昂坪360一天遊

2008/11/16

話說自從昂坪360發生事故之後..我都無諗過會去搭呢架纜車...一來票價昂貴..二來點都有d心理陰影影響  後來睇報紙仲話十二月會加價添...唉...咁就更加唔會去啦...點知news幾日後...爸爸話有個攝影版聚活動  乘搭昂坪360去大嶼山玩一日  價錢仲幾抵玩...問我去唔去遊一遊?? 橫掂我都未搭過昂坪360..又好耐無去過大嶼山..最重要價錢又幾便宜...緊係去玩下啦..仲要叫埋婆婆和姨媽一齊去添

今日先到東涌集合..雖然係攝影會版聚...但有很多攝影友都帶埋家人一齊去玩..所以感覺有點似去左參加本地一天遊呢  

 

第一次帶寶寶去搭昂坪360纜車..唔知阿仔會有咩反應呢...

寶寶全程都好開心..周圍望沿途既風景..

昂坪市集...可能係週日既關係..周圍都有很多遊客..

天壇大佛..實在太耐無做運動..行呢條樓梯都幾氣喘

午餐去了一間[淨悟林]吃齋宴...d人話齋菜既味道好食過寶蓮寺...

吃飽後..行去鳳凰山附近個景點~心經簡林

我地吃山水豆腐花...寶寶無得吃唯有飲奶奶啦..

寶寶今日心情很好...成日都笑哈哈...

寶蓮寺門口到此一遊

媽咪鍛鍊到有一雙強而有力既手臂..一手托住寶寶...一手托住大佛

我地玩到五點幾就乘搭昂坪360走人了...因為太多人同一時間離開..所以條纜車龍排到很遠很遠..咁樣排法容乜易排到天黑..所以我地就決定改線排企位..幸運地又遇到位好心人讓位比我坐(因為抱住熟睡的寶寶)...黃昏既景色真係迷人..話咁快就落到山了..跟住晚餐去左荃灣小肥羊打笨爐...就係咁一家人過左一個愉快既週日