新年團拜

2009/01/29

因為寶寶份量都唔輕...所以我很少會獨自帶阿仔出街...就算帶都只會帶去屋企附近地區同朋友飯聚  由於爸爸今日要返工...我就只好獨自帶阿仔入沙田區到契妹家拜年...自己又要揹住阿仔..又要揹住奶粉袋...真係勁辛苦 好彩我約埋阿仔個契爸媽係火車站等候一齊去...有契爸幫手減輕左負擔咋

寶寶第一次到契妹家...契媽一見到阿仔就話阿仔個樣同爸爸好似餅印咁copy出黎喇...乜真係咁餅咩?? 點都會有d似我掛  阿仔初頭都成日要痴住我...後來見到d玩具和靚女(契妹個姪女)先唔係咁痴身咋  

契妹和阿仔'契媽個肚越黎越大..bb就快出世喇 一諗到下年新年就會有四個bb一齊玩既情景..兩個細bb係度爬下爬下..兩個大bb係度走來走去..實好熱鬧好開心呢  我地三個好姊妹而家各有自己家庭..跟住有自己bb..希望大家既小朋友將來都變成好兄弟啦...咁咪係串燒三兄弟