寶寶農曆生日

2009/02/06

今日年十二係寶寶農曆生日..依老人家計法應該一歲大了...不過我地d後生仔緊係當18號先算係正日一歲大啦  

每年寶寶既農曆生日都好容易記得...因為公公生日後就係阿仔生日啦  還記得上年吃過公公生日晚飯後...我就被婆婆催促入院待產...因為我當時每隔數分鐘就痛一次...婆婆話可能就生得...但我心諗之前已經多次入院吃詐糊...阿仔今次會唔會又耍我  所以我都係被家人半推半就咁車左入院...點知阿仔真係半夜凌晨三點鐘就出世喇...有時真係要信下老人家既說話

今日我和爸爸都要返工..所以無同阿仔特別慶祝農曆生日..不過我就買左個生日蛋糕形狀既杯(內裡有曲奇餅)送比阿仔慶祝生日  

寶寶試下d生日曲奇餅好唔好味先....簡直好味到唔停得口...為食 

今日婆婆比左封大利是寶寶....

 

還整左隻雞蛋比寶寶吃添...多謝婆婆