豪豪一歲生日@迪士尼[樂園篇]

2009/02/18

今日係豪豪一歲生日既大日子  原本諗住帶阿仔去studio影番輯靚相留作記念...但睇見其他同月既bb都入去迪士尼慶祝生日咁開心..搞到我都心郁郁..十五十六...最終同爸爸商量後都係決定帶阿仔入去迪士尼玩番一日啦!!!

我們仨向著迪士尼奇妙旅程進發喇...yeah

可惜一入到門口checking既時候就比保安哥哥掃興 因為迪士尼有個規定係唔比帶有碌既行李o急入去..而咁岩我地又帶左個拖o急..所以要放個o急係行李管理處仲要付出$30保管費..另外又要特登買個大型pooh袋放bb用品..又要付出$40..即係總共呃左我地$70丫  幸好入到場就遇見個好人哥哥幫我們仨影相...咁就算數啦  

入到樂園第一件事當然要拎番個生日襟章啦...豪豪一身米奇打扮再加上米奇襟章..實在太夾喇

多得爸爸的"鬼"主意  我地去左"Plaza Inn Restaurant"飲杯茶食個飽

吃飽後行去睡公主城堡影相...有個攝影哥哥好主動咁幫我地影合照..仲教我地坐係邊個位置影得最靚添...諗諗下樂園周圍都有呢d攝影哥哥..其實爸爸都唔使拎支"不求人"腳架入黎啦  

阿仔一直以黎比我地個感覺係貪玩及大膽既bb...可惜玩完d機動遊戲之後...原來我地係睇錯架

第一站 : 巴斯光年 ~ 入到去黑暗暗..阿仔初頭都好奇周圍望..但玩到尾聲都係扭計

第二站 : 太空飛船 ~ 當隻船上下郁動時...又係叫喊到飛起

第三站 : 旋轉木馬 ~ 諗住騎下木馬應該無事掛...點知都係唔得

第四站 : 小熊維尼 ~ 阿仔見到咁可愛既pooh pooh..情緒算係無咁波動

第五站 : 米奇金像獎 ~ 本來諗住阿仔會怕黑或者坐唔定周圍郁...點知出奇地好專心去欣賞喎...下次可以試下帶佢入戲院睇戲囉

第六站 : 米奇3D幻想曲 ~ 阿仔都係好專心去欣賞..不過就點都唔肯帶3D眼鏡去睇囉..咁即係變睇2D  

第七站 : 夢想花園 ~ 入面可以和米奇, 米妮, 高飛, 布魯托, 小熊維尼及依柯一齊影相..幸好阿仔唔怕d大頭公仔..如果唔係真係"唉"...而每個迪士尼人物都只係排左五至十分鐘就影到喇...同埋有bb一齊影相著數d..人物會逗bb玩..可以影得多d耐d

我地掛住影迪士尼人物..就錯過左花車大巡遊時間..趕到去只係送花車尾咋

今日真係唔算太多遊客...小鎮大街都無咩人

見到唐老鴨和鋼牙與大鼻係大街出現..緊係要排隊影相啦

還有排晒長龍既米奇與米妮

小小小世界...因為要維修保養...所以無緣進入

旋轉咖啡杯...因為我地怕轉到頭暈..所以無玩到

入夜後的旋轉木馬...影相都幾靚

阿仔玩左成日差不多無訓過覺...間中只係小睡片刻..到放煙花時終於頂唔順要眠一眠 ...咁都好既...阿仔要養足精神迎接爸爸媽媽為你安排既下一站節目呀  

待續....