話咁快豪豪又21個月大...細佬亦快將出世...而你就升級做哥哥了...
今個月阿仔最有進步就講野方面...雖然都係一大堆你以為我地明白你講咩既bb話...但有些詞語已經由單字變為雙字...對於你黎講已經叻叻仔啦...爸爸媽咪希望你繼續努力...下個月再比驚喜我地...好嗎
阿仔最鍾意就係睇車和玩車...每日都會依偎著窗邊望車...見到巴士會叫「巴」...的士叫「的」...基本上你都認得d車車類別...只係未識發音...每逢聽到警車/救護車/消防車果d「BB」聲...你就會拍拍自己和爸爸媽咪心口示意驚驚...但係越驚就越要追住睇架車去左邊樹...你真係一名八卦豬哩
最近發現你多左幾隻牙仔...不過媽咪無真正幫你數清楚..因為你點都唔肯正經mark大個口比我睇...我唯有靠估...大約有14-15隻啦...而體重就只有24-25磅...但相對起同齡既朋友仔..你真係要急起直追啦...其實你都唔算食得太少野...點解都係咁輕磅既?? anyway...最緊要你身體健康就ok啦
今日媽咪終於記得買件cake慶祝你又大一個月啦...不過你呢隻為食豬食自己果件仲唔夠...連姨媽果件都食埋一份...左一啖右一啖...食到個咀變左污糟豬
沒有留言:
發佈留言