媽咪好友的婚宴

2008/11/08

今日係媽咪好朋友Ada既結婚大喜日子原本有份幫手做姊妹..但因為某種原因做唔到..都有少少失望呢 今次係寶寶第一次出席婚宴...當然要幫阿仔盛裝打扮下啦...

寶寶著住件西裝仔實在太可愛...搭地鐵時吸引不少途人既目光...寶寶都唔執輸望下姐姐仔(咁細個就學人電女仔)

寶寶望見扶手時都不忘發揮百厭本色...馬騮仔上身  

因為要餵埋粥仔比寶寶做晚餐..所以搞到遲左出門口..而媽咪又大頭蝦唔記得左今次係酒樓註冊...去到已經見到其他來賓陸續埋位就座...幣傢伙...咁咪無得同一對新人合照囉 好彩新娘子安排左我們仨既座位係新娘房外面...咁就可以捉實新人影相呢

寶寶 : 姐姐..你好熟口面喎

媽咪 : 傻豬...而家要改口叫姨姨喇

之前媽咪曾經都有諗過係酒樓註冊...所有來賓都可以一齊觀禮...氣氛實很好呢 ..不過又係某種原因打消左個念頭...今次就用來賓身份來感受一下...原來真係幾感動的啊 

寶寶今晚很乖無搗蛋...由開席訓到散席..媽咪和爸爸可以專心用餐呢

寶寶返到屋企訓飽精神...仲係度玩臭鞋和攬球添

寶寶身高已經超越熊bearbear喇