寶寶九個月大丫

2008/11/18

寶寶九個月大丫...

雖然寶寶生肖屬鼠..但我和爸爸都唔覺得阿仔似老鼠仔..似馬騮仔多d..因為成日都見佢左攀右爬無時停  但慢慢又會發覺阿仔都有老鼠仔既特徵 ~ 例如唔鍾意我地幫佢抹面抹手腳 ; 每次換片都要走佬..又會哭哭啼啼 所以每次都要搏鬥一輪先換完 ; 幸好沖涼都肯乖乖就範 (婆婆沖多數會乖d..我地沖就好似同佢打交)..如果唔係真係一隻名副其實既dirty mouse喇!!!

成日聽老人家話BB學一樣野快就會學一樣野慢...寶寶學得最快就係坐, 爬和企..而家有時仲可以企到一兩秒添  但當教阿仔身體語言 ~ 鍚鍚, 抱抱, 比比, 拍手掌就完全無反應..有時心情好都會同你揮手say bye-bye..同埋說話方面就明顯比其他BB少發出聲音..唔通阿仔遺傳左爸媽文靜既優點  

每當寶寶長大一個月..媽咪都好想買個蛋糕仔幫阿仔慶祝下奈何媽咪生完你之後記性差左dd  不過當你一歲既時候..媽咪實會記得買個大蛋糕同你賀一賀呢今日咁岩婆婆用餅咭換左一盒西餅回家品嚐..咁就順理成章變成阿仔既cake of a month喇