2009/02/18
睇完迪士尼煙花後...我們仨就乘搭酒店既專車向下一站 ~ 迪士尼樂園酒店[翠樂庭]
進發喇
初頭諗住出返市區d酒店食buffet...但諗諗下山長水遠入到黎...不如係迪士尼酒店食埋啦...況且係市區食又要幾百蚊...係迪士尼酒店食都係幾百蚊兼且有迪士尼人物陪伴共進晚餐喎...我地緊係選擇後者啦
豪豪到達酒店後就剛好訓醒...叉完電...精神晒
酒店員工好細心幫豪豪預備一套米奇塑膠餐具呢
豪豪近排鍾意自己楂住支匙自行進食
爸爸見豪豪飲唔晒支奶..就試下倒落杯用匙餵...結果搞到阿仔成個咀都係奶
米奇, 米妮, 高飛和布魯托就陸續出動逗豪豪玩耍...又攬又抱...真係好close啊
而我都唔會執輸..點會放過同佢地一齊影相既機會丫
布魯托好識逗豪豪玩...阿仔玩到笑晒口好開心呢
我訂位時預先向酒店訂左一個半磅生日蛋糕送給豪豪
踏正九點...米奇和一班酒店員工捧住個蛋糕...一齊唱生日歌 好開心有咁多人與豪豪慶祝一歲生日..
感謝某酒店員工幫我錄影一段咁有記念價值既video
臨走時係餐廳和酒店大堂影番幾張相...其實我地玩左一日都幾累...都有d後悔無book酒店住一晚...不過今次無入住都唔係一件壞事...等下次咪有藉口再入黎玩多次囉
豪豪的迪士尼生日禮物
爸爸媽媽 : Happy Birthday to our Love 豪豪
We love you Anytime, Anywhere
Wish you 健康快樂地成長 !!!
沒有留言:
發佈留言