縱壞。寵愛

2009/04/08

還記得陀住豪豪果陣時..我和爸爸已經商量過話唔會買太多玩具比阿仔玩...避免縱壞佢  點知而家屋企大部份既玩具都係由我地去買...真可笑

每次行過百貨公司都不其然去玩具部打個白鴿轉睇下有咩玩具岩阿仔玩...

咦...呢個玩具話可以訓練BB手指靈活性..

呢個又可以幫助BB腦部發展..

呢個仲可以啟發BB既潛能..

不同既玩具對BB都有不同既功用喎..

總之每次都有個藉口去買買買..

其實我地都唔算係縱阿仔..佢都無開口提出話要買..只係我地太寵佢要買比佢之麻  不過第時到阿仔識得開口話要買東買西果陣..我地真係要諗清楚值唔值買先買..唔可以阿仔話要果樣就買果樣比佢...否則真係縱壞佢喇

有時越唔比阿仔出入既地方..佢就越好奇想入去八卦 除左廚房列入禁地之外...雜物房亦成為禁地之一...不過相信不久將來..呢間雜物房會成為阿仔玩捉迷藏既好地方