蒲崗村道遊戲室

2009/04/25

近排既天氣反反覆覆成日都落雨..搞到無乜機會帶豪豪去街街...今日臨近黃昏時睇見街外無落雨...爸爸就提議帶阿仔去屋企附近果間體育館playroom玩...之前聽朋友講過果度都會有許多大小朋友追追逐逐...不過我地未去過都可以去試玩下!!

我地去到只有兩三個小朋友係度玩...差不多可以免費包場..其實果度個場都算ok...有幾個遊戲設施..只係覺得個地墊比較污糟有點扣分 (政府設施都唔好要求太高) 不過如果每次去都可以包場就去多幾次都無防呢!!

有阿仔至愛既sir滑梯...

又有得玩捐山洞...

阿仔既新寵...玩具屋 (其實係鍾意玩開門/關門和門鎖)