西寶城@playtown

2008/11/09

打blog和睇blog已經佔據左我生活一部份..除左可以記錄低寶寶成長點滴外...仲可以和其他網媽交流下湊仔心得呢...有時仲會係佢地既網誌內發現一些適合帶小朋友去玩既好地方...一家人去玩樂也融融呢...如果唔係多得網媽推介...我呢個九龍區媽媽都唔知道香港區有個咁好玩既地方 ~ 西寶城playtown ~ 呢度雖然都係要比錢入場...但我覺得都物有所值...起碼只係比一個價錢就可以玩足全日兼可自由出入...最重要唔使偷影可以任影相麻...岩晒爸爸呢個攝影發燒友啦 (足足影左幾百張相 )

今次約埋妹妹family和包包family(和她的朋友仔)一齊去玩...不過寶寶未到達playtown已經急不及待搵周公了...我和爸爸唯有等...等...等啦

 

滴答滴答...終於等到少爺仔訓醒啦 (因為夠鐘要飲奶...所以係被我地摷醒先岩)

寶寶訓飽飲飽成個人精靈晒...即刻去搵朋友仔一齊玩先...

寶寶和包包似乎對妹妹個鴨仔奶咀好有興趣喎

妹妹feel到即刻玩咬波波想轉移佢地視線

寶寶就比波波吸引左...但包包就繼續目不斜視望住妹妹個鴨仔奶咀

最後包包忍唔住要出手搶妹妹個鴨仔  當然被兩位媽媽一齊阻止啦....

跟住大家轉移陣地去玩波波池...

寶寶 : 哇...好多七彩波波...多過我屋企果個呀..

妹妹 : 包包, 你聽唔聽到有人叫help呀

包包 : 係喎...邊個係度呼救呢

寶寶 : help me...i'm falling down...

包包 : 寶寶唔使驚...我黎出手救你呀不過我都自身難保呀!!!

最後寶寶, 包包和妹妹齊齊困住係波波池裡面等大人救援呢

其實playtown裡都分開左細bb區和大bb區...細bb區係禁止大bb進入...而且周圍都有軟淋淋既地墊...所以我地都放心將寶寶放係地下自己爬自己玩...仲有各類型既靚車楂添

大bb區果度有個大型既攀爬架, 滑梯場, 籃球場, 射擊場和彈床...岩晒百厭寶寶和大細路既我地...雖然大bb區係禁止細bb進入...不過有大人陪伴就另計啦

寶寶 : 點解爸爸媽媽好似仲sir得開心過我既

寶寶 : 攀爬我就最拿手...難唔到我既

寶寶 : 爸爸, 我要學姚明入樽

寶寶 : 哇, 地下好多波波呀...

寶寶 : 我頭上好多波波橫飛呀..

寶寶 : 哎唷...中波添

寶寶 : 好大支波板糖呀...yummy...

寶寶 : 咦...點解突然間地震既....(原來爸爸係度跳緊彈床)

玩左咁耐...係時候坐低飲杯茶食個包休息下喇...

牆後面係一間party房...下次我地可以約埋班朋友一齊係度開party囉

呢度周圍環境都係好colourful...真係專為kids而設計呢....

今日真係玩得好開心...由三點玩到六點先走...而寶寶全程都無扭過計...可能訓飽食飽既關係啦...呢度大人細路都岩玩...WE WILL COME BACK SOON