都咁喜歡玩積木??)

阿仔呢個剛訓醒look咁似d爛賭二既