赤柱沙灘樂

2009/05/02

今日約左細細個family一齊去沙灘玩樂...小朋友可以玩沙嬉水...而我地大人又可以行街街既地方..最佳地點非赤柱莫屬了

豪豪都係第一次接觸沙灘...初頭對d沙都有點抗拒...不過玩玩下就赤腳周圍走了

兩位小朋友一齊係城堡裡玩沙很開心呢

阿仔與爸爸一齊落水玩...睇見不斷有浪打過來仲感到好新奇添...

爸爸一時失手...阿仔慘變濕水鴨

阿仔懲罰爸爸...要抱抱

本來乾身既爸爸...都濕晒

難道阿仔食緊沙

阿仔將d沙「畢」入水桶內...玩泥漿 

仲玩到水花四濺...

阿仔很專心地玩玩玩...

玩到都唔多願望鏡頭影相添

由於而家天氣都唔算太炎熱...我地怕阿仔濕晒身會冷親...所以玩左約兩個鐘就離開沙灘去醫肚了...可能玩得太開心...特別覺得M記d食物好好吃 吃飽就係美利大樓附近玩bubble槍...

兩個小朋友眼定定望實d bubble...

阿仔對支bubble槍很好奇

打完又鍚番...再互相擁抱...小朋友就係咁純真可愛

赤柱新碼頭

阿仔玩左成日精疲力盡...係爸爸懷抱裡眠一眠

日落西山...我們仨要回家了

今日真係玩得很開心...阿仔累到一上到巴士就已呼呼入睡...平時轉搭地鐵就會被d聲音吵醒...今次竟然一直訓到回家...相信阿仔真係玩得很盡興呢 由於我地N年都無去過沙灘...所以只係帶左防曬膏和一套乾衫比阿仔替換...而其他用品就由細細個媽咪攜帶..真係麻煩晒 希望下次可以約埋其他朋友仔一齊再戰沙灘啦