又輪到去廣華做第六次產檢...下星期開始就要每星期去一次了...
今日搞左差不多三粒鐘先走得...咪又係要等見醫生哩...因為姑娘幫我度肚時發覺bb size比週數細兩週...度左幾次都係咁...為安全計話要pass比醫生再睇喎...等了又等...醫生度完又話bb size ok...又話bb個頭仔可能落左d...又可能縮埋一邊...而且臨床用手度始終有差別...其實bb size既週數徘徊大細兩週都係正常唔洗擔心...講真我都無擔心過...因為我keep住有去私家醫生check架麻...
今次磅重有122磅...比起上星期重左2磅...真係臨生就重得快d架喎...其實我都覺得自己論盡左..尤其係訓覺時...訓左落床要好辛苦先可以爬起身...而且早幾日仲發現自己隻腳有d水腫添...好彩腫左兩三日就消左了...聽老人家話如果三腫三消就係生得架啦...不過我再問過其他臨生前有出現水腫既媽咪又唔係咁喎...哈哈...我記得上次陀豪豪時都未試過腳腫...今次真係新嘗試哩...其實我懷胎直到而家除左腳腫和腳抽筋外...其他一切都正常...真係鍚晒細b呀...我而家最希望細b健健康康...肥肥白白咁足磅出世哩...
唔知細佬仔出世時重磅d定我重磅d哩??
沒有留言:
發佈留言